BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ۇلتتىق ەكونوميكا ۆيسە-مينيسترى اقورداداعى تاپسىرما بويىنشا ٴماجىلىس وتكىزدى

استانا، baq.kz. تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىندە مەملەكەت باسشىسىنىڭ اقورداداعى قاۋىپسىزدىك كەڭەسىنىڭ وتىرىسىندا بەرگەن تاپسىرمالارىنىڭ قورتىندىسى بويىنشا ٴماجىلىس ٴوتتى.

ۇلتتىق ەكونوميكا ۆيسە-مينيسترى سەرىك ٴجۇمانعاريننىڭ توراعالىعىمەن تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىندە (بۇدان ٴارى – كوميتەت) كوميتەت پەن ونىڭ اۋماقتىق بولىمشەلەرى باسشىلارىنىڭ قاتىسۋىمەن كەڭەس وتكىزىلدى.

بۇل كەڭەس مەملەكەت باسشىسىنىڭ اعىمداعى جىلعى 7 قاراشادا قاۋىپسىزدىك كەڭەسىنىڭ وتىرىسىندا بەرگەن تاپسىرمالارىن ورىنداۋدىڭ اياسىندا، سونداي-اق قازاقستان رەسپۋبليكاسى باس پروكۋراتۋراسىنىڭ كوممۋنالدىق قىزمەتتەرگە تاريف بەلگىلەۋ سالاسىنداعى تەكسەرىسىنىڭ قورىتىندىسى بويىنشا وتكىزىلدى.

ۆيسە-مينيستر مەملەكەت باسشىسىنىڭ كوممۋنالدىق قىزمەتتەرگە تاريف بەلگىلەۋ سالاسىنداعى باقىلاۋدىڭ جوقتىعىنا قاتىستى كوميتەتتىڭ اتىنا ايتقان ٴادىل سىنى بۇل سالاداعى ۋاكىلەتتى ورگاننىڭ تاراپىنان باقىلاۋدىڭ ايتارلىقتاي ناشارلاۋىنىڭ سالدارى ەكەندىگىن اتاپ ٴوتتى.

كەڭەستە قۇقىق بۇزۋشىلىقتاردىڭ پايدا بولۋىنا ىقپال ەتكەن سەبەپتەر مەن جاعدايلار قارالىپ، قازاقستان رەسپۋبليكاسى باس پروكۋراتۋراسىنىڭ ۇيعارىمى بويىنشا كوميتەتتىڭ بارلىق اۋماقتىق بولىمشە باسشىلارىنىڭ ەسەبى تىڭدالدى.

پروكۋراتۋرا ورگاندارىنىڭ بارلىق ۇيعارىمىن ورىنداۋ، انىقتالعان فاكتىلەر بويىنشا تۇرعىندار ٴۇشىن نەگىزگى كوممۋنالدىق قىزمەتتەرگە وتەمدىك تاريفتەردى ۋاقتىلى ەنگىزۋ مەن تاريفتەردى ازايتۋدى قامتاماسىز ەتۋ، سونداي-اق بۇل تۋرالى حالىقتى ۋاقتىلى حاباردار ەتۋ تاپسىرىلدى.

حالىقپەن كەرى بايلانىستى قامتاماسىز ەتۋ ماقساتىندا 12 قاراشادان باستاپ، «نۇر وتان» پارتياسىمەن، «اتامەكەن» ۇكپ-مەن، ۇەۇ، تابيعي مونوپوليالار سۋبەكتىلەرىمەن جانە قوعامدىق ماڭىزدى بازارلارمەن بىرگە وبلىس جانە اۋدان ورتالىقتارىندا، سونداي-اق وبلىستىق جانە اۋداندىق ماڭىزداعى قالالاردا قوعامدىق قابىلداۋدى ۇيىمداستىرۋ تاپسىرىلدى.

ولاردىڭ قورتىندىسى بويىنشا، بارلىق ۇسىنىستار مەن شاعىمداردى جۇيەلەندىرۋ جانە قاجەت بولعان جاعدايدا، تابيعي مونوپوليالار سۋبەكتىلەرىنە جوسپاردان تىس تەكسەرۋلەر جۇرگىزۋ قامتاماسىز ەتىلەدى.

پروكۋراتۋرا ورگاندارىنىڭ ۇيعارىمدارىندا كورسەتىلگەن كاسىپورىندارعا باق وكىلدەرىنىڭ، كوپشىلىكتىڭ قاتىسۋىمەن پروكۋراتۋرا ورگاندارىنىڭ ۇيعارىمىندا كورسەتىلگەن فاكتىلەر بويىنشا باسشىلاردىڭ ەسەبىن ۇيىمداستىرۋ ٴۇشىن ٴباسپاسوز تۋرلارىن وتكىزۋ قاجەت.

كوميتەت باسشىلىعىنا 12 قاراشاعا دەيىنگى مەرزىمدە كوميتەتتىڭ ورتالىق اپپاراتى مەن اۋماقتىق بولىمشەلەرىنىڭ لاۋازىمدى تۇلعالارىنىڭ جاۋاپكەرشىلىگى بويىنشا ناقتى ۇسىنىستار بەرۋ تاپسىرىلدى.

ۆيسە-مينيستر كوميتەت پەن ونىڭ اۋماقتىق ورگاندارى باسشىلارىنىڭ نازارىن مەملەكەت باسشىسىنىڭ جۇمىستاعى باسىم باعىت – قازاقستان ازاماتتارىنىڭ ٴال-اۋقاتىنىڭ ٴوسۋى بولۋى ٴتيىس دەگەن تاپسىرماسىن بۇلجىتپاي ورىنداۋعا تاعى ٴبىر مارتە اۋداردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي