BAQ.kz - Қазақстан жаңалықтары USD 326.17 BAQ.kz - Қазақстан жаңалықтары EUR 401.25 BAQ.kz - Қазақстан жаңалықтары RUB 5.31
استانا:

الماتىدا ۆەلوشەرۋدىڭ جاڭا ماۋسىمى اشىلدى

الماتىدا «سپورتتىق الماتى» باعدارلاماسى اياسىندا ۆەلوشەرۋدىڭ توعىزىنشى ماۋسىمى باستالدى. سپورتتىق شاراعا 2 مىڭنان استام ادام قاتىستى، دەپ حابارلايدى baq.kz اقپارات اگەنتتىگى اقپاراتتىق جانە سپورتتىق حاب-قا سىلتەمە جاساپ.

قالا قوناقتارى مەن تۇرعىندارى «نۇرلى تاۋ» بيزنەس ورتالىعىنان باستالىپ تۇڭعىش پرەزيدەنت ساياباعىنا دەيىن جالعاسقان 9 شاقىرىمدىق قاشىقتىقتى باعىندىردى. اۋەسقويلارمەن بىرگە بۇل ۆەلوشەرۋگە الماتى قالاسىنىڭ اكىمى باۋىرجان بايبەك، دەنە شىنىقتىرۋ جانە سپورت باسقارماسىنىڭ باسشىسى ٴابىل دوڭبايەۆ قاتىستى.

«وسىنداي ٴىس-شارالار قالا تۇرعىندارىنا ۋاقىتىن ٴتيىمدى ٴارى كوڭىلدى وتكىزۋگە جاقسى مۇمكىندىك. وسى ۋاقىتقا دەيىن ٴبىز قوعامدىق كولىكتەردە، كوشەلەردە، ساياباقتاردا، كەز كەلگەن جاستاعى ادامدار تانىسىپ، دەمالىپ، جۇمىس جاسايتىنداي جاعداي جاساۋ جولىندا جۇمىس اتقارىپ كەلەمىز»، - دەيدى الماتى اكىمى.

سونىمەن قاتار، باۋىرجان بايبەك قازىرگى تاندا قالادا سالاۋاتتى ٴومىر سالتى مەن سپورتقا جاقسى كوڭىل ٴبولىنىپ جاتقانىن اتاپ ٴوتتى. الماتىدا بۇگىنگى تاندا 68 شاقىرىمدىق ۆەلودالىز سالىندى. سونىمەن قاتار، قالا باسشىسى ۆەلوسيپەدتەردى جالعا بەرەتىن «almaty bike» جوباسى قارقىندى دامىپ، قالانىڭ ورتالىق كوشەلەرىندە 1730 ۆەلوسيپەدكە ارنالعان 200 ۆەلوسيپەد تۇراقتارى جۇمىس ىستەپ تۇرعانىن تىلگە تيەك ەتتى.

ونىن ايتۋىنشا، جىلدا وتەتىن «الماتى تۋرى» ۆەلوجارىسى قالانىڭ تانىمال برەندىنە اينالىپ، الماتىنىڭ تۋريستىك جانە سپورتتىق قالا ٴيميدجى رەتىندە شەتەلگە تانىمالدىعىن ارتتىرۋدا.

بۇگىنگى وتكەن ۆەلوشەرۋ مارەسىندە قاتىسۋشىلاردىڭ اراسىندا 20 ۆەلوسيپەد، سونىمەن قاتار وزگە دە باعالى سىيلىقتار ويناتىلدى. بارلىق كەلۋشىلەردىڭ الدىندا ٴوز ونەرلەرىمەن shamsi، alime توپتارى شىعىپ، ٴىس-شارا «almaty street fitness» باعدارلاماسىمەن جالعاسىن تاپتى.

ايتا كەتۋ كەرەك، 2017 جىلى «سپورتتىق الماتى» باعدارلاماسى بويىنشا قالادا 21 ۆەلوشەرۋ ۇيىمداستىرىلىپ، 21 مىڭ ادام قاتىسقان بولاتىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي