BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

بيۋدجەتتىك كىرىستەر جوسپارى ارتىعىمەن ورىندالدى – مينيستر

فوتو: ашық дереккөзден

قارجى ٴمينيسترى باقىت سۇلتانوۆ ۇكىمەت وتىرىسىندا 2018 جىلدىڭ سەگىز ايىنداعى الەۋمەتتىك-ەكونوميكالىق دامۋ مەن رەسپۋبليكالىق بيۋدجەتتىڭ اتقارىلۋىنىڭ قورىتىندىلارى تۋرالى باياندادى، دەپ حابارلايدى baq.kz ٴتىلشىسى.

ول اعىمداعى جىلدىڭ 8 ايىنىڭ قورىتىندىسى بويىنشا بيۋدجەتتىڭ نەگىزگى كورسەتكىشتەرى ەلەۋلى جاقسارعانىن ايتتى.

«مەملەكەتتىك بيۋدجەتكە ترانسفەرتتەردى ەسەپكە الماعاندا 5 ترلن. 252 ملرد.تەڭگە كىرىس ٴتۇستى. بۇل سوما 2015 جىلدىڭ جالپى جىلدىق كولەمىنەن 74 ملرد.تەڭگە ارتىق. بيۋدجەتتەردىڭ بارلىق دەڭگەيىندە كىرىستەر بويىنشا اعىمداعى جوسپارلار ارتىعىمەن ورىندالدى: مەملەكەتتىك بيۋدجەت – 104،7%، رەسپۋبليكالىق بيۋدجەت –103،7% جانە جەرگىلىكتى بيۋدجەت – 107%. ناقتىلانعان جوسپاردىڭ جىلدىڭ اياعىنا دەيىن تولىق ورىندالۋىنا ەشقانداي كەدەرگىلەر جوق. شىعىستار ەسەپتى كەزەڭدە 7 ترلن.439 ملرد.تەڭگە سوماعا اتقارىلدى. ولاردىڭ ىشىندە 55%ٴ-تى الەۋمەتتىك سالاعا جىبەرىلدى. شىعىستار بويىنشا يگەرۋ دەڭگەيى ايتارلىقتاي جوعارى: مەملەكەتتىك بيۋدجەت – 97،9%، رەسپۋبليكالىق بيۋدجەت –98،6% جانە جەرگىلىكتى بيۋدجەت –97،8%»، - دەدى سۇلتانوۆ.

مينيستر ٴاربىر كورسەتكىشكە جەكە-جەكە توقتالدى.

ونىڭ ايتۋىنشا مەملەكەتتىك بيۋدجەت كىرىستەرى وتكەن جىلدىڭ وسىعان ۇقساس كەزەڭىمەن سالىستىرعاندا 116،4%-كە وسكەن. كىرىستەردىڭ وسۋىنە ەكونوميكانىڭ بارلىق سالالارىندا ماكروەكونوميكالىق كورسەتكىشتەردىڭ جاقسارۋى، ونىڭ ىشىندە مۇناي مەن مەتالل باعاسىنىڭ ٴوسۋى سەبەپ بولعان. سونداي-اق، سالىقتىق-كەدەندىك اكىمشىلەندىرۋ راسىمدەرىنىڭ جاقسارۋىنىڭ تيىمدىلىگى دە ٴوسىپ كەلە جاتىر.

«وبەكتىلەرگە شىقپاي كامەرالدىق باقىلاۋ حابارلامالارى بويىنشا 2018 جىلدىڭ 8 ايى ىشىندە 93،1 ملرد.تەڭگەگە سالىقتار قايتا ەسەپتەلدى. ەسەپتى كەزەڭدە ونىڭ 53،1 ملرد. تەڭگەسى بيۋدجەتكە ٴتۇستى. وتكەن جىلدىڭ وسىنداي كەزەڭىمەن سالىستىرعاندا قوسا ەسەپتەلگەن سومالاردى ٴوندىرىپ الۋ تيىمدىلىگى 5،2 پروسەنتتىك تارماققا ۇلعايدى»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي