BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ساعىنتايەۆ نىسانداردىڭ ەكونوميكالىق تيىمدىلىگىن ەسەپتەۋدى تاپسىردى

فوتو: primeminister.kz

تاراز، baq.kz ٴتىلشىسى. قر پرەمەر-مينيسترى باقىتجان ساعىنتايەۆ جۇمىس ساپارى بارىسىندا تاراز قالاسىنداعى ٴىت ليسەي-ينتەرناتىنىڭ جۇمىسىمەن تانىستى.

بۇل ٴبىلىم وشاعى ەلباسىنىڭ تىكەلەي تاپسىرماسىمەن قابىلدانعان «سيفرلىق قازاقستان» باعدارلاماسىنىڭ شەڭبەرىندە ىسكە قوسىلدى. ليسەي بارلىق زاماناۋي قۇرىلعىلار جانە وزىق تەحنولوگيالارمەن قامتىلعان.

تاراز قالاسىنىڭ جاڭا 14-شاعىن اۋدانىندا ورنالاسقان ليسەي ازىرگە 120 ورىندى بولىپ اشىلعانىمەن، 2019-2020 جىلدارى قۇرىلىس جۇمىستارى جۇرگىزىلىپ، 300 ورىنعا كەڭەيتىلەدى دەپ جوسپارلانۋدا. ٴبىلىم ورداسى 1،7 گەكتار جەر اۋماعىن الىپ وتىر.

ليسەيدىڭ جالپى جۇمىسى بويىنشا بايانداعان ماماندار "سيفرلىق قازاقستان" باعدارلاماسى اياسىندا ىسكە اسىرىلعان نىساننىڭ ەكونوميكالىق تيىمدىلىك اسەرى جونىندە قويىلعان پرەمەر ساۋالىنا ماردىمدى جاۋاپ بەرە المادى.

"ەسەپتەۋ كەرەك. مىندەت ەتىپ قويۋ كەرەك. جالپى، ٴبىز سيفرلاندىرۋ تۋرالى ٴسوز قوزعاعان كەزدە ەكونوميكالىق قانداي اسەر بولىپ وتىرعانىن انىقتاۋعا ادەتتەنۋ كەرەكپىز. سەبەبى، شىعىنداردى ازايتىپ وتىرمىز. سوندا جامبىل وبلىسىندا مىنانى جۇزەگە اسىرۋ ناتيجەسىندە مىنانداي شىعىندار ازايدى دەپ ايتا الاسىزدار"، - دەدى باقىتجان ساعىنتايەۆ.

ۇكىمەت باسشىسى "سيفرلىق قازاقستان" باعدارلاماسىندا اتالعان باعدارلاما اياسىندا ەكونوميكالىق تيىمدىلىك اسەرى 2 ترلن تەڭگە بولاتىنىن كورسەتىلگەنىن ەسكە سالدى.

ايتا كەتۋ كەرەك، ٴبىلىم وشاعى وقۋشىلارعا it تەحنولوگيالار اياسىندا قازاقشا، ورىسشا جانە اعىلشىن تىلدەرىندە ٴبىلىم بەرمەك. وقۋ نىسانىندا 6 كومپلەكت سىنىپتارى قامتىلعان. ليسەي كەشەنى 12 وقۋ كابينەتى، 2 كومپيۋتەر كابينەتى جانە كىتاپحانا، لمك، مەديسينالىق كابينەت، stem-زەرتحانا، روبوتوتەحنيكا، web-باعدارلامالار كابينەتتەرىمەن جابدىقتالعان. سونداي-اق، سپورت زالى، ٴماجىلىس زالى مەن اسحاناسى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي