BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

اقتوبەدە مەنينگيت جۇقتىرعان وقۋشى اۋرۋحاناعا ٴتۇستى

اقتوبە، baq.kz ٴتىلشىسى. اقتوبە قالاسىنداعى №20 ورتا مەكتەپ وقۋشىسى مەنينگيت ينفەكسياسىن جۇقتىرىپ، اۋرۋحاناعا ٴتۇستى. 11 سىنىپ وقۋشىسىنىڭ قازىرگى جاعدايى اۋىر.

16 جاستاعى اقتوبەلىكتىڭ دەنە قىزۋى كوتەرىلىپ، 2 جەلتوقسان كۇنى اقتوبە وبلىستىق ينفەكسيالىق اۋرۋحاناسىنا تۇسكەن. دارىگەرلەر ناۋقاسقا «مەنينگيت جۇقپاسىنىڭ جايىلعان ٴتۇرى» دەگەن دياگنوز قويعان.

«مەنينگوكوكك جۇقپاسى جىل سايىن كەزدەسەدى. ٴقازىر بالانىڭ جاعدايى اۋىر. تالاپقا ساي ەمدەۋ جۇمىستارى جۇرگىزىلىپ جاتىر. مەنينگوكوكك تۇراقسىز. باكتەريا تاراتۋشىلاردان كەز-كەلگەن ۋاقىتتا جۇقتىرۋ مۇمكىن. ساقتانىپ ٴجۇرۋ قاجەت. ۋاقىتىندا انىقتالماسا ٴولىم ٴقاۋىپى بار. ال، بالامەن قاتىناستا بولعان بارلىق جان تەكسەرىلەدى»، - دەدى اقتوبە وبلىسىنىڭ ينفەكسيالىق اۋرۋحاناسى باس دارىگەرىنىڭ ورىنباسارى مايرا نۇرعاليەۆا.

ال، وقۋشى ٴبىلىم الاتىن اقتوبە قالاسىنداعى №20 ورتا مەكتەپتە كارانتين جاريالاندى. وقۋشىمەن جاقىن ارالاسقان 40-قا جۋىق ادام تەكسەرىلگەن. ٴبىلىم مەكەمەسىنىڭ باسشىسى باعدات ورىنبايەۆا وقۋشىنىڭ بۇرىن اۋىرماعانىن، دەنساۋلىعىنا شاعىمدانباعانىن ايتادى. ال، ينفەكسيا جۇقتىرعان وقۋشىنىڭ سىنىپتاستارى دەنە شىنىقتىرۋ، تەحنولوگيا ساباقتارىن سىنىپتارىندا وتكىزىپ جاتىر. مەكتەپ دارىگەرىنىڭ ٴجىتى باقىلاۋىندا.

«وقۋشىنىڭ اۋىرعانىن ەمحانا دارىگەرىنەن بىلدىك. 3 جەلتوقساندا اپايلارى مەن سىنىپتاستارى مەديسينالىق تەكسەرىستەن ٴوتتى. ٴالسىن-السىن دەنە قىزۋلارىن ولشەپ تۇرادى. مەرەكە قارساڭىندا ساباقتان قالمادى. مەكتەبىمىزدە ورىن الىپ وتىرعان العاشقى جاعداي. ٴقازىر مەكتەپتە ساباقتار قالىپتى جاعدايدا ٴجۇرىپ جاتىر»، - دەدى №20 ورتا مەكتەپتىڭ ديرەكتورى باعدات ورىنبايەۆا.

ناۋقاس 25 قاراشادا اۋىرىپ باستاعان. سۋىق ٴتيىپ، جوتەلىپ، مۇرىننان سۋ اققان. دارىگەرلەر «ۇيىندە وزدىگىنەن ەمدەلگەن» دەپ وتىر. مالىمەتكە سۇيەنسەك، بيىل وڭىردە 6 ادامنان مەنينگيت ينفەكسياسى انىقتالعان. بىلتىرعى ايماقتا وسىنداي 10 جاعداي تىركەلگەن ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي