USD 334.89 EUR 361.61 RUB 5.28
استانا:

جاڭا باعدارلاما بويىنشا ماماندىقتى تەگىن وقۋعا بولادى – تامارا دۇيسەنوۆا

فوتو: Шыңғыс ҚАППАРОВ

ۇكىمەت وتىرىسىندا قر دەنساۋلىق ساقتاۋ جانە الەۋمەتتىك دامۋ ٴمينيسترى تامارا دۇيسەنوۆا «ٴونىمدى ەڭبەكپەن قامتۋ جانە بۇقارالىق كاسىپكەرلىك» باعدارلاماسىن تانىستىردى. جاڭا باعدارلاما بويىنشا ازاماتتار ٴ1-شى جانە ٴ2-شى ماماندىقتى تەگىن وقيدى. سونداي-اق، ۇبت تاپسىرا الماعان، وقۋ ورىندارىنا تۇسە الماعان ازاماتتار اتالمىش باعدارلاماعا قاتىسا الادى، دەپ حابارلايدى baq.kz ٴتىلشىسى.

«باعدارلامانىڭ نەگىزگى ماقساتى – ازاماتتاردى جاپپاي وقىتۋ. ونىڭ اياسىندا ازاماتتار ٴ1-شى جانە ٴ2-شى ماماندىقتى تەگىن الىپ شىعادى. ال 15-24 جاس ارالىعىنداعى جاستار ٴبىرىنشى جۇمىسشى ماماندىعى بويىنشا ٴبىلىم الا الادى. باعدارلاما بويىنشا ۇبت تاپسىرا الماعان 21 مىڭ مەكتەپ تۇلەگى، وقۋ ورنىنا تۇسە الماعان ازاماتتار، تۇرمىسى تومەن وتباسىنان شىققان بالالاردى وقىتۋ كوزدەلگەن. وقۋ مەرزىمى – 2،5 جىل. وقۋ اقىسىنا، ستيپەنديا، ٴبىر رەت تاماقتانۋعا قارجى بولىنەدى»، - دەدى مينيستر.

سونداي-اق، تامارا دۇيسەنوۆا 25-40 جاس ارالىعىنداعى ازاماتتاردىڭ دا باعدارلاماعا قاتىسا الاتىندىعىن ايتتى.

«25-40 جاس ارالىعىنداعى ازاماتتارعا ەكىنشى ماماندىعىن الۋعا مۇمكىندىك بەرىلگەن. ولار قىسقا مەرزىمدى دۋالدى وقۋ جۇيەسى نەگىزىندە كوللەدجدەردە، «اتامەكەن» ۇكپ وقۋ ورتالىقتارىندا ٴبىلىم الادى. شاكىرتتەردى ناقتى كاسىپپەن اينالىسىپ جۇرگەن جەكە كاسىپكەرلەر دە وقىتادى. ٴبىلىم الۋشىلار وقۋدى اياقتاعان سوڭ سول جەردە جۇمىسقا قالا الادى. نەمەسە ٴوزى ۇيرەنگەن كاسىبى بويىنشا جەكە ٴىسىن اشۋعا جاعداي جاسالادى»، - دەدى ول.

ٴسوز سوڭىندا مينيستر جاڭا باعدارلاماعا شالعاي ەلدى مەكەندەردىڭ تۇرعىندارى تارتىلاتىنىن مالىمدەدى.

«سونداي-اق، شالعاي اۋىلداردا تۇرىپ جاتقان تۇرعىندار ٴۇشىن ٴموبيلدى كاسىبي ۋچيليششەلەر اشىلادى. جىل سايىن قىسقا مەرزىمدى كۋرستاردا 26-56 مىڭ ازاماتتى وقىتۋدى جوسپارلاپ وتىرمىز»، - دەپ تۇيىندەدى مينيستر.

كوممەنتاريي1
مارجان
كاي ۋاكىتتان باستاپ جۋزەگە اسادى بۋل باگدارلاما؟ ينفورماسيانى كايدان الا الامىز

ۆاش كوممەنتاريي بۋدەت وپۋبليكوۆان پوسلە مودەراسيي