BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

زەينەتاقى. جۇمىس. شيپاجاي. قازاقستاندىقتار مينيسترگە قانداي ماسەلەمەن شاعىمداندى؟ ەكسكليۋزيۆ

فوتو: интернеттен

بۇگىن ەلورداداعى «نۇر وتان» پارتياسىنىڭ رەسپۋبليكالىق قوعامدىق قابىلداۋ بولمەسىندە قر ەڭبەك جانە حالىقتى الەۋمەتتىك قورعاۋ ٴمينيسترى مادينا ٴابىلقاسىموۆا ازاماتتاردى قابىلدادى، دەپ حابارلايدى baq.kz ٴتىلشىسى.

«وسىدان 25 جىل بۇرىن الماتىدا مەملەكەت باسشىسى قازاقستانداعى اتومدىق ساربازدارعا جان-جاقتى كومەك پەن قولداۋ كورسەتۋ قاجەتتىلىگى تۋرالى ايتقان بولاتىن. ال وسى ۋاقىت ىشىندە الەۋمەتتىك قورعاۋ مينيسترلىگى ەلىمىزدە جالپى سانى نەشە اتومدىق سارباز ٴتىرى قالعانىن بىلۋگە دە تىرىسقان جوق. نەگە ٴسىزدىڭ مينيسترلىكتىڭ قىزمەتكەرلەرى ٴدال وسى مينيسترلىكتىڭ قاراماعىنداعى تولەمدەر ورتالىعىندا تۇرعان قۇجاتتاردىڭ جوقتىعىن العا تارتادى؟ سىزدەر يادرولىق سىناقتارعا قاتىسۋشىلار قايدا جانە قانداي جاعدايدا قىزمەت ەتكەنىن دە بىلمەيسىزدەر؟ نەگە مينيسترلىك 31-600 اسكەري بولىمىنەن بەرىلگەن قۇجاتتى عانا يادرولىق سىناق اۋماقتارىندا مىندەتىن وتكەرگەنىن راستايتىن قۇجات رەتىندە قابىلدايدى؟» - دەدى الماتى قالاسىنان مينيسترمەن تىكەلەي بايلانىسقا شىققان «نەۆادا-سەمەي» حياق جانىنداعى ەرەكشە قاتەردەگى بولىمشە ارداگەرلەرى كوميتەتىنىڭ ٴتوراعاسى مەلگيز مەتوۆ.

مينيستر ٴابىلقاسىموۆا ٴوز كەزەگىندە زاڭ تالاپتارىنا سايكەس، يادرولىق سىناققا قاتىسۋشى مارتەبەسى وسىنداي يادرولىق سىناق پەن وقۋ-جاتتىعۋلارعا قاتىسقانى تۋرالى اسكەري بيلەتپەن راستالاتىنىن ايتتى.

«ٴدال وسى قۇجاتتتىڭ نەگىزىندە ۇلى وتان سوعىسى مۇگەدەكتەرىنە تەڭەستىرىلگەن تۇلعالار ٴۇشىن ولاردىڭ ارنايى مەملەكەتتىك تولەماقى الۋ ٴۇشىن ولاردىڭ زەينەتاقى قۇجاتتارىندا ارنايى بەلگى قويىلادى. ياعني، بۇل تولەم مارتەبەنى قۇجات تۇرىندە راستاعان جاعدايدا عانا تاعايىندالادى»، - دەدى مينيستر.

سونىمەن قاتار، مينيستر قابىلداۋىندا بولعان استانالىق ازامات جۇماباي شۇيتەنوۆ مۇگەدەكتەرگە سانيتارلىق-كۋرورتتىق ەمدەۋ ورىندارىنا بەرىلەتىن جولداماعا كوڭىلى تولمايتىنىن ايتتى.

«بىزگە جىل سايىن قوتىركول دەگەن جەرگە جولداما بەرەدى. بارامىز. وندا ٴتىپتى سۋى دا جوق، كولگە تۇسۋگە بولمايدى، اسحانالارى الىس، توسەك جابدىقتارى سوعىستان قالعان دۇنيەلەر. بۇل كىسىلەرگە تالاي رەت باردىم. باسقا جەرگە جىبەرە المايمىز، كەلىسىمشارت جوق دەيدى. ولاردى ٴتىپتى تەندەرگە قاتىستىرمايدى دا»، - دەدى اقسقال.

قاريانىڭ بۇل جان ايقايىنا جاۋاپ بەرگەن سايكەس مەملەكەتتىك ورگاننىڭ وكىلى ٴدال وسى سانيتارلىق-وڭالتۋ ورتالىعىمەن كەلەسىمشارت جاسالعانىن العا تارتقان ەدى، مينيستر ماسەلەنى شەشۋ قاجەتتىلىگىن ايتىپ، ارنايى تاپسىرما بەردى.

«ەگەر، قىزمەت كورسەتۋ ساپاسىنا قاتىستى شاعىمدار مەن كوڭىل تولماۋشىلىق بولسا، نەگە سىزدەر سانيتارلىق-كۋرورتىق ورىندارمەن كەلىسىمشارتتا قىزمەت ساپاسىن قاتىستى ناقتى كورسەتپەيسىزدەر؟ ٴتىپتى سۋ جوق دەيدى. نەگە جىل سايىن ٴدال وسى سانيتارلىق-وڭالتۋ ورتالىعىمەن كەلىسىمشارت جاساۋدى جالعاستىرىپ كەلەسىزدەر؟ باعاسى بويىنشا ەڭ ارزانى ما الدە باسقا ما؟ باسقا وبلىستاردا تەندەرگە بىرنەشە ساناتوريي قاتىسادى. بۇل ازاماتتار جەكە وڭالتۋ باعدارلاماسى بويىنشا ارنايى وڭالتۋ قىزمەتتەرىن الۋى كەرەك. اۋرۋ تۇرلەرى بويىنشا باسقا دا ساناتورييلەرمەن قوسىمشا كەلىسىمشارت جاساۋ كەرەك جانە باسقا وبلىستارعا دا جولداما بەرۋ كەرەك. ال سىزدەردىڭ اركەز «مۇمكىندىك جوق»، «كەلىسىمشارت وسى مەكەمەمەن جاسالعان» دەگەن سياقتى سىلتاۋلارىڭىز جارامايدى. ٴبىز ەندى وسى ماسەلەنى قاراپ، اكىمدىكپەن بىرلەسىپ جۇمىس جاسايمىز جانە جازباشا حابارلاما جولدايمىز»، - دەدى مينيستر ٴابىلقاسىموۆا.

سونداي-اق، قوعامدىق قابىلداۋ بولىمىندە بولعان استانالىق ازامات نۇرعىزوۆا مۇگەدەكتەرگە دارى-دارمەك الۋ، پويىزداردا ٴجۇرۋ ماسەلەسىندە جەڭىلدىكتەر مەن قولايلى جاعداي جاساۋ ماسەلەسىن كوتەردى. قازىرگى ۋاقىتتا ٴىى توپ مۇگەدەگى بولىپ تابىلاتىن ول ٴى توپتاعى مۇگەدەك مارتەبەسىن الۋدا تۋىندايتىن قيىندىقتار تۋرالى بايانداپ، ەلدەگى مەديسينا قىزمەتكەرلەرىنىڭ ناۋقاستارعا كورسەتەتىن دورەكى قىلىقتارىنا شاعىمداندى.

سونىمەن قاتار، مينيستر قابىلداۋىندا بولعان ازاماتتاردىڭ قاتارىندا «قازكوممەرسبانك»، «قازمۇنايگاز» سەكىلدى كومپانيالاردان زاڭسىز جۇمىستان بوساتىلعان، نەگىزگى زەينەتاقى الۋداعى كەلەڭسىزدىكتەرگە تاپ بولعان، الەۋمەتتىك تولەمدەردى الا الماي جۇرگەندەر دە بولدى. مينيستر ولاردىڭ بارلىعىن تىڭداپ، ماسەلەنىڭ شەشىمىن تابۋعا ۋادە ەتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي