BAQ.kz - Қазақстан жаңалықтары USD 338.78 BAQ.kz - Қазақстан жаңалықтары EUR 392.82 BAQ.kz - Қазақстан жаңалықтары RUB 5.35
استانا:

ۇكىمەت تەڭگە كەنەت السىرەگەندە قولداناتىن ٴۇش سسەناريي ازىرلەدى — سۇلەيمەنوۆ

ۇكىمەت وتىرىسىنان كەيىنگى كۋلۋاردا ۇلتتىق ەكونوميكا ٴمينيسترى تيمۋر سۇلەيمەنوۆ تەڭگە كەنەت السىرەگەن جاعدايدا قولداناتىن ٴۇش سسەنارييدىڭ دايىن تۇرعانىن مالىمدەدى، دەپ حابارلايدى baq.kz ٴتىلشىسى.

«سەنبىدە پرەمەر-مينيستر جانە قارجىلىق-ەكونوميكالىق بلوكتاعى مينيسترلىكتەردىڭ قاتىسۋىمەن ەكونوميكالىق ساياسات بويىنشا كەڭەس وتىرىسى ٴوتتى. وندا ماكروەكونوميكالىق جانە سالالىق اسەردى تالقىلادىق. ٴرۋبلدىڭ دوللارعا شاققانداعى باعامىنىڭ 70-80-90-عا ٴوسۋى مەن تيىسىنشە تەڭگە باعامىنىڭ ٴوسۋىن قاراستىراتىن ٴۇش سسەناريي ازىرلەندى. ماكروەكونوميكالىق تالداۋ جۇرگىزدىك، ياعني دوللاردىڭ ٴوسۋى ٴبىزدىڭ جوى-گە، ينفلياسيا، جۇمىسسىزدىق دەڭگەيى مەن بيۋدجەت كورسەتكىشتەرىنە قالاي اسەر ەتەتىنىن تالقىلادىق»، - دەدى سۇلەيمەنوۆ ۇكىمەت وتىرىسىنان كەيىن.

مينيستر ۆاليۋتا نارىعىنداعى تۇراقسىزدىقتىڭ ٴارتۇرلى سالاعا قالاي اسەر ەتەتىنى تۋرالى دا تالداۋ جۇرگىزىلگەنىن ايتا كەتتى.

«مىنە وسىنداي جۇمىستار اتقارىلدى. ەگەر وسى سسەنارييلەردىڭ ٴبىرى ورىندالعان جاعدايدا ىسكە قوساتىن ۇكىمەت پەن ۇلتتىق بانكتىڭ بىرلەسكەن ٴىس-قيمىل جوسپارىنىڭ جوباسىن ازىرلەدىك. وندا رەتتەۋشىلىك، قازىنالىق، قارجىلىق سەكىلدى ٴبىرقاتار شارا قامتىلعان»، - دەدى مينيستر.

سونىمەن بىرگە ۆەدومستۆو باسشىسى ۆاليۋتا نارىعىنداعى قازىرگى جاعدايدىڭ تۇراقتى ەكەنىن ايتتى.

«ٴبىز ۇلتتىق ەكونوميكا مينيسترلىگى رەتىندە ٴتۇرلى نۇسقانى قاراستىرۋعا مىندەتتىمىز. ٴبىراق بۇل ٴبىزدىڭ ولارعا سەنەتىنىمىزدى نەمەسە كوپ نارسە كۇتەتىنىمىزدى بىلدىرمەيدى. دوللارعا شاققانداعى رۋبل باعامىنىڭ 61-62 شاماسىندا تۇرعانىن بايقاپ وتىرسىزدار. بۇعان ٴبىر باررەلى 70-72 دوللاردى قۇراپ وتىرعان مۇنايدىڭ جوعارى باعاسى سەپتىگىن تيگىزىپ وتىر. سوندىقتان ٴبىز ۆاليۋتالىق كانال بويىنشا دا، ماكروەكونوميكالىق كانال بويىنشا دا كۇرت وزگەرىستى كۇتىپ وتىرعان جوقپىز»، - دەدى سۇلەيمەنوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي