BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

استانادا انالار ولىمىنە قاتىستى جابىلعان پەريناتالدىق ورتالىق جۇمىسىن قايتا باستادى

ٴۇش ايەلدىڭ ولىمىنەن كەيىن جۇكتى ايەلدەردى قابىلداۋدى توقتاتقان استانا قالالىق №1 پەريناتالدىق ورتالىعى 9 شىلدە كۇنى تولىق كولەمدە جۇمىس ىستەي باستادى، دەپ حابارلايدى baq.kz اقپارات اگەنتتىگى قوعامدىق دەنساۋلىق ساقتاۋ باسقارماسىنا سىلتەمە جاساپ.

ەسكە سالايىق، اتالعان پەريناتالدىق ورتالىقتا شىلدە ايىنىڭ باسىندا جاڭا بوسانعان ٴۇش كەلىنشەك كوز جۇمعان بولاتىن.

«استانا قالالىق قوعامدىق دەنساۋلىق ساقتاۋ باسقارماسى كەلەسىنى حابارلايدى: جۇمىسىن ۋاقىتشا توقتاتقان استانا قالالىق №1 پەريناتالدىق ورتالىعىنىڭ بوساندىرۋ بلوگى 9.07.2018 جىلى ساعات 20.00-دەن باستاپ ٴوز جۇمىسىن شتاتتىق رەجىمدە قايتا باستايدى. بۇگىنگى كۇنى ورتالىقتا جاعداي تۇراقتى»، - دەلىنگەن حابارلامادا.

باسقارمانىڭ اقپاراتىنشا، بيىلعى شىلدە ايىنىڭ ٴ3-ى كۇنى قوعامدىق دەنساۋلىق ساقتاۋ دەپارتامەنتىنىڭ قىزمەتكەرلەرى ەپيدەمياعا قارسى ٴبىرقاتار پروفيلاكتيكالىق شارالار وتكىزدى.

«جۇمىس ىستەپ جاتقان قىزمەتكەرلەردەن اناليزدەر، بولىمشەدەن، قۇرال-جابدىقتاردان جانە جيھازدان جۇعىندىلار الىندى. اناليزدەردىڭ 7.07.2018 جىلعى ناتيجەلەرى بويىنشا، ورتالىقتىڭ سانيتارلىق-ەپيدەميولوگيالىق رەجىمدى بۇزۋى جانە اۋرۋحاناىشىلىك ينفەكسياعا جول بەرۋى - انىقتالمادى»، - دەلىنگەن حابارلامادا.

ٴۇش ايەلدىڭ ٴولىمىن انىقتاۋ بويىنشا كوميسسيا جۇمىسىن جالعاستىرۋدا.

ايتا كەتەيىك، ەلوردا اكىمدىگى استانا قالالىق №1 پەريناتالدىق ورتالىعىندا ەكى اپتا ىشىندە ٴۇش انانىڭ كوز جۇمۋىنا قاتىستى تۇسىنىك بەرگەن بولاتىن.

سونداي-اق، ولار ورتالىققا جۇكتى ايەلدەردى قابىلداۋ ۋاقىتشا توقتاتىلعانىن ٴمالىم ەتتى.

استانا قالالىق دەنساۋلىق ساقتاۋ باسقارماسىنىڭ باسشىسى كامالجان نادىروۆ اتاپ وتكەندەي، ٴار جاعداي بويىنشا تاۋەلسىز كوميسسيا قۇرىلعان. سوندىقتان ادام ٴولىمىنىڭ سەبەبى مەن قاتەلىكتەر تۋرالى ايتۋعا ەرتە.

«№1 پەريناتالدىق ورتالىق شتاتتىق رەجىمدە جۇمىس ىستەپ جاتىر. ٴبىز ٴقازىر بوسانۋ بولىمىنە ادامدار قابىلداپ جاتقان جوقپىز. ورتالىقتا بوساندىرۋدى ۋاقىتشا توقتاتا تۇرۋ جونىندە شەشىم قابىلدادىق. ٴبىز مۇنى تولىقتاي تەكسەرۋ جۇرگىزىپ، دياگنوستيكا مەن ەمدەۋدىڭ ساپاسىنا ىقپال ەتۋى مۇمكىن فاكتورلاردى انىقتاۋ ٴۇشىن جاساپ وتىرمىز. قالادا ايەلدەردى بوساندىرۋعا دايىن ٴۇش مەكەمە جۇمىس ىستەپ جاتىر. №1 پەريناتالدىق ورتالىقتىڭ ناۋقاستارى سوندا اۋىستىرىلدى»، - دەگەن بولاتىن نادىروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي