BAQ.kz - Қазақстан жаңалықтары USD 367.3 BAQ.kz - Қазақстан жаңалықтары EUR 419.68 BAQ.kz - Қазақстан жаңалықтары RUB 5.58
استانا:

ساعىنتايەۆ وڭىرلەردى دامىتۋ ماسەلەلەرى جونىندە كەڭەس وتكىزدى

استانا، baq.kz. ۇكىمەت ۇيىندە قر پرەمەر-مينيسترى باقىتجان ساعىنتايەۆ قازاقستاننىڭ ٴۇشىنشى جاڭعىرۋىن جوبالىق باسقارۋ اياسىندا وسىعان دەيىن اتقارىلعان جۇمىستار جونىندەگى سەلەكتورلىق كەڭەستەر سيكلىن جالعاستىردى. بۇل تۋرالى primeminister.kz سايتى جازدى.

كەڭەس بارىسىندا الماتى، اتىراۋ، قاراعاندى جانە قىزىلوردا وبلىستارى اكىمدىكتەرىنىڭ جۇمىسى بويىنشا توعىز ايداعى الدىن الا ەسەپتەر جانە 2018 جىلدىڭ سوڭىنا دەيىنگى جوسپارلار تالقىلاندى.

وبلىس اكىمدەرى ا. باتالوۆ، ن. نوعايەۆ، ە. قوشانوۆ جانە ق. كوشەربايەۆ سەلەكتورلىق رەجيمدە بازالىق يندۋستريالاندىرۋ، اوك، وەك، كولىك جانە لوگيستيكانى، ساۋدا، دەنساۋلىق ساقتاۋ، ٴبىلىم بەرۋ، تۋريزم سەكتورلارىن دامىتۋ، ەكونوميكا سالالارىن سيفرلاندىرۋ جانە اكت، جاپپاي كاسىپكەرلىكتى جانە ٴونىمدى جۇمىسپەن قامتۋدى جەتىلدىرۋ باعىتتارى بويىنشا ماقساتتى ينديكاتورلارعا قول جەتكىزۋگە جاسالعان تالداۋلارعا سايكەس بايانداما جاسادى.

سونداي-اق، كەڭەس بارىسىندا پرەمەر-مينيستردىڭ ورىنباسارى ە. دوسايەۆ، ٴبىلىم جانە عىلىم ٴمينيسترى ە. ساعاديەۆ، ۇلتتىق ەكونوميكا ٴبىرىنشى ۆيسە-مينيسترى ر. دالەنوۆ، ەنەرگەتيكا ٴبىرىنشى ۆيسە-مينيسترى م. دوسمۇحامبەتوۆ، دەنساۋلىق ساقتاۋ ۆيسە-مينيسترى ل. اقتايەۆا، اۋىل شارۋاشىلىعى ۆيسە-مينيسترى ب. بەيسەنعاليەۆ، ەڭبەك جانە حالىقتى الەۋمەتتىك قورعاۋ ۆيسە-مينيسترى ن. مۇقىشەۆ، ينۆەستيسيالار جانە دامۋ ۆيسە-مينيسترى ت. توقتابايەۆ تۇسىنىكتەمە بەرىپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي