USD 335.71 EUR 357.36 RUB 5.23
استانا:

ت.دۇيسەنوۆا جۇمىسسىزدار سانىن ازايتۋدى كوزدەيتىن جاڭا باعدارلامانى تانىستىردى

بۇگىن ۇكىمەت وتىرىسىندا قر دەنساۋلىق ساقتاۋ جانە الەۋمەتتىك دامۋ ٴمينيسترى تامارا دۇيسەنوۆا «ٴونىمدى ەڭبەكپەن قامتۋ جانە بۇقارالىق كاسىپكەرلىك» باعدارلاماسىن تانىستىردى. جاڭا باعدارلاما 3 باعىتتى قامتيدى، دەپ حابارلايدى baq.kz ٴتىلشىسى.

«ەلباسىنىڭ تاپسىرماسىمەن جاپپاي كاسىپكەرلىكتى دامىتۋدى كوزدەيتىن جاڭا باعدارلامانى سىزدەردىڭ نازارلارىڭىزعا ۇسىنىپ وتىرمىن. باعدارلامانىڭ نەگىزگى ماقساتى – ازاماتتاردى جۇمىسقا ورنالاستىرۋ نەمەسە ٴوزىنىڭ ٴىسىن اشۋعا قاجەتتى كاسىبي داعدىعا جاپپاي وقىتۋ جانە ۇيرەتۋ. ەندى 3 نەگىزگى باعىتتا جۇمىس ىستەيتىن بولامىز»، - دەدى مينيستر.

سونداي-اق، تامارا دۇيسەنوۆا باعدارلامانىڭ نەگىزگى باعىتتارىنا توقتالدى.

«بىرىنشىدەن، ٴبىز ەندى سۇرانىسقا يە ماماندىقتاردى جانە كاسىپكەرلىك نەگىزدەرىن وقىتامىز. ەكىنشىدەن، جاپپاي كاسىپكەرلەكتى دامىتۋ جانە قالالار مەن اۋىلداردا ميكرونەسيەلەندىرۋدى دامىتۋ كوزدەلىپ وتىر. ۇشىنشىدەن، ەڭبەك نارىعىن دامىتۋ. بۇل ٴوز كەزەگىندە ازاماتتاردىڭ جۇمىسقا تۇرۋىنا سەپتىگىن تيگىزەدى»، - دەدى ول.

سونىمەن قاتار، قر دەنساۋلىق ساقتاۋ جانە الەۋمەتتىك دامۋ ٴمينيسترى قازىرگى ەڭبەك نارىعىنىڭ جاي-كۇيىنە توقتالدى.

«بۇگىنگى تاڭدا 2،1 ميلليون ادام – ٴوزىن-وزى جۇمىسپەن قامتىپ وتىرعاندار، سونداي-اق 447 مىڭ جۇمىسسىز ازامات بار. ونىڭ 40%-ىنىڭ كۆاليفيكاسياسى جوق. ەڭبەك جاسىنداعى 665 مىڭ ازامات بار. ال 550 مىڭ ادامنىڭ ٴبىر ايلىق جالاقىسىنىڭ مولشەرى 60 مىڭ تەڭگەدەن تومەن. سوندىقتان ولار جاڭا باعدارلاماعا قاتىسا الادى»، - دەپ اتاپ ٴوتتى مينيستر.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي