BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ساعىنتايەۆ ەكونوميكا جونىندەگى ساراپشىلىق كەڭەس وتىرىسىن وتكىزدى

بۇگىن ۇكىمەت ۇيىندە قر پرەمەر-مينيسترى باقىتجان ساعىنتايەۆتىڭ قاتىسۋىمەن ەكونوميكا جونىندەگى ساراپشىلىق كەڭەستىڭ كەزەكتى وتىرىسى ٴوتتى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

وتىرىس بارىسىندا مەملەكەت باسشىسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى حالىققا جولداۋىندا قويعان مىندەتتەرىن ەسكەرە وتىرىپ، 2020–2024 جىلدارعا ارنالعان يندۋستريالدى-يننوۆاسيالىق دامۋدىڭ جاڭا تۇجىرىمداماسىن əزىرلەۋ مəسەلەسى تالقىلاندى. ەكسپورتقا باعىتتالعان يندۋستريالاندىرۋ ەكونوميكالىق ساياساتتىڭ باستى ەلەمەنتى رەتىندە ايقىندالىپ وتىر، اسىرەسە وڭدەۋشى سەكتور ەكسپورتتاۋشىلارىنا بارىنشا قولداۋ كورسەتىلۋ كەرەك.

«استانا» حالىقارالىق عىلىمي كەشەنى» باسشىسى ا. بورانبايەۆ وسى سالاداعى ەكونوميكانى دامىتۋدىڭ جاڭا تاسىلدەرىنىڭ جوباسىمەن تانىستىردى. قالىپتاسقان جاعدايدى تالداعان ساراپشىلار تالداۋى وندىرۋشىلەردى جۇيەلى قولداۋ كەلىسىلگەن ٴارى ينتەگراسيالانعان بولۋى ٴتيىس ەكەنىن كورسەتتى.

جوبا تالقىلانعان جيىندا ينۆەستيسيالار جانە دامۋ ٴمينيسترى ج. قاسىمبەك، «قازاق مۇناي جانە گاز ينستيتۋتى» اق-نىڭ باس ديرەكتورىنىڭ كەڭەسشىسى ج.كۇلەكەەۆ، «اتامەكەن» ۇكپ باسقارما ٴتوراعاسى ا. مىرزاحمەتوۆ، «راكۋرس» ەكونوميكالىق تالداۋ ورتالىعى» قوعامدىق قورىنىڭ ديرەكتورى و. جاندوسوۆ، «oil gas project» جشس ديرەكتورى ج. احمەتوۆ، «الەۋمەتتىك ماسەلەلەردى تالداۋ ورتالىعى» قوعامدىق قورىنىڭ ديرەكتورى م. ماحمۇتوۆا جانە باسقالار پىكىرلەرىمەن ٴبولىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي