BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ساعىنتايەۆ «سامۇرىق-قازىنانىڭ» ترانسفورماسيا باعدارلاماسىن ىسكە اسىرۋ ماسەلەسىن تالقىلادى

بۇگىن ۇكىمەت ۇيىندە قر پرەمەر-مينيسترى باقىتجان ساعىنتايەۆتىڭ توراعالىعىمەن «سامۇرىق-قازىنا» ۇلتتىق ٴال-اۋقات قورى» اق ديرەكتورلار كەڭەسىنىڭ وتىرىسى ٴوتتى، دەپ حابارلايدى baq.kz اقپارات اگەنتتىگى primeminister.kz-كە سىلتەمە جاساپ.

وتىرىس بارىسىندا «سامۇرىق-قازىنا» اق ترانسفورماسيا باعدارلاماسىن ىسكە اسىرۋ بارىسى، جەكەشەلەندىرۋ ماسەلەلەرى تالقىلانىپ، سونداي-اق 2017 جىلى اتقارىلعان جۇمىستار قورىتىندىسى شىعارىلىپ، كومپانيانىڭ 2018–2022 جىلدارعا ارنالعان دامۋ جوسپارلارى قارالدى.

وتىرىس قاتىسۋشىلارى 2014 جىلدان باستاپ 2018 جىلدىڭ 1 توقسانى ارالىعىنداعى پايدا مەن ينۆەستيسيالار تۋرالى مالىمەتتەردەن تۇراتىن قوردىڭ ترانسفورماسيا باعدارلاماسىن ىسكە اسىرۋ تۋرالى ەسەبىن تىڭدادى. قوردىڭ ديرەكتورلار كەڭەسىندە ەسەپتى جۇيەلى تۇردە قاراۋ بولاشاقتا باعدارلامانىڭ باستامالارىن ەنگىزۋ تيىمدىلىگىن ارتتىرۋعا جول اشاتىن باسقارۋ شەشىمدەرىن ۋاقىتىلى قابىلداۋ جانە ارەكەت جاساۋ ٴۇشىن قاجەت.

قر پرەزيدەنتىنىڭ جارلىعىمەن 2008 جىلى «سامۇرىق-قازىنا» قورىنىڭ نەگىزى قالاندى. ينۆەستيسيالىق حولدينگتىڭ مىندەتى — قر ۇلتتىق ٴال-اۋقاتىن ارتتىرۋ جانە ۇلتتىق ەكونوميكانى جاڭعىرتۋدى قولداۋ. قور قورجىندىق كومپانيالاردى ولاردىڭ ۇزاقمەرزىمدى قۇنىن جانە تۇراقتى دامۋىن ارتتىرۋ ٴۇشىن، سونداي-اق ۇلتتىق ەكونوميكانىڭ باسىم سەكتورلارىن دامىتۋعا ينۆەستيسيالاردى وتكىزۋ ارقىلى باسقارۋمەن اينالىسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي