BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

تيمۋر سۇلەيمەنوۆ قك وتىرىسىنىڭ قورىتىندىسى بويىنشا ٴماجىلىس وتكىزدى

استانا، baq.kz. ۇلتتىق ەكونوميكا مينيسترلىگىندە قاۋىپسىزدىك كەڭەسى وتىرىسىنىڭ قورىتىندىسى بويىنشا اپپارات ٴماجىلىسى ٴوتتى. بۇل تۋرالى ۆەدومستۆونىڭ ٴباسپاسوز قىزمەتى حابارلادى.

قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ توراعالىعىمەن 7 قاراشادا اقوردادا وتكىزىلگەن قاۋىپسىزدىك كەڭەسىنىڭ تكش سالاسىنداعى تاريف تۇزىلۋىنە ارنالعان وتىرىسىنىڭ قورتىندىسى بويىنشا قازاقستان رەسپۋبليكاسىنىڭ ۇلتتىق ەكونوميكا ٴمينيسترى تيمۋر سۇلەيمەنوۆ مينيسترلىكتىڭ جانە تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ باسشىلىعىمەن جۇمىس ٴماجىلىسىن وتكىزدى.

مينيستر تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنە ناقتى مەرزىم ىشىندە، ونىڭ ىشىندە زاڭناما نورمالارىن تۇزەتۋدى كوزدەيتىن جەدەل ٴىس-قيمىل جوسپارىن ازىرلەۋدى تاپسىردى.

سونداي-اق، كوميتەتكە جۇمىس ٴتاسىلىن وزگەرتۋ بويىنشا ناقتى ۇسىنىستار ازىرلەۋ جانە اۋماقتىق دەپارتامەنتتەرمەن ٴوزارا ٴىس-قيمىلدى باقىلاۋدى كۇشەيتۋ، ەل تۇرعىندارى ٴۇشىن اقپاراتتىڭ اشىق ٴارى قولجەتىمدى بولۋىن قامتاماسىز ەتۋ، كوميتەتتىڭ اۋماقتىق بولىمشەلەرىنىڭ لاۋازىمدى تۇلعالارىنىڭ جاۋاپكەرشىلىگىن ارتتىرۋ تاپسىرىلدى.

ٴماجىلىستىڭ قورتىندىسىندا، تيمۋر سۇلەيمەنوۆ تاريف بەلگىلەۋدى رەتتەۋ، باقىلاۋ جانە قاداعالاۋ جۇيەسى بويىنشا جۇرگىزىلگەن جۇمىستاردىڭ ساپاسىن ارتتىرۋدىڭ، تكش سالاسىنداعى تابيعي مونوپوليالار سۋبەكتىلەرىنىڭ قىزمەتىن تالداۋدى جۇرگىزۋدىڭ قاجەتتىگىن اتاپ كورسەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي