BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ۇكىمەت باسشىسى اقتوبە وبلىسىنىڭ ونەركاسىپتىك جانە الەۋمەتتىك كاسىپورىندارىن ارالادى

اقتوبە وبلىسىنا جۇمىس ساپارى اياسىندا پرەمەر-مينيستر باقىتجان ساعىنتايەۆ ٴبىرقاتار ونەركاسىپتىك جانە الەۋمەتتىك نىسانداردى ارالادى، ولاردىڭ مىسالىندا يندۋستريالىق-يننوۆاسيالىق دامۋ مەملەكەتتىك باعدارلاماسىنىڭ ىسكە اسىرىلۋىمەن، يندۋستريا 4.0 ەلەمەنتتەرىن ەنگىزۋمەن جانە دەنساۋلىق ساقتاۋ جانە سپورت ينفراقۇرىلىمدارىن جاڭعىرتۋ شارالارىمەن تانىستى، دەپ حابارالادى primeminister.kz.

اقتوبە قالاسىنىڭ دامۋىمەن تانىسۋ يندۋستريالىق-يننوۆاسيالىق دامۋ مەملەكەتتىك باعدارلاماسى اياسىندا 2017 جىلدىڭ سوڭىندا ىسكە اسىرىلعان «قازاقستان مۇناي جابدىقتارى زاۋىتى» جشس نىسانىندا باستالدى.

پرەمەر-مينيستر سەحتە جوعارى قىسىمدا جۇمىس ىستەيتىن قوندىرعىلاردى ازىرلەۋدىڭ جانە بلوكتىق-جيىنتىقتى جابدىقتاردىڭ تەحنولوگيالىق ۇدەرىسىمەن تانىستى.

زاۋىتتى ارالاۋ بارىسىندا «قمجز» جشس ديرەكتورى ا. كاشلايەۆ زاۋىتتا وندىرىلەتىن ٴونىم ساپاسىنىڭ پايىزى 96% اساتىنىن ايتتى. وسىلايشا، ٴوندىرىس كولەمى ٴبىرىنشى جارتى جىلدىقتا جالپى سوماسى 3،6 ملرد تەڭگەگە شامامەن 5 مىڭ ت قۇرادى. شىعارىلعان قۇبىرلار ۇڭعىمادان سىرتقا گاز نەمەسە سۇيىق فليۋيدتى تاسىمالداۋعا، بۇرعىلاۋ كەزىندە جانە ولاردى ودان كەيىنگى پايدالانۋ ٴۇشىن مۇناي مەن گاز ۇڭعىمالارىن بەكىتۋگە، سونداي-اق سۋدى، پايدالى قازبالاردى جانە ت.ب. ىزدەۋ كەزىندە ۇڭعىمالاردى بۇرعىلاۋ ٴۇشىن پايدالانىلادى. سونداي-اق، بلوكتىق-جيىنتىقتى جابدىق جول جانە قۇرىلىس ٴۇشىن بيتۋم مەن مازۋت الۋعا، ال قوندىرعىلار ۇڭعىمالاردى بۇرعىلاۋعا ارنالعان.

بۇدان وزگە، ب. ساعىنتايەۆقا كاسىپورىندى دامىتۋ پەرسپەكتيۆالارى تۋرالى باياندالدى. شەتەلدىك ينۆەستورلارمەن بىرلەسە وتىرىپ، جالپى ينۆەستيسيالار كولەمى 16 ملرد تەڭگە بولاتىن جانە 100 جاڭا جۇمىس ورنىن قۇرۋمەن «كومىرتەك كۇيەسى ٴوندىرىسى» جاڭا جوباسىن جۇزەگە اسىرۋ جوسپارلانىپ وتىر. جوبانىڭ قۋاتتىلىعى جىلىنا 50 مىڭ ت كۇيەنى قۇرايدى.

زاۋىتتى تەكسەرگەننەن كەيىن اقتوبە وبلىسىنىڭ اكىمى ب. ساپاربايەۆ «اقتوبە» يندۋستريالىق ايماعىنىڭ اۋماعىندا جۇزەگە اسىرىلىپ جاتقان جوبالار تۋرالى، سونداي-اق ٴوڭىردىڭ ونەركاسىپتىك كاسىپورىندارىن سيفرلاندىرۋ جانە تەحنولوگيالىق جاڭعىرتۋ بويىنشا جۇرگىزىلىپ جاتقان جۇمىستار تۋرالى باياندادى.

«اقتوبە» يندۋستريالىق ايماعى 200 گا اۋماقتى قامتيدى. بۇگىنگى تاڭدا جەتى جوبا قۇرىلىسى جۇرگىزىلىپ جاتىر. بيىل 29،4 ملرد تەڭگە سوماسىنا 508 جاڭا جۇمىس ورنىن اشۋمەن ٴتورت جوبانى پايدالانۋعا بەرۋ جوسپارلانعان.

وبلىس اكىمىنىڭ ورىنباسارى س. تولەنبەرگەنوۆ ٴوز كەزەگىندە وڭىردەگى جول بويىنداعى سەرۆيستى دامىتۋ جانە اۆتوجولداردى جوندەۋ جوسپارىن جۇزەگە اسىرۋ تۋرالى باياندادى. وسىلايشا، مەملەكەت باسشىسىنىڭ جاقسى جانە قاناعاتتانارلىق جاعدايداعى اۆتوجولداردىڭ 90% ۇلەسىنە 2022 جىلعا قاراي قول جەتكىزۋ جونىندەگى تاپسىرماسىن ورىنداۋ اياسىندا جىل سايىن جول جوندەۋ جۇمىستارىنىڭ كولەمى ارتىپ كەلەدى.

«اقتوبە وبلىسىنىڭ اۋماعىنداعى رەسپۋبليكالىق ماڭىزى بار اۆتوكولىك جولدارىنىڭ جەلىسى 1897 شاقىرىمدى قۇرايدى. 2016 جىلى 99 شاقىرىم جوندەلدى، 2017 جىلى — 302 شاقىرىم، بيىل جالپى سوماسى 35،7 ملرد تەڭگەگە 404 شاقىرىم جول جوندەۋ جوسپارلانعان، ال 2019 جىلى 43،6 ملرد تەڭگەگە 452 كم جوندەۋ بولجانعان»، — دەدى س. تولەنبەرگەنوۆ.

«قازاۆتوجول» ۇك باسقارما ٴتوراعاسى ە. كيزاتوۆ kazway پاۆيلون-سەرۆيسىنىڭ جۇمىسىن تانىستىردى. ونىڭ ايتۋىنشا، بيىل اقتوبە وبلىسىنىڭ اۋماعىندا رەسپۋبليكالىق اۆتوجولدار مەن «باتىس ەۋروپا — باتىس قىتاي» حالىقارالىق ترانزيتتىك ٴدالىزىنىڭ بويىندا ۇزىندىعى 609 شاقىرىم بولاتىن وسىعان ۇقساس جەتى پاۆيلون ورناتۋ جوسپارلانىپ وتىر.

2018 جىلدىڭ قاڭتار-ماۋسىم ايلارىندا اقتوبە وبلىسىندا ونەركاسىپ ونىمدەرىن شىعارۋ كولەمى 815،3 ملرد تەڭگەنى قۇرادى. 2017 ج. ٴتيىستى كەزەڭىمەن سالىستىرعاندا ناقتى كولەم يندەكسى 105،1% قۇرادى. وڭدەۋ ونەركاسىبىندە مۇناي وڭدەۋ ونىمدەرى، رەزەڭكە جانە پلاستماسسا بۇيىمدارى، مەتاللۋرگيا، دايىن مەتالل بۇيىمدارىنىڭ ٴوندىرىسى ارتتى.

اقتوبە وبلىسىندا ەكىنشى بەسجىلدىقتا (2015–2019 جج.) كاسىپكەرلىكتى قولداۋ كارتالارىمەن ينۆەستيسيالار كولەمى 195 ملرد تەڭگە بولاتىن، 2،9 مىڭ جۇمىس ورنىن قۇرۋمەن 23 ينۆەستيسيالىق جوبا ىسكە اسىرىلىپ جاتىر. بۇگىنگى تاڭدا 14 جوبا پايدالانۋعا بەرىلگەن، 1100 استام جۇمىس ورىندارى قۇرىلعان. بۇل اك، بەكىتۋ بۇيىمدارىن، بورلايتىن شارلاردى، سيليكات بۇيىمداردى، مەتالل كونسترۋكسيالار مەن مەتالل بۇيىمداردى، ماكارون ونىمدەرىن، جاراقاتتانۋدان قورعايتىن جابىنداردى، ٴسۇت ونىمدەرىن وندىرەتىن جوبالار، ەت كومبيناتى، قۇرامىندا حرومى بار قالدىقتاردى قايتا وڭدەۋ، مۇناي-گاز جابدىقتارى جانە قۇبىرلار، شىنى جۋاتىن سۇيىقتىقتار، انتيفريزدەر، شاعىن ٴموز، سونىمەن قاتار ٴۇي قۇرىلىسى كومبيناتى.

جۇمىس ساپارى اياسىندا باقىتجان ساعىنتايەۆ سونىمەن قاتار مەملەكەتتىك-جەكەمەنشىك قاعيداتى بويىنشا ىسكە اسىرىلعان ٴبىرقاتار الەۋمەتتىك نىسانداردى: «daru zharygy» وفتالمولوگيالىق ورتالىعىن، «العاشقى كومەك» جشس ورتالىق جەدەل جانە شۇعىل كومەك ستانسياسىن، سونىمەن قاتار جەكپە-جەك سارايىن ارالادى.

مەديسينالىق ۇيىمداردى ارالاۋ كەزىندە دەنساۋلىق ساقتاۋ باسقارماسىنىڭ باسشىسى ا. قاليەۆ اقتوبە وبلىسىنىڭ دەنساۋلىق ساقتاۋداعى جوعارى الەۋەتىن ٴتيىمدى پايدالانۋ ماقساتىندا ٴوڭىر تۇرعىندارىنا كورسەتىلەتىن مەديسينالىق كومەكتىڭ ساپاسىن جاقسارتۋ ٴۇشىن دەنساۋلىق ساقتاۋ ينفراقۇرىلىمىن كەشەندى جاڭعىرتۋ ىسكە اسىرىلىپ جاتقانىن ايتتى.

«وبلىستا باۋىر مەن بۇيرەك ترانسپلانتاسياسى (2 جىل ىشىندە 37 بۇيرەك اۋىستىرۋ جانە 12 باۋىر اۋىستىرۋ وتالارى جاسالدى)، ۇلكەن بۋىنداردى ەندوپروتەزدەۋ، ەندو-بەينەحيرۋگيالىق ەمدەۋ تاسىلدەرىنىڭ كەڭ اۋقىمى ٴتارىزدى بىرەگەي ەمدەۋ تەحنولوگيالارى يگەرىلدى. زاماناۋي دەڭگەيدەگى گەنەتيكالىق زەرتحاناسى بار ەكستراكورپورالدى ۇرىقتاندىرۋ ورتالىعى اشىلدى»، — دەدى ا. قاليەۆ، ول سونىمەن قاتار مەديسينا كلاستەرىن دامىتۋدىڭ بۇدان كەيىنگى جوسپارلارى تۋرالى باياندادى.

اقتوبە وبلىسىندا دەنساۋلىق ساقتاۋدى قارجىلاندىرۋعا 8،5 ملرد تەڭگە، دەنساۋلىق ساقتاۋ نىساندارىن دامىتۋعا — 4،2 ملرد تەڭگە، ماتەريالدىق-تەحنيكالىق بازانى نىعايتۋعا — 1،9 ملرد تەڭگە قاراستىرىلعان.

باقىتجان ساعىنتايەۆ «daru zharygy» زاماناۋي وفتالمولوگيالىق كلينيكاسىندا بولدى. مەديسينالىق مەكەمە الەمدىك ساپا جانە قاۋىپسىزدىك ستاندارتتارىنا ساي كەلەتىن اقش، شۆەيساريا، گەرمانيا، جاپونيا ەلدەرىنىڭ جوعارى تەحنولوگيالىق جابدىقتارىمەن جانە يننوۆاسيالىق تەحنولوگيالارىمەن جاراقتالعان.

قازاقستاندا جىل سايىن وفتالمولوگتارعا 1 ملن جۋىق ادامنىڭ جۇگىنۋى تىركەلەدى، ونىڭ ىشىندە 400 مىڭى – ٴبىرىنشى رەتتىك وفتالموپاتولوگيامەن جۇگىنگەن. اتالعان ماسەلەنىڭ وزەكتىلىگى ماڭىزدى جوبانىڭ ىسكە اسىرىلۋىنا سەبەپ بولدى. وسىلايشا، ورتالىق 2017 ج. جەلتوقسان ايىندا پايدالانۋعا بەرىلدى، ال بيىلعى جىلدىڭ باسىندا كەپىلدەندىرىلگەن تەگىن مەديسينالىق كومەك كولەمى مەحانيزمى ارقىلى ەمدەلۋشىلەردى قابىلداي باستادى. ورتالىقتىڭ ستاسيونارى 60 توسەك-ورىنعا جانە كۇنىنە 500 رەت قابىلداۋعا شاقتالعان.

دياگنوستيكالىق ٴبولىمدى ارالاۋ كەزىندە پرەمەر-مينيسترگە جاڭا سيفرلىق جوبالار تۋرالى باياندالدى. «daru zharygy» ورتالىعىنىڭ ديرەكتورى ع. ەلەۋوۆ كلينيكا «medelement» مەديسينالىق اقپاراتتىق جۇيەسىمەن جاراقتالعانىن ايتتى. قازىرگى كەزدە «قامقور» جۇيەلەرى جانە «damumed» ٴموبيلدى قوسىمشاسى ەنگىزىلىپ جاتىر. ماج ينتەگراسياسى ارقاسىندا دارىگەرلەر ادامنىڭ دەنساۋلىعىنىڭ تولىق جاي-كۇيىن باقىلاي الادى، الدىن-الا ونلاين-تىركەۋدىڭ ارقاسىندا ەمحانالارداعى كەزەكتەر ازايادى. ەمدەلۋشىلەر دارىگەردىڭ كەڭەستەرىن، رەسەپتىلەر، ەڭبەككە جارامسىزدىق پاراعىن، جۇرگىزىلگەن زەرتتەۋلەر ناتيجەلەرىن ۇيدەن شىقپاي-اق الا الادى.

اقتوبە وبلىسى اكىمدىگىنىڭ دەرەكتەرىنە سايكەس، بۇگىنگى تاڭدا مەديسينالىق اقپاراتتىق جۇيەلەرمەن ۇيىمداردىڭ 81% قامتىلعان. 2019 جىلدىڭ سوڭىنا دەيىن بۇل دەڭگەي 100% جەتكىزىلەدى. سونىمەن قاتار، وڭىردە ا.ج. 1 شىلدەسىنەن باستاپ مەديسينالىق قۇجاتتامانى قاعازسىز جۇرگىزۋگە كوشۋ جوباسى ەنگىزىلگەن.

جالپى قازاقستاندا ا.ج. ٴبىرىنشى جارتىجىلدىعىنىڭ قورىتىندىسى بويىنشا مەديسينالىق اقپاراتتىق جۇيەلەرمەن اۋداندىق دەڭگەيگە دەيىن دەنساۋلىق ساقتاۋ ۇيىمدارىنىڭ 96،7% قامتىلعان. ال ينتەرنەت جەلىسىنە اۋداندىق دەڭگەيگە دەيىن دەنساۋلىق ساقتاۋ ۇيىمدارىنىڭ 100% قولى جەتىمدى. دەنساۋلىق ساقتاۋ جۇيەسىن سيفرلاندىرۋدان كۇتىلەتىن تيىمدىلىكتەر: حالىقتىڭ مەديسينالىق كومەك ساپاسىنا قاناعاتتانۋ دەڭگەيى: 2018 — 44%، 2019 — 49%، 2020 — 55%، دارىگەردىڭ قابىلداۋىنداعى ۋاقىتتىڭ قىسقارۋى 50-60%.

دەنساۋلىق ساقتاۋ ينفراقۇرىلىمىنىڭ دامۋىمەن تانىسۋ «العاشقى كومەك» جشس جەدەل جانە شۇعىل مەديسينالىق كومەك قالالىق ستانسياسىن كورۋ بارىسىندا جالعاستى. جوبا تۇرىك ينۆەستورلارمەن بىرلەسىپ ٴمجا اياسىندا ىسكە اسىرىلعان. بيىل ناۋرىزدان باستاپ جەدەل مەديسينالىق كومەك ورتالىق ستانسياسى جۇمىس ىستەي باستادى، ونىڭ قۋاتتىلىعى جىلىنا 75 000 شاقىرۋ جانە 28 سانيتارلىق اۆتوماشيناعا ارنالعان اۆتوگاراجى بار.

ارالاۋ كەزىندە پرەمەر-مينيستر جەدەل جاردەم ستانسياسىنىڭ قۇرىلىمدىق بولىمشەلەرىن كورىپ، ديسپەتچەر ٴبولىمىنىڭ، call-ورتالىقتىڭ، جەدەل جاردەم بريگاداسىنىڭ جۇمىسىمەن تانىسىپ، مەكەمەنىڭ قىزمەتكەرلەرىمەن كەزدەستى.

ستانسيا ەڭ زاماناۋي جابدىقتارمەن جاراقتالعانىن ايتا كەتۋ كەرەك. وبلىس جۇرتشىلىعىنان قوڭىراۋلاردى قابىلداۋ ٴۇشىن «103» بويىنشا 15 پۋلتكە ٴبىرىڭعاي call-ورتالىق قۇرىلعان، قوڭىراۋلار قابىلدانعان سوڭ مەديسينالىق ىرىكتەۋلەر جۇرگىزىلەدى. ونلاين رەجيمدە تۇرعىنداردان كەلىپ تۇسكەن قوڭىراۋلاردى «العاشقى كومەك» جشس وقىتىلعان ماماندارى قابىلداپ، قاداعالايدى. ورتالىق جەدەل مەديسينالىق جاردەم قىزمەتتەرىمەن، ٴىىد، تج، ٴورت ٴسوندىرۋ قىزمەتى، سانيتارلىق اۆياسيا ورگاندارىمەن، اپاتتار مەديسيناسى وڭىرلىك ورتالىعىمەن، شۇعىل جاعدايلارداعى ناۋقاستاردى قابىلدايتىن قالاداعى امسك جانە ستاسيونارلارىمەن جەدەل بايلانىس قۇرالدارىمەن قامتاماسىز ەتىلگەن، وڭىردەگى سانيتارلىق اۆتوكولىككە جەرسەرىكتىك مونيتورينگ جۇرگىزۋ ٴۇشىن رەسۋرستارمەن جاراقتالعان.

«العاشقى كومەك» جشس ديرەكتورىنىڭ ورىنباسارى گ. توپچۋ ٴبىرىڭعاي اقپاراتتىق-تالدامدىق call-ورتالىق جۇمىسىمەن قاتار ەلەكتروندى شاقىرۋ كارتاسى ەنگىزىلگەنىن جانە جۇگىنۋدى قابىلداۋ كەزىندە گەو-كودتاۋ پروسەدۋراسى جۇرگىزىلەتىنىن حابارلادى. شاقىرتۋلار جەدەل مەديسينالىق كومەك جۇرگىزۋشىسىنىڭ gps-ناۆيگاتورىندا جانە دارىگەردىڭ (فەلدشەردىڭ) پلانشەتىندە كورىنەدى. بۇگىنگى تاڭدا جەلىدە تاۋلىك بويى زاماناۋي مەديسينالىق جابدىقتارمەن جاراقتالعان 16 رەانيموبيل، 2 دياگنوستيكالىق اۆتوموبيل جۇمىس ىستەيدى، سونداي-اق شۇعىل مەديسينالىق كومەك كورسەتەتىن 16 اۆتوموبيل بار.

«رەانيموبيل بارلىق قاجەتتى اپپاراتۋرامەن جاراقتالعان. دەفيمونيتور اپپاراتى ەلەكتروكارديوگرامما تۇسىرۋگە ارنالعان. ەرەسەكتەر مەن بالالارعا ارنالعان اۋىستىرىلاتىن بلوكتارى بار»، — دەدى «العاشقى كومەك» جشس ديرەكتورى ب. تۇرمەتوۆ.

2018 جىلدىڭ 6 ايىنىڭ ىشىندە ادامدار بارلىعى 177 472 رەت جۇگىنگەن. جاڭا سيفرلىق تەحنولوگيالار جۇرەك-قانتامىر جۇيەسى اۋرۋلارىمەن سىرقاتتانعان ناۋقاستارعا قىزمەت كورسەتۋ ساپاسىن جاقسارتۋعا، كەشىگىپ ورىندالاتىن شاقىرتۋلار سانىن ازايتۋعا، سونىمەن قاتار جول-كولىك وقيعاسى ورىن العان جەرلەرگە ۋاقىتىلى جەتۋگە مۇمكىندىك بەرەدى.

وڭىردەگى ٴمجا جوبالارىمەن تانىسۋ اياسىندا باقىتجان ساعىنتايەۆ سونىمەن قاتار رەسپۋبليكالىق جانە حالىقارالىق دەڭگەيدەگى ٴىرى سپورتتىق جارىستاردى وتكىزۋگە ارنالعان «جەكپە-جەك سارايىن» بارىپ كوردى.

دەنە شىنىقتىرۋ جانە سپورت باسقارماسىنىڭ باسشىسى م. ماحامبەتوۆ عيمارات تۇعىرداعى ٴتۇرلى جينامالى-قۇراستىرمالى زاماناۋي رينگتەرمەن، كۇرەسۋگە ارنالعان كىلەمدەرمەن، تاتاميلەرمەن جانە جاتتىعۋعا ارنالعان باسقا دا سپورتتىق جابدىقتارمەن جاراقتالعانىن ايتتى.

وبلىس اكىمدىگىنىڭ دەرەكتەرى بويىنشا دەنساۋلىق ساقتاۋدى، مادەنيەت پەن سپورتتى دامىتۋدىڭ مەملەكەتتىك باعدارلامالارى اياسىنداعى كوپتەگەن جوبالار مەملەكەتتىك-جەكەمەنشىك ارىپتەستىك جانە بيزنەستىڭ الەۋمەتتىك جاۋاپكەرشىلىگى قاعيداتى بويىنشا ىسكە اسىرىلىپ جاتىر. بۇگىندە وڭىردە جالپى ينۆەستيسيالار پورتفەلى 43 ملرد تەڭگە بولاتىن 108 ٴمجا جوبالارى جۇرگىزىلۋدە.

اقتوبەدە ٴمجا مەحانيزمى بويىنشا مۇز سارايى، حوككەي ٴمودۋلى، تەننيس ورتالىعى جانە جەڭىل اتلەتيكا مانەجى سالىنىپ جاتىر. جاستار اراسىندا سپورتتى ناسيحاتتاۋ جانە سالاۋاتتى ٴومىر سالتى داعدىلارىن تەلۋ ماقساتىندا اقتوبەدە 14 street workout الاڭ مەن سكەيت-پارك سالىنعان. وبلىستا 28 بالالار مەن جاسوسپىرىمدەرگە ارنالعان سپورت مەكتەپتەرى بار، ونىڭ ىشىندە 6-ۋى — ارنايى مەكتەپ. بۇل مەكتەپتەردە 17 مىڭنان استام وقۋشى 47 سپورت ٴتۇرى بويىنشا جاتتىعادى.

بارلىعى وبلىستا 1670 سپورت نىسانى بار. ونىڭ ىشىندە: 17 ستاديون، سپورت سارايى، 14 سپورت كەشەنى، 981 سپورتتىق قۇرىلىمدار، 33 حوككەي جانە 28 تەننيس كورتى، 6 شاڭعى بازاسى، 9 ٴجۇزۋ باسسەينى، 544 سپورتزال جانە ت.ب. بار.

ەسكە سالايىق، پرەمەر-مينيستر باقىتجان ساعىنتايەۆ مەملەكەت باسشىسىنىڭ تاپسىرماسى بويىنشا وڭىرلەردە جۇمىس ساپارىن جالعاستىرۋدا. وسىعان دەيىن اتىراۋ، قاراعاندى، قوستاناي، قىزىلوردا، ماڭعىستاۋ، وڭتۇستىك قازاقستان جانە اقمولا وبلىستارىندا جۇمىس ساپارلارىمەن بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي