BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

الماتىدا اۋرۋحاناعا 50 ملن تەڭگەگە مەديسينالىق جابدىق الىندى

استانا، baq.kz. «اسىل بالا» قوعامدىق قورى الماتى قالاسىنداعى «پەدياتريا جانە بالالار حيرۋرگياسى عىلىمي ورتالىعى» اق-عا جالپى قۇنى شامامەن 50 ميلليون تەڭگە بولاتىن سوڭعى ۇلگىدەگى مەديسينالىق جاڭا جابدىقتار ساتىپ الدى. ماتەريالدىق كومەك «عۇمىر ٴۇشىن» جوباسى اياسىندا كورسەتىلدى.

قۇنى 2 600 000 تەڭگەنى قۇراعان sp 8800 اۆتوماتتىق شپريس سورعىسى (5 دانا)، باعاسى 28 080 000 تەڭگە بولاتىن infusomat space ۆوليۋمەتريالىق ينفۋزيا سورعىسى (40 دانا)، قۇنى 4 418 000 تەڭگە تۇراتىن imec ەمدەلۋشى مونيتورى (5 دانا) جانە قۇنى 14 300 000 تەڭگەنى قۇرايتىن وتكىر دياليز ٴۇشىن multifiltrate اپپاراتى اۋرۋحانانىڭ بالالارعا ارنالعان ونكولوگيا جانە گەماتولوگيا بولىمشەسىنە جەتكىزىلدى.

ۋلترازاماناۋي مەديسينالىق جابدىقتاردىڭ كومەگىمەن دارىگەرلەر تيىمدىلىگى جوعارى ەكستراكورپورالدى دەتوكسيكاسيا پروسەدۋرالارىن جۇزەگە اسىرا الادى. ينفۋزيا سورعىلارىنىڭ ەسەبىنەن ەمدەلۋشىلەر (ارنايى قۇرىلعىسىز ەسەپتەۋگە مۇلدەم كەلمەيتىن) حيموپرەپاراتتاردى ناقتى قاجەتتى كولەمدە قابىلداي الادى.

«ٴبىزدىڭ ورتالىقتاعى ونكولوگيا بولىمشەلەرىندە ەمدەۋ پروسەدۋرالارىن جۇرگىزۋ ٴۇشىن ٴدال وسى اپپاراتتار وتە قاجەت ەدى. قازىرگى ۋاقىتتا ينفۋزوماتتار مەن دەتوكسيكاسياعا پروسەدۋرالارىن جۇرگىزۋگە ارنالعان جابدىقتاردى قولدانىسقا ەنگىزدىك. «اسىل بالا» قوعامدىق قورىنا ۋاقىتىلى كورسەتىلگەن كومەك ٴۇشىن العىسىمىزدى بىلدىرەمىز»، - دەدى «پەدياتريا جانە بالالار حيرۋرگياسى عىلىمي ورتالىعى» اق ديرەكتورى ريزا بورانبايەۆا.

«اسىل بالا» قوعامدىق قورى «عۇمىر ٴۇشىن»، «ٴبىلىم جولى» ينتەللەكتۋالدى مارافونى»، «كۇن الەمى» وڭالتۋ ورتالىعى» جانە «بالالار – ٴبىزدىڭ بولاشاعىمىز» جوبالارى اياسىندا، قايىرىمدىلىق ماقساتىندا وبىر اۋرۋىنا شالدىققان بۇلدىرشىندەرگە، داۋن سيندرومىنا دۋشار بولعان بوبەكتەرگە جانە زاعيپ بالالاردى ەمدەۋگە اتسالىسادى. سونداي-اق، «umc» كق انا مەن بالا ۇلتتىق عىلىمي ورتالىعىنىڭ ٴتورت ونلولوگيا بولىمشەسىنە قارجىلاي-ماتەريالدىق كومەك كورسەتەدى، بىلىمدەرىن ەرەكشە دامىتۋدى قاجەت ەتەتىن دارىندى بالالاردى وقىتۋ مەن ولاردىڭ جان-جاقتى دامۋىنا باعىتتالعان جوبالارعا قارجىلاي قولداپ كەلەدى.

ودان وزگە، «اسىل بالا» قوعامدىق قورى وبىرعا شالدىعىپ، ەلىمىزدىڭ ٴار ايماعىنان استانا قالاسىنا ەمدەلۋگە كەلگەن بالالار مەن ولاردىڭ اتا-اناسىن ٴوز قاراۋىنداعى پانسيوناتقا تەگىن جايعاستىرادى جانە اۆتوكولىكپەن قامتيدى.

بايلانىس ٴۇشىن: 8 (7172) 504411، media.asylbala@gmail.com


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي