BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

ۆوكزالدار مەن قوعامدىق كولىك مۇگەدەكتەر ٴۇشىن قولجەتىمسىز بولىپ وتىر

فوتو: autoreview.ru

قر ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا ۇكىمەت وتىرىسىندا مۇگەدەكتەر ٴۇشىن «كەدەرگىسىز ورتا» قۇرۋدا كەزدەسەتىن كەدەرگىلەردى اتادى، دەپ حابارلايدى baq.kz ٴتىلشىسى.

مينيسترلىك 2030 جىلعا قاراي مۇمكىندىكتەرى شەكتەۋلى ادامدار ٴۇشىن «كەدەرگىسىز ورتا» قۇرۋعا باسىمدىق بەرەدى. الايدا ينفراقۇرىلىمدارعا دەگەن قولجەتىمدىلىك ماسەلەسى ٴالى دە بولسا شەشىلمەي وتىر.

«بۇگىندە 32 647 الەۋمەتتىك ينفراقۇرىلىم وبەكتىسى پاسپورتتاۋعا جاتادى، قازىرگى ۋاقىتتا وبەكتىلەردىڭ 98،%-ىنا تولىعىمەن پاسپورتتاۋ جۇرگىزىلىپ، 95%-ى بەيىمدەلدى. سونىمەن قاتار كولىك ينفراقۇرىلىمى وبەكتىلەرىنىڭ قولجەتىمدىلىگى پروبلەماسى ساقتالعان، بۇل كوبىنەسە تەمىرجول ۆوكزالدارى، اۆتوۆوكزالدار، اۋەجايلار، قوعامدىق كولىك، قىزمەت كورسەتۋ، تۋريزم، مادەنيەت جانە سپورت سالاسىنداعى وبەكتىلەر»، - دەپ اتاپ ٴوتتى مينيستر.

ول ۇكىمەت باسشىسى باقىتجان ساعىنتايەۆقا قولجەتىمدىلىك ستاندارتتارىن باقىلاۋ فۋنكسياسىن ساۋلەت جانە قۇرىلىس سالاسىنداعى ۋاكىلەتتى ورگانعا، ياعني ينۆەستيسيالار جانە دامۋ مينيسترلىگىنە بەكىتۋدى ۇسىنىپ، جاڭا ينفراقۇرىلىم وبەكتىلەرىن جوسپارلاعاندا قولجەتىمدىلىك ستاندارتتارى قولدانۋى قاجەتتىگىن ەسكەرتتى.

ايتا كەتسەك، بۇگىندە قازاقستاندا 674 مىڭ مۇگەدەكتىگى بار ادام تۇرادى، ونىڭ ىشىندە 62% – ەڭبەككە قابىلەتتى جاستا، 25% – زەينەتكەرلىك جاستا، 12% – 18 جاسقا دەيىنگى بالالار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي