BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ساعىنتايەۆ: جارتى جىلدى 5،1% ەكونوميكالىق وسىممەن اياقتاعان اقتوبە وبلىسىنىڭ ۇلەسى ەلەۋلى

جۇمىس ساپارى بارىسىندا قر پرەمەر-مينيسترى باقىتجان ساعىنتايەۆ اقتوبە وبلىسىندا قازاقستاننىڭ ٴۇشىنشى جاڭعىرۋىن جوبالىق باسقارۋ ماسەلەلەرى بويىنشا ٴوڭىر اكتيۆىمەن جانە بيزنەس وكىلدەرىمەن كەزدەسۋ وتكىزدى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

كەزدەسۋ بارىسىندا ٴوڭىر ەكونوميكاسىن جاڭعىرتۋ ماسەلەلەرى قارالدى، سونداي-اق وبلىس اكتيۆىنىڭ جاڭا جاھاندىق شىنايىلىق جاعدايىندا ەكونوميكانىڭ ساپالى ٴارى تۇراقتى ٴوسۋىن قامتاماسىز ەتۋ ٴۇشىن قاجەتتى جاعدايلاردى جاساۋ جۇمىستارى تالقىلاندى. اتاپ ايتقاندا، ينۆەستيسيالار تارتۋ، ەكونوميكانىڭ نەگىزگى سالالارىن، جاپپاي كاسىپكەرلىكتى دامىتۋ، تەحنولوگيالىق قايتا جاراقتاندىرۋ جانە يندۋستريا 4.0 ەلەمەنتتەرىن ەنگىزۋ، سيفرلاندىرۋ، كادرلاردى دايارلاۋ جانە جاڭا جۇمىس ورىندارىن قۇرۋ، سونداي-اق ەكونوميكانى ودان ٴارى ٴارتاراپتاندىرۋ ٴتارىزدى سالالار قارالدى.

كەڭەستى اشا وتىرىپ، پرەمەر-مينيستر ب. ساعىنتايەۆ الەمنىڭ دامىعان وزىق 30 ەلىنىڭ قاتارىنا قوسىلۋ ٴۇشىن قازاقستان جىل سايىنعى ەكونوميكالىق ٴوسىمدى 5-6% دەڭگەيىندە قامتاماسىز ەتۋى ٴتيىس ەكەنىن اتاپ ٴوتتى.

«بۇگىندە التى ايدىڭ قورىتىندىسى بويىنشا ەل ەكونوميكاسى 4،1%-عا ٴوستى. 2017 جىل 4%-دىق ەكونوميكا وسىمىمەن اياقتالدى. بۇل جاعدايدا جارتى جىلدى 5،1% ەكونوميكالىق وسىممەن اياقتاپ وتىرعان اقتوبە وبلىسىنىڭ ۇلەسى ەلەۋلى»، — دەدى پرەمەر-مينيستر، وبلىس اكىمدىگىنىڭ مالىمەتتەرىنە سايكەس جىل سوڭىنا دەيىن كورسەتكىشتەر 5%-دان تومەن بولمايتىنىن ايتا وتىرىپ.

ب. ساعىنتايەۆ اتاپ وتكەندەي، اتالعان باعىتتا جۇمىستى جالعاستىرۋ ٴۇشىن ۇكىمەت ٴوز تاراپىنان بارلىق قاجەتتى شارالاردى جۇزەگە اسىرۋدا. وتكەن جىلى جاڭا ٴوسىم مودەلىن قالىپتاستىرۋ ٴۇشىن جوبالىق باسقارۋ ٴوفيسى اشىلعان ەدى. وفيس اياسىندا بارلىق وڭىرلەردە بارلىق ٴوسىم كورسەتكىشتەرى باقىلاۋعا الىنادى. ونىڭ نەگىزگى ماقساتى — كورسەتىلگەن مەجەگە جەتۋ، تۋىندايتىن كەدەرگىلەردى جويۋ، دۇرىس شەشىم قابىلداۋ. وسىعان بايلانىستى ەكونوميكانى دامىتۋدىڭ بارلىق ماڭىزدى باعىتتارى بويىنشا ۇكىمەتتىڭ جوبالار پورتفەلى قۇرىلدى. ٴاربىر جوبا بويىنشا ماقساتتى كورسەتكىشتەر مەن جاۋاپتى تۇلعالار بەلگىلەنگەن، ناقتى ناتيجەلەر مەن مەرزىمدەرى كورسەتىلگەن جوبالاردى ىسكە اسىرۋدىڭ ەگجەي-تەگجەيلى جوسپارلارى ازىرلەنگەن.

سونداي-اق، پرەمەر-مينيستر اڭگىمەلەسۋدىڭ باستى ماقساتى — وبلىستا جۇمىستىڭ قالاي ٴجۇرىپ جاتقانىن، ەكونوميكانىڭ ساپالى ٴارى تەڭگەرىمدى ٴوسىمى ٴۇشىن ونىڭ قۇرىلىمدىق ترانسفورماسياسىن قامتاماسىز ەتۋگە ٴوڭىردىڭ ىشكى قورلارىن انىقتاۋ جانە پايدالانۋ بويىنشا قانداي جوسپارلار بار ەكەنىن ٴتۇسىنۋ ەكەنىن اتاپ ٴوتتى.

ٴوز كەزەگىندە اقتوبە وبلىسىنىڭ اكىمى ب. ساپاربايەۆ ٴبىرىنشى جارتى جىلدىقتاعى ماقساتتى ينديكاتورلارعا قول جەتكىزۋ بويىنشا جۇرگىزىلگەن جۇمىستار مەن 2018 جىلدىڭ سوڭىنا دەيىنگى جوسپارلار تۋرالى باياندادى. اقتوبە وبلىسىنىڭ اكىمدىگى جوبالىق باسقارۋ اياسىندا 12 باعىت بويىنشا جۇيەلى جۇمىستار جۇرگىزۋدە: بازالىق يندۋستريالاندىرۋ، وتىن-ەنەرگەتيكالىق كەشەن، ينۆەستيسيالار تارتۋ، ٴونىمدى جۇمىسپەن قامتۋ، سونداي-اق اوك-تى، جاپپاي كاسىپكەرلىكتى، اقپاراتتىق-كوممۋنيكاسيالىق تەحنولوگيالاردى، كولىك جانە لوگيستيكانى، ٴتۋريزمدى دامىتۋ جانە ساۋدا، ٴبىلىم بەرۋ، دەنساۋلىق ساقتاۋ سالالارىن جاڭعىرتۋ.

اكىمنىڭ ايتۋىنشا، قابىلدانىپ جاتقان شارالاردىڭ ارقاسىندا، سونىڭ ىشىندە جوبالىق باسقارۋ اياسىندا وڭىرلىك ەكونوميكا ٴوسىمى ٴى جارتى جىلدىقتىڭ قورىتىندىسى بويىنشا شامامەن 5% قۇرادى، بارلىق الەۋمەتتىك-ەكونوميكالىق كورسەتكىشتەر بويىنشا ٴوسىم قامتاماسىز ەتىلگەن.

بازالىق يندۋستريا ينديكاتورلارىنا سايكەس: بيىل وبلىستا 1،4 مىڭ جۇمىس ورنىن قۇرۋمەن 76 ملرد تەڭگە ينۆەستيسيالار سوماسىنا 15 ينۆەستيسيالىق جوبا ىسكە اسىرىلادى. سونىمەن قاتار، 2018 جىلى 55 ملرد تەڭگە ينۆەستيسيالار سوماسىنا 35 كاسىپورىندى جاڭعىرتۋ جوسپارلانىپ وتىر.

وتىن-ەنەرگەتيكا كەشەنىنىڭ كورسەتكىشتەرىنە سايكەس، ٴمجا تەتىگىن قولدانۋمەن جالپى 4 ملرد تەڭگە سوماسىنا 14 اۋىل گازبەن قامتاماسىز ەتىلەدى. وسى جىلدىڭ سوڭىنا دەيىن 135 ۇڭعىمادا گەولوگيالىق بارلاۋ جۇمىستارى جۇرگىزىلەدى دەپ كوزدەلگەن، ولاردىڭ ٴ18-ى — جاڭا ۇڭعىمالار. سونداي-اق، بيىل قاراۋسىز ەلەكترمەن جابدىقتاۋ جەلىلەرى 100% جويىلادى.

اوك بويىنشا: 2018 جىلى 10،6 ملرد تەڭگە سوماسىنا 10 ينۆەستيسيالىق جوبانى ەنگىزىپ، 247 جۇمىس ورنىن اشۋ كوزدەلگەن. 2018 ج. سۋارمالى جەرلەردىڭ اۋدانى 30،5 مىڭ گەكتاردى قۇرايدى. ٴى جارتى جىلدىقتا اۋىل شارۋاشىلىعى ونىمدەرىنىڭ ەكسپورتى $10،5 قۇرادى، جىل سوڭىنا دەيىن ەكسپورت كولەمى $42 ملن قۇرايدى.

اكىم ب. ساپاربايەۆتىڭ ايتۋىنشا، وبلىستا كاسىپكەرلىكتى قولداۋ كارتاسى جاسالعان. بيزنەستى جۇرگىزۋدىڭ وڭايلىعىن ارتتىرۋ ٴۇشىن «كەدەرگىسىز بيزنەس» جوباسى جۇزەگە اسىرىلىپ جاتىر. اتالعان جوبا اياسىندا بيزنەستى تەكسەرۋدى وڭتايلاندىرۋ جانە رەتتەۋ، سونداي-اق مەملەكەت تاراپىنان بيزنەستى قولداۋ شارالارىن كۇشەيتۋ جۇمىستارى اتقارىلۋدا. بيىل 22 ملرد تەڭگە كولەمىندە قارجىلاي كومەك، 40 مىڭ ادام — قارجىلىق ەمەس قولداۋ كورسەتىلەدى.

«بيزنەس–باستاۋ» باعدارلاماسى اياسىندا وتكەن جىلدىڭ دەڭگەيىنەن ەكى ەسە كوپ ادامدى قامتي وتىرىپ، 2،2 مىڭ ادامدى وقىتۋدى جوسپاردا بار. سونداي-اق، "اۋىلقامقورلىق" جوباسى ىسكە اسىرىلۋدا، ونىڭ اياسىندا اۋىل تۇرعىندارى ٴۇشىن 500-دەن استام كاسىپكەر-تالىمگەر انىقتالدى. جوبالار اياسىندا جۇزەگە اسىرىلىپ جاتقان جۇمىستار جاپپاي كاسىپكەرلىكتى دامىتۋ ينديكاتورلارى بويىنشا 2018 جىلعا ارنالعان جوسپارلى كورسەتكىشتەرگە قول جەتكىزۋگە جول اشادى»، — دەدى اكىم.

بۇدان ٴارى وبلىستىڭ قورلارى تۋرالى بەيىندى مينيسترلىكتەردىڭ باسشىلارى ٴسوز سويلەدى.

وبلىستا جاپپاي كاسىپكەرلىكتى دامىتۋدىڭ ەكونوميكالىق مۇمكىندىكتەرى، ساۋدا سالاسىن جاڭعىرتۋ تۋرالى ۇلتتىق ەكونوميكا ٴمينيسترى ت. سۇلەيمەنوۆ ايتىپ بەردى. جالپى العاندا، ٴوڭىردىڭ وسى جىلدىڭ بەس ايىنداعى الەۋمەتتىك-ەكونوميكالىق دامۋ كورسەتكىشتەرى بويىنشا وڭ قارقىن بايقالدى. سونىمەن قاتار، وبلىستىڭ ونەركاسىپتىك نىسانداردى ودان ٴارى جاڭعىرتۋ، كولىك-لوگيستيكالىق ماسەلەلەردى شەشۋ، ٴونىم ەكسپورتىن دامىتۋ، اوك ٴارتاراپتاندىرۋ سالالارىنداعى الەۋەتى اتالىپ ٴوتتى.

Тимур Сулейменов

ەڭبەك جانە حالىقتى الەۋمەتتىك قورعاۋ ٴمينيسترى م. ٴابىلقاسىموۆا ەڭبەك رەسۋرستارىن كوشىرۋ بويىنشا اتقارىلىپ جاتقان جۇمىستار تۋرالى بايانداپ، شوب سەكتورىندا حالىقتىڭ جۇمىسپەن قامتىلۋ الەۋەتى تۋرالى مالىمدەدى. اقتوبە وبلىسىندا 2018 ج. ٴى توقسانىندا جۇمىس كۇشى 435 مىڭ ادامدى قۇرادى، ولاردىڭ ىشىندە 414 مىڭى جۇمىسقا ورنالاسقان.

م. ٴابىلقاسىموۆا حالىقتىڭ تابىسىن جانە جۇمىسپەن قامتىلۋىن ودان ٴارى ارتتىرۋ ٴۇشىن بيزنەستى دامىتۋدى ىنتالاندىرۋ قاجەت ەكەنىن مالىمدەدى. مينيستر مۇنداعى باستى قۇرال — ناتيجەلى جۇمىسپەن قامتۋدى جانە جاپپاي كəسىپكەرلىكتى دامىتۋ باعدارلاماسى دەپ اتاپ ٴوتتى. باعدارلامانى وبلىستا ىسكە اسىرۋ ٴۇشىن بيىل 7،3 ملرد تەڭگە ٴبولىنىپ، 18،9 مىڭ ادام — جوسپاردىڭ 58% باعدارلاما قاتىسۋشىسى بولدى. 16 مىڭ ادام جۇمىسپەن قامتىلدى، ونىڭ ىشىندە تۇراقتى جۇمىسقا 9،4 مىڭ ادام ورنالاستى.

Мадина Абылкасымова

ينۆەستيسيالار جانە دامۋ ٴمينيسترى ج. قاسىمبەك كولىك جانە لوگيستيكانى دامىتۋ، ينۆەستيسيالار تارتۋ تۋرالى ايتىپ بەردى. ٴمينيستردىڭ ايتۋىنشا، وسى جىلدىڭ بەس ايىنىڭ قورىتىندىسى بويىنشا نەگىزگى كاپيتالعا سالىنعان ينۆەستيسيالار كولەمى 13،2 ملرد تەڭگەنى قۇرادى. سونداي-اق، جوبالىق باسقارۋ اياسىندا 2018 جىلى «ينۆەستيسيالاردى تارتۋ» جوباسى بويىنشا 12 نىساندى پايدالانۋعا بەرۋ جوسپارلانىپ وتىر.

«ٴوڭىردىڭ ترانزيتتىك الەۋەتىن دامىتۋ ماقساتىندا بيىل «اقتوبە–اتىراۋ» رەسپۋبليكالىق ماڭىزى بار اۆتوكولىك جولىنىڭ 160–330 شاقىرىمدىق ۋچاسكەسىن رەكونسترۋكسيالاۋ جۇمىستارى باستالدى. سونداي-اق، ۇزىندىعى 102 شاقىرىم بولاتىن جەرگىلىكتى ماڭىزى بار جەتى جول جوباسى ىسكە اسىرىلۋدا، رەسپۋبليكالىق بيۋدجەتتەن 4،2 ملرد تەڭگە ترانسفەرت ٴبولىندى. بيىل جىلىنا 984 مىڭ توننا جۇك اينالىمىمەن 59،2 مىڭ م² اۋداندى قۇرايتىن كولىك-لوگيستيكا ورتالىعىنىڭ قۇرىلىسى جوباسى باستالدى. بۇدان وزگە، اقتوبە وبلىسىندا 1،7 ملرد تەڭگەگە 17 جول بويىنداعى سەرۆيس نىسانى سالىنادى»، — دەدى ج. قاسىمبەك.

دەنساۋلىق ساقتاۋ ٴمينيسترى ە. ٴبىرتانوۆ ٴوز كەزەگىندە وڭىردە جەكە مەديسينا سەكتورى بەلسەندى دامىپ جاتقانىن ايتتى. بۇگىنگى تاڭدا وبلىستا دەنساۋلىق ساقتاۋ جۇيەسىندە 29 اۋرۋحانا مەن 126 امبۋلاتورلىق-ەمحانالىق ۇيىمى مەديسينالىق كومەك كورسەتەدى. العاشقى بەس ايدا دەنساۋلىق ساقتاۋ سالاسىنىڭ نەگىزگى كاپيتالىنا سالىنعان ينۆەستيسيالار شامامەن 2،4 ملرد تەڭگەنى قۇرادى. وسى جىلدىڭ i توقسانىندا كورسەتىلگەن قىزمەتتەردىڭ كولەمى 9،7 ملرد تەڭگەنى قۇرادى. قازىرگى تاڭدا دەنساۋلىق ساقتاۋ سالاسىندا جالپى قۇنى 12 ملرد تەڭگە بولاتىن 24 جوبا جۇزەگە اسىرىلىپ جاتىر.

Е. Биртанов

ەنەرگەتيكا ۆيسە-مينيسترى م. مىرزاعاليەۆ ٴوڭىردىڭ مۇناي ونەركاسىبى كەشەنىن دامىتۋ جوسپارلارى مەن مىندەتتەرى تۋرالى باياندادى. اقتوبە وبلىسى — ەلىمىزدىڭ ٴۇشىنشى مۇناي-گاز ٴوندىرۋشى ايماعى. وبلىستىڭ مۇناي جانە گاز ٴوندىرۋ كولەمىنە قوسقان ۇلەسى شامامەن 9% قۇرايدى. جىل باسىنان بەرى دامۋدىڭ نەگىزگى كورسەتكىشتەرى وڭ قارقىن كورسەتتى.

«وبلىستا مۇناي مەن گاز ٴوندىرۋ سالاسىندا 30 جەر قويناۋىن پايدالانۋشى جۇمىس ىستەيدى. بىرنەشە جىل قاتارىنان وڭىردەگى مۇناي ٴوندىرۋ كولەمى تۇراقتى دەڭگەيدە ساقتالىپ وتىر. 2018–2019 جىلدارى 6،2 ملن توننادان، 2020 جىلى – 6،4 ملن توننا، ال 2025 جىلعا قاراي شامامەن 7 ملن ت ٴوندىرۋ جوسپاردا بار»، — دەدى ۆيسە-مينيستر م. مىرزاعاليەۆ.

سونداي-اق، ەنەرگەتيكا ۆيسە-مينيسترى سيفرلاندىرۋ جانە تەحنولوگيالىق جاڭعىرتۋ تۋرالى اقپارات بەردى. ونىڭ ايتۋىنشا، ٴقازىردىڭ وزىندە «زياتكەرلىك كەن ورنى» جۇيەسىن ەنگىزۋدىڭ تابىستى پيلوتتىق جوبالارى بار، بۇل مۇناي ٴوندىرۋ كولەمىن ۇلعايتىپ، شىعىنداردى ازايتىپ، ونىمدىلىكتى ارتتىرۋعا جول اشادى.

«مينيسترلىك جەر قويناۋىن پايدالانۋشىلاردىڭ ٴوز وندىرىستەرىن سيفرلاندىرۋعا، وزىق تەحنولوگيالاردى قولدانۋعا باعىتتالعان باستامالارىن قولداۋعا نيەتتى جانە بارلىق قاجەتتى اقپاراتتى ۇسىنۋعا دايىن. وسىلايشا، مۇناي ٴوندىرۋ سەكتورىنىڭ الەۋەتى اقتوبە وبلىسىن دامىتۋ جولىندا ۇلكەن مۇمكىندىككە يە»، — دەدى م. مىرزاعاليەۆ.

بۇدان وزگە، كەڭەس بارىسىندا بەينەكونفەرەنسيا بايلانىسى بويىنشا بىرنەشە مينيسترلىكتىڭ وكىلى ٴسوز سويلەدى.

اۋىل شارۋاشىلىعىنىڭ ٴبىرىنشى ۆيسە-مينيسترى ا. ەۆنيەۆ وسى جىلدىڭ ٴى توقسانىندا اقتوبە وبلىسىنىڭ اۋىل شارۋاشىلىعى ونىمدەرى مەن اۋىل شارۋاشىلىعى شيكىزاتىن قايتا وڭدەۋ ونىمدەرىنىڭ ەكسپورتى $10،48 ملن قۇراعانىن (نەمەسە جالپى ەكسپورت كولەمىنىڭ 1،47%)، بۇل وتكەن جىلدىڭ ٴى توقسانىنا ($ 8،67 ملن) قاراعاندا 20،8% ارتىق ەكەنىن جەتكىزدى.

«قاڭتار-مامىر ايلارىندا اۋىل شارۋاشىلىعى، ورمان جانە بالىق شارۋاشىلىعىنىڭ نەگىزگى كاپيتالىنا سالىنعان ينۆەستيسيالار 2017 جىلدىڭ سايكەس كەزەڭىمەن سالىستىرعاندا 374،6%-عا ارتىپ، 4،8 ملرد تەڭگەنى قۇرادى. قاڭتار-مامىر ايلارىندا ازىق-تۇلىك ونىمدەرى ٴوندىرىسىنىڭ نەگىزگى كاپيتالىنا سالىنعان ينۆەستيسيالار وتكەن جىلدىڭ سايكەس مەرزىمىمەن سالىستىرعاندا 196،9%-عا ٴوسىپ، 1،3 ملرد تگ قۇرادى»، — دەدى ا. ەۆنيەۆ.

مادەنيەت جانە سپورت ۆيسە-مينيسترى ەرلان قوجاعاپانوۆ اقتوبە وبلىسىندا ٴتۋريزمنىڭ دامۋ بارىسى تۋرالى باياندادى. وڭىردە بيىل 390 جۇمىس ورنىن قۇرۋمەن 32 جوبا ىسكە اسىرىلىپ جاتىر. اتالعان سالاداعى كورسەتكىشتەردى ودان ٴارى جاقسارتۋ ٴۇشىن مينيسترلىك «باتىس ەۋروپا — باتىس قىتاي» ماگيسترالى بويىندا ينفراقۇرىلىمدى دامىتۋدى ۇسىنادى. سونىمەن قاتار وڭىردە اقپاراتتىق-تۋريستىك ورتالىقتاردى اشۋ پرەسپەكتيۆالارى اتاپ ٴوتىلدى.

ەكونوميكانى سيفرلاندىرۋ جانە وبلىستىڭ وسى باعىتتاعى ودان ارعى مىندەتتەرى تۋرالى اقپارات جانە كوممۋنيكاسيالار ۆيسە-مينيسترى د. ششەگلوۆا باياندادى. ونىڭ ايتۋىنشا، جوبالىق باسقارۋ اياسىندا وڭىردە ٴبىلىم بەرۋ جانە الەۋمەتتىك نىسانداردى كەڭ جولاقتى ينتەرنەتپەن قامتاماسىز ەتۋ بويىنشا كەزەڭ-كەزەڭمەن جۇمىستار جۇرگىزىلىپ جاتىر.

«اقتوبە وبلىسىندا جوبانى ىسكە اسىرۋدىڭ ٴى كەزەڭى اياسىندا ينتەرنەتتى قولجەتىمدى ەتۋ ٴۇشىن 82 اۋىل تاڭدالدى. قالعان اۋىلدىق ەلدى مەكەندەردى ىسكە اسىرۋدىڭ ٴىى كەزەڭى اياسىندا، 2020 ج. سوڭ قامتۋ جوسپارلانىپ وتىر، مۇندا كولىك بايلانىس جەلىلەرىن سالۋدىڭ گيبريدتى ٴتاسىلىن پايدالانۋ قاراستىرىلعان (lte، سپۋتنيك)»، — دەدى ۆيسە-مينيستر، ول ٴى جارتى جىلدىقتا اقتوبە وبلىسىندا سيفرلىق ساۋاتتىلىقتىڭ نەگىزگى داعدىلارى بويىنشا جوسپارداعى 32 مىڭ ادامنىڭ 17 مىڭى وقىتىلعانىن ايتتى.

ٴبىلىم جانە عىلىم ۆيسە-مينيسترى ب. اسىلوۆا ٴوز بايانداماسىندا وبلىستا ٴبىلىم سالاسىندا 16 ملرد تەڭگە سوماسىنا 58 جوبا ىسكە اسىرىلىپ جاتقانىن جەتكىزدى. بيىل 21 مەكتەپكە دەيىنگى ٴبىلىم بەرۋ ۇيىمىن اشۋ كوزدەلىپ وتىر، 2020 ج. قاراي بالالاردى قامتۋ كورسەتكىشى 100% جەتەدى. 2018 ج. ٴى توقساندا كورسەتىلگەن ٴبىلىم بەرۋ قىزمەتتەرىنىڭ كولەمى 6% ارتىپ، 19،3 ملرد بولدى. سونىمەن قاتار، وبلىس اكىمدىگى بالالاردى ينتەللەكتۋالدى، رۋحاني، ادامگەرشىلىككە، شىعارماشىلىققا تاربيەلەۋ جانە دامىتۋ بويىنشا شارالار جۇرگىزىپ جاتىر.

كەزدەسۋ بارىسىندا سونىمەن قاتار ۇلتتىق بيزنەس پەن شەتەل ينۆەستورلارىنىڭ وكىلدەرى ٴسوز سويلەدى. «اتامەكەن» ۇكپ باسقارما ٴتوراعاسى ا. مىرزاحمەتوۆ جاپپاي كاسىپكەرلىكتى دامىتۋدىڭ جانە بيزنەستىڭ وڭىردەگى جوبالىق باسقارۋعا قاتىسۋىنىڭ وزەكتى ماسەلەلەرىن قوزعادى. ول جىو-گە شوب ۇلەسى 18،3% قۇراعانىن اتاپ ٴوتتى. سونىمەن قاتار، شيكىزاتتىق ەمەس سالا كورسەتكىشتەرىنىڭ 12% ارتۋىن ەسكەرۋمەن، وڭدەۋ ونەركاسىبى سالاسىنداعى بيزنەستى ىرىلەندىرۋ ماسەلەسىن پىسىقتاۋ كوزدەلىپ وتىر. بۇگىنگى تاڭدا بۇل سالالاردا 52 مىڭعا جۋىق شوب وكىلدەرى جۇمىس ىستەيدى.

«قازاقستاندىق شەتەلدىك ينۆەستورلار كەڭەسى» قاۋىمداستىعىنىڭ ٴتوراعاسى» اگريس پرەيمانيس ٴوز كەزەگىندە وڭىردەگى ينۆەستيسيالىق قىزمەتتەر تۋرالى ايتىپ بەردى. قازىرگى كەزدە شەتەلدىك ينۆەستورلار كەڭەسىنىڭ 10 استام مۇشەسى اقتوبە وبلىسىندا جۇمىس ىستەپ جاتىر. ا. پرەيمانيس ٴوڭىردىڭ جوعارى ينۆەستيسيالىق الەۋەتىن، قولايلى لوگيستيكاسىن، شوب دامۋىن اتاپ ٴوتتى، بۇل ينۆەستورلاردى تارتۋ ٴۇشىن قىزىقتى.

«كەن ٴوندىرىسى سەكتورىنىڭ دامۋىن اتاي كەتكىم كەلەدى، ول شەتەلدىك ينۆەستورلار ٴۇشىن جىلدان-جىلعا تارتىمدى بولىپ كەلەدى. سونىمەن قاتار كولىك-لوگيستيكالىق دالىزدەر دە تارتىمدى: ٴوڭىر حالىقارالىق تاسىمالدار ٴۇشىن قولايلى جەردە ورنالاسقان جانە بۇل وبلىس ٴۇشىن جاڭا مۇمكىندىكتەر اشادى»، — دەدى ا. پرەيمانيس.

وبلىستاعى جوبالىق باسقارۋدىڭ اتقارعان جۇمىسىنىڭ قازىرگى جاي-كۇيىن قاراستىرۋ بارىسىندا پرەمەر-مينيستردىڭ ورىنباسارى ە. دوسايەۆ وڭىردە ٴۇش اي ىشىندە ۇلكەن وزگەرىستەر ورىن العانىن ايتتى. اۋىل شارۋاشىلىعى ونىمدەرىن ٴوندىرۋ مەن قايتا وڭدەۋ سالاسىندا زور الەۋەت بار. ە. دوسايەۆ الداعى ٴۇش اي ىشىندە ۇكىمەتتىڭ جاڭا ينفراقۇرىلىمدىق جوبالار بويىنشا بىرلەسىپ جۇمىس ىستەۋگە ٴازىر ەكەنىنە سەندىردى. سونىمەن قاتار ول اقتوبەنىڭ رەسپۋبليكانىڭ ٴتورتىنشى مەگاپوليسى اتانۋعا ۇمىتكەر ەكەنىن ٴمالىم ەتتى.

«مۇندا كەنتتەنۋ جوعارى قارقىنمەن ٴجۇرىپ جاتىر. ەگەر ستاتيستيكاعا سەنسەك، وبلىستاعى جوو تۇلەكتەرىنىڭ 80% گۋمانيتارلىق ماماندىقتاردى بىتىرەدى. سوندىقتان ٴبىز جوبالىق كەڭسەمەن بىرلەسىپ الدىمىزعا مىناداي ماقسات قويدىق – اسىرەسە، كوللەدجدەردە تەحنيكالىق ماماندىقتاردى دامىتۋ كەرەك»، — دەدى ە. دوسايەۆ.

تالقىلاۋ فورماتىندا وڭىرلىك بيزنەس قاۋىمى اتىنان اوك دامىتۋ ماسەلەلەرى بويىنشا «اكتەپ» جشس ديرەكتورى ن. ساگنالين ٴسوز سويلەدى. پرەمەر-مينيستر ٴقازىر فەرمەرلەردى قولداۋ ماقساتىندا اوك دامىتۋدىڭ مەملەكەتتىك باعدارلاماسى وزەكتىلەندىرىلگەنىن اتاپ ٴوتتى، «بەس الەۋمەتتىك باستاما» ىسكە اسىرىلىپ جاتىر، اتاپ ايتقاندا، اۋىلداردا شاعىن نەسيە بەرۋ كوبەيتىلۋدە. ۇكىمەت ەكسپورتقا باعدارلانعان اۋىل شارۋاشىلىعى وندىرۋشىلەرىن قولداۋدىڭ بارلىق شارالارىن قابىلداپ جاتىر.

كەزدەسۋ سوڭىندا باقىتجان ساعىنتايەۆ ٴوڭىردىڭ دە، جالپى ەلىمىزدىڭ دە ەكونوميكاسىن ٴارتاراپتاندىرۋدىڭ جانە جاڭا ەكونوميكا ٴۇشىن جاڭا كادرلار دايارلاۋدىڭ ماڭىزدىلىعىن باسا ايتتى. قازاقستاندا ادام كاپيتالىنىڭ ساپاسىن ارتتىرۋدىڭ ٴبىلىم بەرۋ جۇيەسىن جاڭعىرتۋ مەن ودان كەيىن جۇمىسقا ورنالاستىرۋدى قامتاماسىز ەتۋ، كاسىپكەرلەرگە ارنالعان ارنايى كۋرستاردان باستاپ، دەنساۋلىق ساقتاۋ ينفراقۇرىلىمىن دامىتۋ جانە حالىقتىڭ باسپانا جاعدايلارىن جاقسارتۋعا دەيىن بۇكىل تىزبەگىن دامىتۋ بويىنشا جۇيەلى شارالار قولعا الىنعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي