BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

الماتىدا ۋچاسكەلىك دارىگەرلەردىڭ جالاقىسى وسەدى

استانا، baq.kz ٴتىلشىسى. بۇل جونىندە ورتالىق كوممۋنيكاسيالار قىزمەتىندە وتكەن بريفينگ بارىسىندا الماتى قالاسىنىڭ اكىمى باۋىرجان بايبەك مالىمدەدى.

«مەديسينالىق قىزمەت ساپاسىنا قاتىستى الەۋمەتتىك جەلىلەردە تۇرعىندار تاراپىنان نارازىلىق وتە كوپ. شەتەلدەن، ەلدىڭ باسقا وڭىرلەرىنەن ەم الۋ ٴۇشىن ارنايى الماتىعا كەلەتىنىنە قاراماستان، پروبلەمالار جەتەرلىك. تالداۋ كورسەتكەندەي، مۇنىڭ سەبەبى مەديسينالىق مەكەمە مەنەدجمەنتىنىڭ ساپاسىندا بولىپ وتىر»، - دەدى بايبەك.

ول بۇل دەنساۋلىق ساقتاۋ مەكەمەلەرى باسشىلارىنىڭ، باس دارىگەرلەرىنىڭ ٴتيىمسىز باسقارۋىنىڭ سالدارى ەكەنىن ايتتى.

«وسىعان بايلانىستى، ٴبىز دەنساۋلىق ساقتاۋ جۇيەسىن دامىتۋ بويىنشا جول كارتاسىن ازىرلەدىك. قىزمەت ساپاسىن، ارتتىرۋ جانە اشىقتىقتى قامتاماسىز ەتۋ بويىنشا تۇبەگەيلى وزگەرىستەر قابىلداناتىن بولادى. مەديسينالىق مەكەمەلەردى باقىلاۋ كەڭەسىنىڭ قۇرامىندا الداعى ۋاقىتتا دارىگەرلەر مەن ولاردىڭ ورىنباسارلارى بولمايدى. ونىڭ ورنىنا، كەڭەس قۇرامىنا تاۋەلسىز ۇكىمەتتىك ەمەس ۇيىمدار، ساراپشىلار ورتاسى، مەدياقاۋىمداستىق وكىلدەرى مەن بەلسەندى جانە تانىمال بلوگەرلەر كىرەدى»، - دەدى باۋىرجان بايبەك.

قالا اكىمى قازىرگى ۋاقىتتا الماتىلىق مەملەكەتتىك اۋرۋحانالار مەن ەمحانالار ينتەرنەت، كومپيۋتەر، اقپاراتتىق جۇيە جانە زاماناۋي تەحنيكامەن تولىق قامتىلعانىن اتاپ ٴوتتى.

«بۇل ەمدەلۋشىلەرگە قىزمەت كورسەتۋ ۋاقىتىن 20%، كەزەك كۇتۋدى 30% قىسقارتۋعا جانە دارىگەردى ۇيگە شاقىرۋدى 1،5 ەسە جىلدامداتۋعا مۇمكىندىك بەردى. پرەزيدەنت تاپسىرماسى بويىنشا ۋچاسكەلىك دارىگەرلەردىڭ جالاقىسى 2019 جىلدىڭ 1 قاڭتارىنان باستاپ 20% وسەدى. الماتى قالاسى بويىنشا بۇل 1000 استام دارىگەر مەن 2،5 مىڭعا جۋىق مەدبيكە»، - دەدى بايبەك.

بۇعان دەيىن قالا باسشىسى «7-20-25» اياسىندا الماتىدا قانشا پاتەر نەسيەسى ماقۇلدانعانى تۋرالى جانە تاريفتەردىڭ ارزاندايتىنى تۋرالى ايتقان بولاتىن. سونىمەن بىرگە قالا كوشەلەرىن جارىقتاندىر بويىنشا دا ٴوز ويىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي