BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

الماتى قالاسى ساقتاندىرۋ جارناسىن تولەۋ جاعىنان الدا كەلەدى

فوتو: elnuevodiario.com.ni

استانا، baq.kz. الماتىلىق جۇمىس بەرۋشىلەر وتكەن ايدا 1،8 ملرد تەڭگەدەن استام مەديسينالىق ساقتاندىرۋ جارناسىن تولەدى. ساقتانىرۋ جۇيەسى ىسكە قوسىلعان 2017 جىلدىڭ 1 شىلدەسىنەن بۇگىنگى كۇنگە دەيىن وڭتۇستىك استانالىقتاردان تۇسكەن جارنا 24،1 ملرد تەڭگەدەن استى. بۇل تۋرالى «الەۋمەتتىك مەديسينالىق ساقتاندىرۋ قورى» الماتى قالالىق فيليالىنىڭ حالىقتى اقپاراتتاندىرۋ ٴبولىمى حابارلايدى.

بۇل مەديسينالىق ساقتاندىرۋ قورىنا رەسپۋبليكا بويىنشا تۇسكەن قاراجاتتىڭ 21،2 پايىزى. جارنا اۋدارۋ جاعىنان الماتىدان كەيىن استانا قالاسى (12،6% نەمەسە 14،3 ملرد تەڭگە)، ٴۇشىنشى ورىندا – قاراعاندى وبلىسى (8،2% نەمەسە 9،3 ملرد تەڭگە) تۇر.

جالپى، قاراشا ايىنىڭ باسىنداعى مالىمەتكە سۇيەنسەك، ەلىمىز بويىنشا مسق-نا جيناقتالعان قارجى سوماسى 113،8 ملرد تەڭگەگە جەتىپ جىعىلادى.

جيناقتالعان قارجى ۇلتتىق بانكتە ساقتالادى جانە بولاشاقتا ٴمامس پاكەتى شەڭبەرىندەگى قىزمەتتەر اقىسىن تولەۋگە جۇمسالادى. ەلىمىزدىڭ باس بانكىمەن قارجىنى سەنىمگەرلىك باسقارۋ تۋرالى كەلىسىم بەكىتىلگەن. قولدانىستاعى زاڭعا سايكەس ٴمامس پاكەتى شەڭبەرىندە قىزمەت كورسەتۋ 2020 جىلدان باستالماق.

مەديسينالىق ساقتاندىرۋ قورى ٴمامس پاكەتىنە قوسا، كەپىلدەندىرىلگەن تەگىن مەديسينالىق كومەك (تمككك) پاكەتىنىڭ وپەراتورى بولىپ تابىلادى. قور بيۋدجەتتەن تمككك پاكەتىنە بولىنەتىن قارجىعا مەديسينالىق قىزمەتتەردى ساتىپ الۋمەن اينالىسادى. بۇگىنگى كۇنگە دەيىن الماتى قالا تۇرعىندارىنا 75،9 ملرد تەڭگەنىڭ قىزمەتى تەگىن كورسەتىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي