BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

500 ادامنىڭ 32-نەن ونكولوگيالىق اۋرۋدىڭ بەلگىسى انىقتالدى – باس ونكولوگ

فوتو: автор

الماتى، baq.kz ٴتىلشىسى. باس پەن مويىن قاتەرلى ىسىگىن ەرتە دياگنوستيكالاۋ بويىنشا وتكەن ەۋروپالىق اپتالىقتا 500 ادامدى تەكسەرىلىپ، ولاردىڭ 32-نەن ونكولوگيالىق اۋرۋدىڭ بەلگىسى انىقتالدى. بۇل تۋرالى قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ ديرەكتورى ديليارا قايداروۆا بريفينگ بارىسىندا ايتتى.

ونىڭ ايتۋىنشا، اتالعان ينستيتۋت وسىمەن ٴتورتىنشى جىل قاتارىنان باس پەن مويىن قاتەرلى ىسىگىن ەرتە دياگنوستيكالاۋ بويىنشا ەۋروپالىق اپتالىعىن وتكىزگەن.

«جالپى بۇل پوتولگيا ەلىمىزدەگى قاتتەرلى ىسىك اۋرۋلارى اراسىندا 11 ورىندا. بۇل اۋرۋلار كوبىندە 3 جانە 4 كەزەڭىندە عانا انىقتالۋدا. بىزگە كەلەتىن ناۋقاستاردىڭ تەك 50 پايىزى عانا العاشقى كەزەڭمەن كەلۋدە، قالعاندارى اۋرۋ دەندەپ، ابدەن اسقىنعان كەزىندە قارالادى. اۋرۋدى ەرتە دياگنوستيكالاۋ بويىنشا وسى ٴتورت جىلدا قاتەرلى ىسىكتى ەرتە كەزەڭدە انىقتاۋ 10% وسكەن»، - دەيدى ول.

سونىمەن قاتار ول، قاتەرلى ىسىكتى ەرتە انىقتاۋ ٴۇشىن رەسپۋبليكانىڭ 6 قالاسىندا لور، ستاماتولوگ دارىگەرلەرى اراسىندا سەمينار وتكىزىلگەن. ناۋقاستاردى قاراعاندا دارىگەرلەر كەيدە ونكولوگيالىق اۋرۋلارعا ٴمان بەرمەي، جىبەرىپ الۋى مۇمكىن ەكەن.

«سونداي-اق 500 ادام تەكسەرىستەن ٴوتتى، ولاردىڭ 32-نەن ونكولوگيالىق اۋرۋدىڭ بەلگىسى انىقتالدى. بۇل وتە جوعارى كورسەتكىش، قارالماي جۇرگەن قانشاما ادام بار. اۋرۋ اسقىنىپ كەتسە ەمدەۋ قيىن، ەگەر ەرتە كەزەڭىندە انىقتالسا ەم قولدانىپ، ادام ٴومىرىن ۇزارتۋعا بولادى»، - دەيدى باس ونكولوگ.

سونداي-اق ول، ەۋروپالىق اپتالىق اياسىندا ٴۇندىستاننان كەلگەن ماماندارمەن ەلىمىزدىڭ دارىگەرلەرى بىرىگىپ ونكولوگيالىق جانە پلاستيكالىق وتانى قاتار جاساعاندىعىن جەتكىزدى.

«ناۋقاستىڭ باسىنداعى ىسىكتى الىپ تاستاۋ وتە قيىن، كەيدە باس سۇيەكتەرىنىڭ بولىگىن الىپ تاستاۋعا تۋرا كەلەدى. مىنە ٴۇندىستاننان كەلگەن ماماندارمەن الىنعان سۇيەكتىڭ ورنىن پلاستماسامەن جاۋىپ، ياعني پلاستيكالىق وتانى قاتار جاسادىق. بۇنداي وپەراسيا ەلىمىزدە ٴبىرىنشى رەت جاسالدى»، - دەدى ول.

باس پەن مويىن ىسىكتەرىنىڭ حيرۋرگى داۋرەن ٴادىلباي ادامدار اۋرۋىن ابدەن اسقىندىرىپ العاندا عانا دارىگەرگە كەلەتىنىن ايتادى. ونىڭ ايتۋىنشا كەز-كەلگەن ادام اۋىز قۋىسىن تەكسەرىپ، ونداعى وزگەرىستەردى بايقاي الادى.

«اۋرۋ پايدا بولعاننان 6-7 اي ىشىندە ول اسقىنىپ 3-4 كەزەڭگە ٴوتىپ كەتەدى. باس قاتەرلى ىسىگى اۋرۋلارىنا اۋىز قۋىسى، ٴتىل ىسىكتەرى دە كىرەدى. ولاردىڭ بەلگىسىن كورۋگە بولادى، ٴتىس تازالاعاندا قاراساڭىز اق، قىزىل داقتار بولادى. قولمەن ۇستاعاندا ولار قاتتىلاۋ بولىپ كەلەدى جانە قاناۋى مۇمكىن. جۇتقىنشاقتار دا اۋرۋى مۇمكىن، جۇتقان كەزدە ٴوزىڭىزدى جايسىز سەزىنەسىز جانە داۋىسىڭىز وزگەرەدى. ەگەر وزدىگىڭىزشە ەمدەلىپ، ول 3 اپتادا جازىلماسا وندا ونكولوگقا قارالۋ كەرەك. كەيدە قاتەرلى ەمەس ىسىكتەر بولادى، الايدا ونى دا ۋاقىت وتكىزبەي ەمدەۋ كەرەك، ويتكەنى ونىڭ ارتى قاتەرلىگە اۋىسۋى مۇمكىن»، - دەيدى حيرۋرگ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي