BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ۆيسە-مينيستر شىعارماشىلىق ەمتيحان ارقىلى ۇبت-دان «قۇتىلۋعا» قاتىستى پىكىر ٴبىلدىردى 

فوتو: интернеттен

ۇكىمەت وتىرىسىنان كەيىنگى بريفينگ بارىسىندا قر ٴبىلىم جانە عىلىم ۆيسە-مينيسترى اسحات ايماعامبەتوۆ وقۋعا ٴتۇسۋ كەزىندە شىعارماشىلىق ەمتيحان تاپسىرۋ ارقىلى ۇلتتىق ٴبىرىڭعاي تەستىلەۋدەن قۇتىلعانداردىڭ «قۋلىعى» قىلمىس بولىپ سانالمايتىنىن مالىمدەدى، دەپ حابارلايدى baq.kz ٴتىلشىسى.

«وزدەرىڭىز بىلەتىندەي، بىزدە كرەديتتىك ٴبىلىم بەرۋ جۇيەسى جۇمىس جاسايدى جانە الدىڭعى وقۋ جىلىندا جيناعان ٴبىلىم ۇلگەرىمى بويىنشا ەسەپ جۇرگىزۋ بۇل جۇيەنىڭ باستى ولشەمدەرىنىڭ ٴبىرى بولىپ تابىلادى. ياعني، ستۋدەنت شىعارماشىلىق ماماندىقتان باسقا ماماندىققا اۋىسقان كەزدە، ەڭ الدىمەن ونىڭ الدىڭعى رەكۆيزيتتەرىن الۋ قاجەت بولادى. وسىعان بايلانىستى كەي ماماندىقتار بويىنشا ول اۋىسا المايتىن جاعدايلار دا بولادى. مىسالى، ەكى ماماندىق اراسىنداعى ايىرماشىلىق 5 پاننەن اسىپ كەتسە، وندا ول اۋىسا المايدى. اۋىسۋ ٴۇشىن قوسىمشا كۋرستاردا وقىپ، پاندەردى يگەرۋ قاجەت بولادى. ال، ەگەر، مەملەكەتتىك ٴبىلىم بەرۋ ستاندارتى بويىنشا ايىرماشىلىق از بولسا، ارينە، اۋىسا الادى. سوندىقتان، ەۋروپادان دا، امەريكادان دا اۋىسا الاسىز. ماسەلە، ٴسىزدىڭ پاندەر بويىنشا قانشا ايىرماشىلىقتى تاپسىرۋىڭىزدا بولىپ وتىر. سوندىقتان، مۇنى قانداي دا ٴبىر قىلمىستىق ىس-ارەكەت دەپ قاراستىرماعان دۇرىس»، - دەدى ۆيسە-مينيستر.

ايماعامبەتوۆ ۇلتتىق ٴبىرىڭعاي تەستىلەۋ مەن كەشەندى تەستىلەۋدى بىرىكتىرۋ جونىندەگى شەشىمدى تولىقتاي قولدايتىنىن ايتتى.

«مەن مۇنى وتە دۇرىس ۇسىنىس دەپ سانايمىن. سەبەبى، 2017 جىلعا دەيىن ۇبت ٴبىرۋاقىتتا ەكى قىزمەتتى اتقارىپ كەلدى. ياعني، ورتا ٴبىلىم تۋرالى اتتەستاتتا الۋ ٴۇشىن دە، جوعارى وقۋ ورنىنا ٴتۇسۋ ٴۇشىن دە ۇبت تاپسىرۋ قاجەت بولدى. ال، ٴقازىر مەكتەپتە اتتەستات الۋ ٴۇشىن ەمتيحان تاپسىرسا، ۇبت تەك جوعارى وقۋ ورنىنا ٴتۇسۋ ٴۇشىن تاپسىرىلاتىن سىناق رەتىندە قالدى. كەشەندى تەستىلەۋ دە ٴدال وسى قىزمەتتى اتقارادى. ول تەك ەكى اپتادان سوڭ وتەدى. بۇل ٴوز كەزەگىندە كوميسسيالاردى تارتۋ، بەلگىلى ٴبىر كۇشتەردى جۇمىلدىرۋ سەكىلدى مەملەكەت ٴۇشىن قوسىمشا شىعىندى تالاپ ەتەدى. سوندىقتان، ۇبت مەن كەشەندى تەستىلەۋدى بىرىكتىرۋ نەگىزدى شەشىم دەپ ويلايمىن»، - دەدى ۆيسە-مينيستر.

ەسكە سالا كەتسەك، بۇعان دەيىن حابارلاعانىمىزداي، قر ٴبىلىم جانە عىلىم ٴمينيسترى ەلدەگى كەي وڭىرلەر جاڭا وقۋ جىلىندا وقۋلىقسىز قالۋى مۇمكىن ەكەنىن جانە قازاقستانداعى ٴۇش اۋىسىمدى مەكتەپتەر پروبلەماسى ٴالى دە شەلىمەي وتىرعانىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي