BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

انتيبيوتيكتەردى دۇرىس پايدالانۋ بويىنشا 677 كونسۋلتاسيا پۋنكتى قۇرىلدى

استانا، baq.kz. ميكروبقا قارسى پرەپاراتتارعا توزىمدىلىكپەن كۇرەس بويىنشا ددسۇ جاھاندىق ٴىس-قيمىل جوسپارى شەڭبەرىندە قازاقستاندا دۇنيەجۇزىلىك انتيبيوتيكتەردى دۇرىس پايدالانۋ اپتالىعى ٴوتتى.

بۇل ٴىس-شارا انتيبيوتيكتەرگە توزىمدىلىك ماسەلەسىنە قوعامنىڭ نازارىن اۋدارۋ جانە وسى سالاداعى وزىق تاجىريبە تۋرالى حالىقتىڭ، دەنساۋلىق ساقتاۋ قىزمەتكەرلەرى مەن وسى قۇبىلىستىڭ ودان ٴارى تارالۋىن بولدىرماۋ ٴۇشىن ساياساتتى ازىرلەۋگە جاۋاپتى تۇلعالاردى اقپاراتتاندىرۋ ماقساتىندا وتكىزىلدى.

بارلىق وبلىستا، استانا، الماتى جانە شىمكەنت قالالارىندا اپتالىقتى دايىنداۋ جانە وتكىزۋ ٴۇشىن جۇمىس توپتارى قۇرىلدى. انتيبيوتيكتەردى پايدالانۋ بويىنشا سۇراقتار مەن جاۋاپتار ٴۇشىن "قاۋىرت جەلى" جۇمىسى قامتاماسىز ەتىلدى.

"استانا قالاسىندا 13 قاراشادا ددسۇ، دەنساۋلىق ساقتاۋ جانە اۋىل شارۋاشىلىعى مينيسترلىكتەرى، استانا قالاسى دەنساۋلىق ساقتاۋ باسقارماسى، مەديسينالىق ۇيىمدار، امۋ، مەديسينالىق قوعام وكىلدەرىنىڭ قاتىسۋىمەن دوڭگەلەك ۇستەل ٴوتتى. دوڭگەلەك ۇستەل وتىرىسىندا انتيبيوتيكتەردىڭ ٴقاۋپى مەن پايداسى، رەسپۋبليكاداعى ميكروبقا قارسى پرەپاراتتارعا توزىمدىلىكتىڭ دامۋىن تەجەۋ ماسەلەلەرى تالقىلاندى. ونىڭ قورىتىندىسى بويىنشا قارار قابىلداندى. ەلوردانىڭ بارلىق اۋداندارىندا ورنالاسقان ٴتورت led-ەكراندا، مينيسترلىكتەر ۇيىندە، سونداي-اق قوعامدىق كولىكتەردە روليكتەر كورسەتىلدى" - دەيدى ۇيىمداستىرۋشىلار.

اپتا بارىسىندا وتكىزىلگەن ٴىس-شارالار رەسپۋبليكالىق باق-تا جانە قر اكم بارلىق ايماقتىق كوممۋنيكاسيا قىزمەتتەرىندە جارىق كوردى.

"اپتا بارىسىندا وڭىرلەردە 20 سەمينار وتكىزىلدى، مەديسينا قىزمەتكەرلەرىنە 42 ٴدارىس وقىلدى. گازەتتەر مەن جۋرنالداردا 11 ماقالا جاريالاندى. 2675 پاراقشا تاراتىلدى، 30 بيۋللەتەن دايىندالدى، انتيبيوتيكتەردى دۇرىس قولدانۋ تۋرالى اقپاراتى بار 12 پلاكات شىعارىلدى. وسى تاقىرىپ بويىنشا 677 كونسۋلتاسيا پۋنكتى قۇرىلدى، 1313 ادامعا كەڭەس بەرىلدى" - دەيدى ماماندار.

دۇنيەجۇزىلىك انتيبيوتيكتەردى دۇرىس پايدالانۋ اپتالىعىن وتكىزۋ حالىقتىڭ، مەديسينا جۇرتشىلىعىنىڭ حاباردارلىعىن ارتتىرۋعا، ميكروبقا قارسى پرەپاراتتارعا توزىمدىلىكتىڭ جوعارىلاۋىنان جانە انتيبيوتيكتەردى دۇرىس قولدانۋ بويىنشا ودان ٴارى شارالار قابىلداۋ قاجەتتىلىگىنەن تۋىنداعان قاۋىپتەردى بارىنشا تەرەڭ تۇسىنۋگە مۇمكىندىك بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي