BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

جىل سوڭىنا دەيىن ون ٴسۇت فەرماسى ىسكە قوسىلادى

فوتو: Нұржас Жақсыбай

baq.kz ٴتىلشىسى. ەلىمىزدە جىل باسىنان بەرى 15 تاۋارلىق ٴسۇت فەرماسى ىسكە قوسىلدى. جىل سوڭىنا دەيىن قوسىمشا 10 ٴسۇت فەرماسىن ىسكە قوسۋ جوسپارلانىپ وتىر. بۇل تۋرالى اۋىل شارۋاشىلىعى ۆيسە-مينيسترى ارمان ەۆنيەۆ اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندە بەرگەن ەسەبىندە مالىمدەدى.

اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىنىڭ سالالىق «ٴسۇت باعدارلاماسى» ٴسۇت ٴوندىرۋ كولەمىن ون جىلدا 1 ملن تونناعا ارتتىرۋدى كوزدەيدى.

«ماقساتقا جەتۋدىڭ يندەكاتيۆتى كورسەتكىشتەرى ايقىندالدى. 2027 جىلعا دەيىن قۋاتتىلىعى 400 باسقا دەيىن جاڭا 527 وتباسىلىق-تاۋارلىق ٴسۇت فەرماسىن، قۋاتتىلىعى 400 باستان جوعارى 139 وندىرىستىك-تاۋارلى ٴسۇت فەرماسىن اشۋ جوسپارلانۋدا. اعىمداعى جىلدىڭ وزىندە 15 تاۋارلىق ٴسۇت فەرماسى ىسكە قوسىلدى. ونىڭ جالپى قۋاتتىلىعى 7400 باستى قۇرايتىن وندىرىستىك، 5-ەۋى وتباسىلىق. جىلدىڭ اياعىنا دەيىن جالپى قۋاتتىلىعى 4،5 مىڭ باستى قۇرايتىن قوسىمشا ون فەرمانى ىسكە قوسۋ جوسپارلانۋدا»، - دەپ ايتا كەتتى ەۆنيەۆ.

ونىڭ ايتۋىنشا، مەملەكەتتىك قولداۋ ونىمدەرىنىڭ ارقاسىندا باعدارلامانى ىسكە اسىرۋ ناتيجەسىندە ۇيىمداسقان شارۋاشىلىقتاردا ٴسۇت ٴوندىرۋ كولەمى ون ايدا 1 ملن 300 مىڭ توننانى قۇراعان. ال 2017 جىلى ۇيىمداسقان شارۋاشىلىقتار 900 مىڭ توننا وندىرگەن.

«ۇيىمداسقان شارۋاشىلىقتار بىزگە ٴسۇتتىڭ نەگىزگى بولىگىن بەرەدى. مىسالى، وسى شارۋاشىلىقتار 2017 جىلمەن سالىستىرعاندا 10 ايدىڭ ىشىندە 7،8 پايىزى كوپ ٴسۇت ٴوندىردى. بۇل وڭدەۋگە كەلىپ تۇسكەن ناقتى ەسەپتەلگەن ٴسۇت. بۇل رەتتە جەكە شارۋاشىلىقتار وسى كەزەڭدە نەبارى 1،9 پايىزعا عانا ارتىق ٴسۇت ٴوندىردى»،- دەدى اۋىل شارۋاشىلىعى ۆيسە-مينيسترى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي