BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

2018 جىلى 2300-گە جۋىق ادام دارى-دارمەكتەن زارداپ شەككەن

استانا، baq.kz ٴتىلشىسى. بۇل جونىندە ورتالىق كوممۋنيكاسيالار قىزمەتىندە وتكەن بريفينگ بارىسىندا قازاقستان رەسپۋبليكاسى دەنساۋلىق ساقتاۋ مينيسترلىگى فارماسيا كوميتەتىنىڭ ٴتورايىمى ليۋدميلا بيۋرابەكوۆا مالىمدەدى.

«1 قاراشاداعى جاعداي بويىنشا دارىلىك زاتتاردىڭ جاعىمسىز اسەرى تۋرالى 2282 كارتا حابارلاماسى تىركەلگەن. ولاردىڭ ىشىنە، 77 جاعداي بويىنشا اۋىر جاعىمسىز اسەر بولعان. ٴبىز مەديسينالىق ماقساتتاعى قۇرالدىڭ 18 توپتاماسىن توقتاتۋ تۋرالى سايكەس شەشىم شىعاردىق»، - دەدى ول.

بيۋرابەكوۆانىڭ ايتۋىنشا، بارلىق جاعداي بويىنشا دارىلىك زاتتارعا ۇلتتىق ساراپتاما ورتالىعىندا سايكەس باعالاۋ جۇرگىزىلگەن.

«18 جاعداي بويىنشا ادام بويىندا پايدا بولعان جاعىمسىز اسەرگە كورسەتىلگەن دارىلىك زاتتاردىڭ ەش قاتىسى جوق ەكەنى انىقتالدى. كوپ جاعدايدا جاعىمسىز اسەر ميكروبقا قارسى، باكتەرياعا قارسى دارى-دارمەكتەر بويىنشا تىركەلەدى. ولار قابىلداۋ ٴۇشىن وتە اۋىر بولىپ سانالاتىن دارىلەر توبىنا جاتادى. سونىمەن قاتار، وسى جىلى ناركوز ٴۇشىن قولدانىلاتىن «پروپوفول» مەن «كەتامين» پرەپاراتتارىنا جاعىمسىز اسەر تۋىنداۋىنىڭ بىرنەشە جاعدايى تىركەلدى»، - دەدى كوميتەت ٴتورايىمى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي