BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

سۇلتانوۆ بيۋدجەت قارجىسىن يگەرمەي وتىرعان مينيسترلىكتەردى اتادى

فوتو: Kazgazeta.kz

قارجى ٴمينيسترى باقىت سۇلتانوۆ بۇگىنگى ۇكىمەت وتىرىسىندا رەسپۋبليكالىق بيۋدجەت قارجىسىن يگەرمەي وتىرعان ارىپتەستەرىن اتادى، دەپ حابارلايدى baq.kz ٴتىلشىسى.

«رەسپۋبليكالىق بيۋدجەتتىڭ شىعىستارى 6 ترلن. 277 ملرد. تەڭگەنى قۇرادى. وتكەن جىلدىڭ وسىنداي كەزەڭىمەن سالىستىرعاندا بيۋدجەتتىك ٴتارتىپ جاقساردى. اتقارىلماعانى – 91 ملرد. تەڭگە، ونىڭ ىشىندە بيۋدجەت قاراجاتىنىڭ ۇنەمدەلۋى – 10،3 ملرد. تەڭگە. يگەرىلمەۋ سوماسى – 80،7 ملرد. تەڭگە. بۇل 2017 جىلدىڭ 8 ايىنداعى كورسەتكىشكە قاراعاندا 21 ملرد. تەڭگەگە از»، - دەدى ول.

سۇلتانوۆ ەڭ كوپ يگەرىلمەۋ سومالارىن كورسەتىپ وتىرعان ۆەدومستۆولاردى اتادى: قورعانىس مينيسترلىگى – 15 ملرد. تەڭگە; مادەنيەت جانە سپورت مينيسترلىگى – 11 ملرد. تەڭگە; اۋىل شارۋاشىلىعى مينيسترلىگى – 11 ملرد. تەڭگە; ىشكى ىستەر مينيسترلىگى – 9،5 ملرد. تەڭگە; اقپارات جانە كوممۋنيكاسيالار مينيسترلىگى – 5،7 ملرد. تەڭگە.

«الدىندا بايانداعانىمىزداي يگەرىلمەۋ سوماسىنىڭ ٴبىر بولىگى بيۋدجەتتى ناقتىلاۋ كەزىندە قايتا بولىنەتىن بولادى. جەرگىلىكتى بيۋدجەتتەر شىعىستارى 3 ترلن. 74 ملرد. تەڭگەنى قۇرادى. اتقارىلماعانى – 69،6 ملرد. تەڭگە. بۇل كورسەتكىش وتكەن جىلدىڭ ۇقساس كەزەڭىمەن سالىستىرعاندا ٴبىراز جاقساردى، بىلتىر 104 ملرد. تەڭگە بولعان. ەسەپتى كەزەڭدە وڭىرلەرگە 448،8 ملرد. تەڭگە نىسانالى ترانسفەرتتەر ٴبولىندى. ولار جەرگىلىكتى دەڭگەيدە 94،5% نەمەسە 423،9 ملرد. تەڭگە يگەرىلدى. 24،9 ملرد. تەڭگە اتقارىلمادى، ونىڭ ىشىندە 2،4 ملرد. تەڭگە – بيۋدجەت قاراجاتىن ۇنەمدەۋ. 22،5 ملرد. تەڭگە يگەرىلگەن جوق، ول وتكەن جىلدىڭ ۇقساس كەزەڭىندەگى يگەرىلمەۋ سوماسىنان 44،6%-كە از»، - دەپ مالىمدەدى سۇلتانوۆ.

ول بيۋدجەت قارجىسىن تولىق جانە ساپالى ورىنداۋ ٴۇشىن بارلىق جاعداي جاسالعانىن اتاپ ٴوتتى.

«ٴسىزدىڭ تاپسىرماڭىزعا سايكەس، جاقىن ارادا اعىمداعى جىلدىڭ بيۋدجەتىن ناقتىلاۋ تۋرالى ۇسىنىستار رەسپۋبليكالىق بيۋدجەت ەسەبىنەن جانە ۇكىمەتتىڭ قاراۋىنا ۇسىنىلاتىن بولادى. پارلامەنتتە كەلەسى ٴۇش جىلدىق كەزەڭگە ارنالعان رەسپۋبليكالىق بيۋدجەت جوباسى قارالۋدا جانە ول تۋرالى بارلىق وبەكتىگە قاتىستى رەسپۋبليكالىق كوميسسيانىڭ شەشىمدەرى بار. اعىمداعى ساتىپ الۋ پروسەستەرىن باستاۋعا بارلىق جاعداي جاسالعان. سول ٴۇشىن ورتالىق جانە جەرگىلىكتى اتقارۋشى ورگاندار بىرلەسىپ، تەزىرەك پىسىقتاۋ قاجەت»، - دەپ ٴسوزىن تۇيىندەدى قارجى ٴمينيسترى.

ۇكىمەت باسشىسى باقىتجان ساعىنتايەۆ مينيستر ايتقان ۇسىنىستاردى قولدايتىنىن ايتتى.

«ٴقازىر دايىندالىپ وتىرعان قايتا قاراۋ كەزىندە ەشكىمگە قاراماي يگەرىلمەگەن قارجىنىڭ ٴبارىن كىم سۇرانىس بەرىپ جاتىر، يگەرۋ جەتپەي جاتقاندارعا سولارعا اۋىستىرىڭىز»، - دەپ تاپسىرما بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي