BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

ساعىنتايەۆ worldskills kazakhstan چەمپيوناتىن تاماشالادى

فوتو: Бауыржан Жуасбаев

استانا، baq.kz ٴتىلشىسى. بۇگىن قر پرەمەر-مينيسترى باقىتجان ساعىنتايەۆ ٴبىلىم جانە عىلىم مينيسترلىگى «كاسىپقور» حولدينگىمەن بىرلەسە ۇيىمداستىرعان worldskills kazakhstan iv چەمپيوناتىن تاماشالادى.

بۇل شارا 3 جەلتوقسان كۇنى باستاۋ الدى. شاراعا پرەمەر-مينيسترمەن بىرگە قر پارلامەنت سەناتى جانە ٴماجىلىس دەپۋتاتتارى، مەملەكەتتىك ورگانداردىڭ وكىلدەرى، كاسىپورىنداردىڭ وكىلدەرى، جۇمىس بەرۋشى كومپانيالار قاتىستى. استانادا ٴوتىپ جاتقان worldskills kazakhstan iv چەمپيوناتىنا ەلىمىزدىڭ بارلىق وڭىرلەرىنەن كەلگەن 30 ماماندىق بويىنشا 350-گە جۋىق ۇمىتكەر كاسىبي تۇرعىدا ٴوز باقتارىن سىناپ جاتىر. بايقاۋ قاتىسۋشىلارى – كوللەدج جانە جوو ستۋدەنتتەرى.

worldskills – جۇمىسشى كاسىبىنىڭ مارتەبەسىن ارتتىرىپ قانا قويماي، كاسىبيلىكتى ناسيحاتتاۋدى ماقسات ەتەتىن كوممەرسيالىق ەمەس قوزعالىس. worldskills kazakhstan جاستار اراسىندا ۇلكەن بەدەلگە يە. بۇگىندە تەحنيكالىق جانە كاسىبي ٴبىلىم بەرۋ ساپاسىن ارتتىرۋ مينيسترلىكتىڭ العا قويىپ وتىرعان باستى ماقساتتارىنىڭ ٴبىرى.

ٴتورت كۇنگە سوزىلعان چەمپيونات «كىرپىش قالاۋ»، «بوياۋ جانە ارلەۋ جۇمىستارى»، «كونديتەرلىك شەبەرلىك»، «ەلەكترونيكا»، «قوناق ٴۇي اكىمشىسى»، «سبب ستانوكتارىنداعى جونۋشى»، «ۆەب-ديزاين»، «گرافيكالىق ديزاين»، «ديزەل قوزعالتقىشتاردى جوندەۋ جانە قىزمەت كورسەتۋ»، «جەلىلىك جانە جۇيەلىك اكىمشى»، «اۋىل شارۋاشىلىعى ماشينالارى مەن تراكتورلارىنىڭ سلەسار-جوندەۋشىسى»، «مەحاترونيكا»، «ەلەكترومونتاج جۇمىستارى»، «ۆيزۋال مەرچاندايزينگ جانە ۆيترينيستيكا»، «جەڭىل كولىكتەردى جوندەۋ جانە قىزمەت كورسەتۋ»، «سانتەحنيكا مەن جىلۋ بەرۋ»، «مەيرامحانا قىزمەتى»، «cad ينجەنەرلىك گرافيكاسى»، «كولىك سىرتىن جوندەۋ»، «ٴموبيلدى روبوتوتەحنيكا»، «شاشتاراز»، «ٴسان تەحنولوگياسى»، «بيداي مەن بيداي ونىمدەرى ساپاسىن انىقتاۋ»، «دانەكەرلەۋشى»، «تاقتا قاپتاۋ»، «قۇرعاق قۇرىلىس جانە سىلاق»، «اسپاز»، «ناۋباي»، «سالقىنداتقىش جانە جەلدەتكىش قۇرالدارى»، «بيزنەستىڭ ٴىت شەشىمدەرى» بىلىكتىلىكتەرى بويىنشا ٴوتىپ جاتىر.

ايتا كەتسەك، بىلتىر قازاقستاندىق جاس شەبەرلەر worldskills-2017 بايقاۋىنا قاتىسۋ ٴۇشىن ابۋ-دابيگە بارعان ەدى. بيىل كۇزدە قازاقستان قۇراماسى بۋداپەشتتە وتكەن euroskills 2018 چەمپيوناتىندا 10-ورىن الدى.

فوتو/ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي