BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

استانادا دەنساۋلىق فەستيۆالى ٴوتتى

9 قىركۇيەكتە استانادا «دەنى ساۋ بولۋ – ٴساندى! سالاۋاتتى ساندارعا جەت!» ۇرانىمەن دەنساۋلىق فەستيۆالى ٴوتتى، دەپ حابارلايدى baq.kz اقپارات اگەنتتىگى.

اكسيانىڭ باستى ماقساتى – حالىقتىڭ نازارىن كەز كەلگەن جاستا قالىپتى سالماق، ارتەريالىق قىسىم، پۋلس سياقتى دەنساۋلىق پەن جاقسى تونۋس ساقتاۋ ٴۇشىن ماڭىزدى پارامەترلەرگە – «سالاۋاتتى ساندارعا» اۋدارۋ، سونداي-اق، ٴارتۇرلى جاستاعى تۇرعىنداردىڭ دەنساۋلىعى ٴۇشىن بەلسەندى قيمىلداۋدىڭ ارتىقشىلىعى تۋرالى حاباردارلىعىن ارتتىرۋ، كۇندەلىكتى جەتكىلىكتى فيزيكالىق بەلسەندىلىك داعدىلارىن قالىپتاستىرۋ.

فەستيۆالگە قر دسم قوعامدىق دەنساۋلىق ساقتاۋ ۇلتتىق ورتالىعىنىڭ ديرەكتورى ۋاليحان احمەتوۆ، استانا قالاسى قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ، مما فەدەراسياسىنىڭ پرەزيدەنتى اسىلبەك دۇيسەنوۆ، برازيليالىق دجيۋ-دجيتسۋ بويىنشا الەم چەمپيونى ارمانجان رۋزاحۋنوۆ، مارافونشى، حالىقارالىق دارەجەدەگى سپورت شەبەرى مارات جىلانبايەۆ، «سپارتا نوماد استانا» كتك كومانداسىنىڭ كاپيتانى دانيار ٴجۇمادىلوۆ جانە ت.ب. قاتىستى. قاتىسىشىلار استانا قالاسىنىڭ تۇرعىندارى مەن قوناقتارىن سپورتپەن بەلسەندى شۇعىلدانۋعا شاقىردى، سونداي-اق، ازاماتتار سالاۋاتتى ٴومىر سالتىن ۇستانۋ پايدالى جانە ٴساندى ەكەنىن تۇسىنە باستاعانىن، سپورت الاڭدارى، سپورتتىق-ساۋىقتىرۋ كەشەندەر، باسسەيندەر اشىلىپ، حالىق سالاۋاتتى ٴومiر سالتىن ۇستانۋ ٴۇشiن جاڭا سپورت تۇرلەرi پايدا بولىپ جاتقانىن ٴوتتى.

ٴىس-شارانىڭ باسىندا مۋزىكانىڭ سۇيەمەلدەۋىمەن فيتنەس-جاتتىقتىرۋشىنىڭ نۇسقاۋلارى بويىنشا رازمينكا وتكىزىلىپ، سودان كەيىن ۇلكەن فلەش-موب پەن جاپپاي جارىس ٴوتتى.

مارافونشى مارات جىلانبايەۆ جارىستىڭ باستالۋىنا دەيىن فەستيۆال قاتىسۋشىلارى ٴۇشىن شەبەرلىك سىنىبىن وتكىزدى.

ۇيىمداستىرىلعان دەنە شىنىقتىرۋ اۋماعىندا قاتىسۋشىلار ۋاقىتقا جاتتىعۋلار جاسادى: «شىمىر بۇلشىقەتتەردىڭ» ٴ1-شى ستانسياسىندا تاياقپەن قولدارىن العا سوزىپ وتىرۋ – 1 مينۋتتىڭ ىشىندە بۇل جاتتىعۋدى كىم كوبىرەك ورىندايتىندىعى ەسكەرىلدى. «تەگىس ٴىش» ٴ2-شى ستانسياسىندا - وبرۋچتى بەل اينالاسىندا 30 سەكۋند توقتاۋسىز اينالدىرۋ. «كۇشتى قول مەن يىق» ٴۇشىنشى ستانسياسىندا - ٴبىر مينۋت ىشىندە ەدەننەن قايتا-قايتا كوتەرىلۋ. «تەپە-تەڭدىك جانە بالانستىڭ» ٴ4-شى ستانسياسىندا – ٴبىر اياقتا 30 سەكۋند بويى تۇرۋ. «كۇشتى اياقتار» ٴ5-شى ستانسياسىندا توقتاماي ٴبىر مينۋت بويى سكاكالكامەن سەكىرۋ.

دەنساۋلىق قالاشىعىندا ٴارتۇرلى بەيىندى ماماندار تۇراقتى فيزيكالىق بەلسەندىلىككە بەيىلدىلىكتى جانە موتيۆاسيانى ارتتىرۋ، سونداي-اق دۇرىس تاماقتانۋ، تەمەكىنى، الكوگولدى پايدالانۋدان باس تارتۋ بويىنشا جەكە كەڭەس بەرۋ ارقىلى «سالاۋاتتى سانداردى» (قانداعى قانت، حولەستەرين، قان قىسىمىنىڭ دەڭگەيى جانە ت.ب.) ٴوسۋ كورسەتكىشتەرىن ولشەۋ، كەتلە يندەكسىن ەسەپتەۋ ارقىلى سالماقتى انىقتاۋ بويىنشا ەكسپرەسس دياگنوستيكا جاسادى.

جاپپاي جارىستىڭ قورىتىندىسى بويىنشا جەڭىمپازدار، ولاردىڭ اراسىنداعى ەڭ جاس قاتىسۋشىلار ەستەلىك سىيلىقتارمەن، كۋبوكتارمەن، مەدالدارمەن جانە العىس حاتتارمەن ماراپاتتالدى.

دەنساۋلىق فەستيۆالى ەلىمىزدىڭ باسقا وڭىرلەرىندە دە ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي