BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ساعىنتايەۆ وسكەمەندە ٴبىلىم بەرۋ جۇيەسىنىڭ ساپاسىمەن تانىستى

فوتو: primeminister.kz

قر پرەمەر-مينيسترى باقىتجان ساعىنتايەۆ شىعىس قازاقستان وبلىسىنا جۇمىس ساپارى اياسىندا وسكەمەندەگى № 46 جالپى ٴبىلىم بەرەتىن ورتا مەكتەپتىڭ مىسالىندا ٴبىلىم بەرۋ قىزمەتتەرىن ۇسىنۋ ساپاسىمەن، سونداي-اق، پرەزيدەنت جولداۋىندا العا قويىلعان ٴبىلىم بەرۋ ساپاسىن ارتتىرۋ جوسپارلارىمەن تانىستى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

باقىتجان ساعىنتايەۆ ارنايى تەحنيكامەن جابدىقتالعان فيزيكا، بيولوگيا جانە حيميا كابينەتتەرىن ارالاپ، اt-سىنىپتارىندا روبوتتى تەحنيكا جانە تەحنيكالىق جۇيەلەردى اۆتوماتتاندىرۋ بويىنشا وقۋشىلاردىڭ ازىرلەمەلەرىمەن تانىستى.

«جاڭا موديفيكاسياداعى سىنىپتار ينتەراكتيۆتى سەنسورلىق تاقتامەن، ميكروسكوپتارمەن، حيميالىق تاجىريبەلەرگە، بيولوگيا جۇمىستارىنا ارنالعان ارنايى جابدىقتارمەن جاراقتاندىرىلعان. فيزيكا سىنىبىنا دا كومپيۋتەرلىك ولشەۋ قۇرىلعىلارى، ەلەكتروستاتيكا، راديوتەحنيكا، مۋلتيمەديالىق نۇسقاۋلىقتار ورناتىلعان. اt-سىنىبىندا قاجەتتى كومپيۋتەرلىك تەحنيكادان باسقا، robotis mini گۋمانويدتى روبوتى، روبوتتار جارىستارىنا ارنالعان الاڭ، «اقىلدى جىلىجاي» (smart agriculture) arduino ٴبىلىم بەرۋ جيناعى، 3d printer tarantula جانە باسقا جابدىقتار بار. ٴبىلىم بەرۋ پروسەسىندە تەحنولوگيالاردى قولدانۋ سيفرلىق ەكونوميكاعا بىلىكتى كادرلاردى دايارلاۋعا مۇمكىندىك بەرەدى»، - دەدى № 46 ورتا مەكتەپتىڭ ديرەكتورى گ. اۋعانبايەۆا.

شىعىس قازاقستان وبلىسى اكىمدىگىنىڭ دەرەكتەرىنە سايكەس، بۇگىندە «نازاربايەۆ زياتكەرلىك مەكتەبىنىڭ» ستاندارتتارىنا سايكەس 277 ورتا مەكتەپتى جاڭا موديفيكاسيالاۋ جانە روبوتتى تەحنيكا سىنىپتارىمەن جابدىقتاۋ جۇمىستارى جۇرگىزىلىپ جاتىر. 1 قىركۇيەكتەن باستاپ 277 جالپى ٴبىلىم بەرۋ مەكتەبىندە تۇگەلدەي اt-سىنىپتارى اشىلدى.

«مەكتەپتەردە كەدەرگىسىز ينتەرنەتكە كىرۋگە مۇمكىندىك بار، بارلىق مەكتەپتەر «كۇندەلىك» ەلەكتروندى جۋرنالى مەن كۇندەلىكتەر جۇيەسىنە قوسىلعان. وبلىستا بارلىعى 187 245 بالا ٴبىلىم الاتىن 691 ورتا مەكتەپ جۇمىس ىستەيدى. 70% مەكتەپ سىنىپتارى كومپيۋتەرلىك جانە مۋلتيمەديالىق جابدىقتارمەن قامتىلعان»، - دەدى وبلىس اكىمىنىڭ ورىنباسارى ا. ٴنۇسىپوۆا.

ەلباسى بەس جىل ىشىندە ٴبىلىم، عىلىم، دەنساۋلىق ساقتاۋ سالالارىنا بارلىق كوزدەردەن جۇمسالاتىن قاراجاتتى جالپى ىشكى ٴونىمنىڭ 7،4%-دان 10%-عا دەيىن جەتكىزۋ تۋرالى مىندەت قويعان بولاتىن. ٴۇش جىلدىق بيۋدجەت اياسىندا بىلىمگە جۇمسالاتىن شىعىنداردى بيىل 456،3 ملرد تەڭگەدەن 2021 جىلى 752،1 ملرد تەڭگەگە دەيىن نەمەسە 65%-عا ارتتىرۋ كوزدەلگەن.

بيىل شىعىس قازاقستان وبلىسىنىڭ دەنساۋلىق ساقتاۋ جۇيەسىن قارجىلاندىرۋعا 16،5 ملرد تەڭگە قاراستىرىلعان. دەنساۋلىق ساقتاۋ نىساندارىن دامىتۋعا 9،4 ملرد تەڭگە (سونىڭ ىشىندە رب-تەن — 1،2 ملرد تگ)، ماتەريالدىق-تەحنيكالىق بازانى نىعايتۋعا — 3،6 ملرد تگ، كۇردەلى جوندەۋ جۇمىستارىنا — 0،3 ملرد تگ قاراستىرىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي