BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

ساعىنتايەۆ جولداۋدىڭ مىندەتتەرىن ٴتۇسىندىرۋ ماقساتىندا شقو-عا كەلدى

بۇگىن مەملەكەت باسشىسىنىڭ تاپسىرماسىمەن قر پرەمەر-مينيسترى باقىتجان ساعىنتايەۆ جۇمىس ساپارىمەن شىعىس قازاقستان وبلىسىنا كەلدى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

سەمەي قالاسىندا اكتيۆپەن جانە جۇرتشىلىق وكىلدەرىمەن پرەزيدەنت جولداۋىنىڭ نەگىزگى باعىتتارى تالقىلانادى. اتاپ ايتقاندا، حالىقتىڭ تابىس دەڭگەيىن ارتتىرۋ، ٴبىلىم بەرۋ مەن دەنساۋلىق ساقتاۋ ساپاسىن جاقسارتۋ، تۇرعىن ٴۇيدىڭ قولجەتىمدىلىگى ماسەلەلەرى قارالادى. بۇعان قوسا، پرەمەر-مينيستر ٴبىرقاتار الەۋمەتتىك جانە ونەركاسىپتىك نىسانداردى ارالاپ، سولاردىڭ نەگىزىندە وڭىردە «نۇرلى جول»، «نۇرلى جەر»، «دەنساۋلىق» جانە ت.ب. مەملەكەتتىك باعدارلامالاردىڭ ىسكە اسىرىلۋىمەن تانىسادى.

وڭىردەگى جۇمىس ساپارىن سەمەي قالاسىنان باستاعان پرەمەر-مينيستر ۇشىپ-قونۋ جولاعى مەن اەروۆوكزالدى رەكونسترۋكسيالاۋ ناتيجەسىمەن تانىستى. شىعىس قازاقستان وبلىسىنىڭ اكىمى د. احمەتوۆتىڭ بايانداۋىنشا، اۋەجايدى جاڭعىرتۋ رەيستەر مەن جولاۋشىلار سانىن ۇلعايتۋعا، سونداي-اق، ۇشۋ كەزىندەگى قاۋىپسىزدىك دەڭگەيىن ارتتىرۋعا جول اشادى.

2016 جىلعى جەلتوقساندا «نۇرلى جول» مەملەكەتتىك باعدارلاماسى اياسىندا باستالعان اۋەجايدى رەكونسترۋكسيالاۋ جۇمىستارى بيىل اياقتالادى. جوبانى ىسكە اسىرۋ ۇشۋ-قونۋ جولاعىن، جەر ۇستىمەن ٴجۇرۋ جولدارىن جانە پەرروندى، سونداي-اق، اەروۆوكزال عيماراتىن جوندەۋدى قامتىدى. ۇشۋ-قونۋ جولاعىنا قاتىستى جۇمىستار تولىقتاي اياقتالعان: بۇگىنگى تاڭدا اتالعان جولاق وبلىسارالىق جانە وبلىسىشىلىك اۆيارەيستەردىڭ اۋە كەمەلەرىن قابىلداپ، جونەلتەدى. وسى جىلدىڭ 2 قىركۇيەگىنەن باستاپ ۇشۋ-قونۋ جولاعى «وسكەمەن — سەمەي — ٴۇرجار»، «سەمەي — الماتى»، «سەمەي — استانا» باعىتتارى بويىنشا ان-24 تيپىندەگى ۇشاقتاردى قابىلدايدى. اەروۆوكزالعا قاتىستى جالپى اياقتالعان جۇمىستار بۇگىندە 93% قۇرايدى.

جاڭعىرتۋ قورىتىندىسى بويىنشا اۋەجاي «ۆ» ساناتىنداعى حالىقارالىق اۋەجايلارعا ارنالعان يكاو (حالىقارالىق ازاماتتىق اۆياسيا ۇيىمى) تالاپتارىنا ساي بولادى. ال بۇل 300 جولاۋشىعا دەيىن تاسىمالداي الاتىن boeing، airbus، يل-76 تيپىندەگى اۋە كەمەلەرىن قابىلداۋعا مۇمكىندىك بەرەدى. ياعني، تاۋلىگىنە 25-30 رەيسكە دەيىن، ساعاتىنا 200 ادامعا دەيىن قىزمەت كورسەتۋگە جول اشىلادى. جولاۋشىلار تەرمينالىنىڭ عيماراتى ٴقاۋىپسىز پايدالانۋ تالاپتارىنا جاۋاپ بەرەتىن بولادى، ال ول جولاۋشىلارعا قىزمەت كورسەتۋ ساپاسىن ەداۋىر جاقسارتادى.

«scat، qazaq air، bek air، air astana سەكىلدى وتاندىق اۆياكومپانيالاردى تارتۋمەن قاتار، رەسەي فەدەراسياسىنا، تۇركياعا، مىسىرعا، بىرىككەن اراب امىرلىكتەرىنە حالىقارالىق رەيستەردى ۇيىمداستىرۋعا مۇمكىندىك تۋادى. اەروۆوكزالدا حالىقارالىق جانە ىشكى اۋە قاتىناستارىنىڭ جەكەلەگەن زالدارى پايدا بولادى، زاماناۋي تەكسەرۋ جابدىعى ورناتىلادى. جالپى، كەشەندە 250-دەن استام ادامعا جۇمىس ورنى اشىلادى»، — دەپ باياندادى شىعىس قازاقستان وبلىسى اكىمىنىڭ ورىنباسارى س. اقتانوۆ.

ەسكە سالا كەتەيىك، پرەمەر-مينيستر مەملەكەت باسشىسىنىڭ تاپسىرماسىمەن ەل وڭىرلەرىن جۇمىس ساپارىمەن ارالاپ ٴجۇر. وسىعان دەيىن باقىتجان ساعىنتايەۆ اتىراۋ، اقتوبە، قاراعاندى، قوستاناي، قىزىلوردا، ماڭعىستاۋ، وڭتۇستىك قازاقستان (قازىرگى تۇركىستان)، باتىس قازاقستان، سولتۇستىك قازاقستان، اقمولا جانە پاۆلودار وبلىستارىندا جۇمىس ساپارلارىمەن بارعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي