BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ساعىنتايەۆ ەكىباستۇزداعى ماينينگتىك كومپانيا جۇمىسىمەن تانىستى

فوتو: primeminister.kz

پرەمەر-مينيستر باقىتجان ساعىنتايەۆ پاۆلودار وبلىسىنا ٴىسساپارى كەزىندە اشىلعانىنا كوپ بولماعان ماينينگتىك قىزمەت كورسەتەتىن «بنكا ەنەردجي» جشس-نىڭ تەحنيكالىق مۇمكىندىگىن باعالاپ، بولاشاق دامۋ جوسپارىمەن تانىسىپ قايتتى، دەپ حابارلايدى ۆaq.kz اقپارات اگەنتتىگى.

ماينينگتىك جاشىكتەر مەن باسقارۋ بەكەتىندەگى ەلەكترلىك ەسەپتەۋىشتەردىڭ جۇمىسىن باعالاعان پرەمەر-مينيسترگە «بنكا ەنەردجي» جشس تەحنيكالىق ديرەكتورى ج. الدەبەرگەنوۆ داتا-ورتالىقتىڭ بار مۇمكىندىگىن كورسەتىپ، اتقارىلىپ جاتقان جۇمىس پەن العا قويعان ماقسات تۋرالى بايانداپ بەردى. جوبا بىرنەشە كەزەڭمەن جۇزەگە اسىرىلىپ جاتىر. العاشقىسى 6 تامىزدا جۇمىسىن باستاعان، ٴقازىر كومپانيا 4 مۆت ەلەكتر ەنەرگياسىن تۇتىنادى.

جوسپار بويىنشا 20 قىركۇيەكتە قوسىلاتىن كەلەسى كومپانيادا بۇل كورسەتكىش 11 مۆت دەيىن ارتپاق. ودان كەيىنگى بەلەس 10 قاراشادا 18 مۆت كورسەتكىشىمەن باعىندىرىلماق. جىل سوڭىندا «بنكا ەنەردجي» جشس 33 مۆت تۇتىنۋدى جوسپارلاپ وتىر.

قازاقستاندىق كومپانيا ماينينگتىك فەرمالارعا حوستينگ قىزمەتىن ۇسىنۋمەن دە اينالىسادى. بۇل قىزمەت ىشىنە ماينينگ قۇرىلعىلارىن ورناتۋ، قۇرال-جابدىقتى باقىلاۋ جانە ساراپتاۋ، ۇزدىكسىز ەلەكتر ەنەرگياسى مەن ينتەرنەت جەلىسىمەن قامتاماسىز ەتۋ جۇمىسى كىرەدى. قازىرگى ۋاقىتتا اتالمىش كومپانيا وسى سالاداعى الدىڭعى ازۋلى كاسىپورىندارىنىڭ قاتارىندا. ورتالىقتىڭ ٴدال وسى وڭىردە اشىلۋىنا ەلەكت قۋاتىنىڭ ارتىلۋى مەن ٴتاريفىنىڭ تومەندىگى، كاسىبي دەڭگەيى جوعارى مامانداردىڭ بولۋى سەبەپ بولعان. ەندى ٴىرى ماينينگتىك فەرمالار مەن كومپانيالار تارتىلسا، پاۆلودار ايماعى ەلىمىزدەگى بلوكچەين-تەحنولوگيالاردى قولداناتىن الدىڭعى قاتارلى ورتالىققا اينالارى ٴسوزسىز.

بۇگىندە قۇنى 5،7 ملرد تەڭگە تۇراتىن ورتالىقتا 16 ادام جۇمىس ىستەيدى. جوبا اياقتالعاننان كەيىن 60-قا جۋىق جۇمىس ورنى اشىلادى. توقسان سايىن ماماندار قىتايعا بىلىكتىلىكتى ارتتىرۋ ٴۇشىن ماينينگ-جابدىقتار شىعاراتىن زاۋىتقا جىبەرىلەدى. ول جاقتا ماماندار جابدىقتاردى قالاي جوندەپ، ولارمەن قالاي جۇمىس ىستەۋ كەرەك ەكەنىن ۇيرەنەدى.

ەسكە سالا كەتەيىك، 2017 جىلعى ماۋسىم ايىندا قر پرەزيدەنتى نۇرسۇلتان نازاربايەۆ ح استانا ەكونوميكالىق فورۋمىندا سويلەگەن سوزىندە الەمدىك ۆاليۋتا قۇرۋ ماسەلەسىن كوتەرگەن ەدى. سول كەزدە مەملەكەت باسشىسى الەمدىك قارجى ارحيتەكتۋراسىن تۇرلەندىرۋ قاجەتتىگى تۋىنداعانىن، حالىقارالىق ەسەپ ايىرىسۋ-تولەم بىرلىگىن ەنگىزۋ ماسەلەسىن مۇقيات قارايتىن ۋاقىتتىڭ جەتكىنىن ايتتى. بۇل الەمدى ۆاليۋتا "سوعىستارىنان"، الىپ-ساتارلىقتان ارىلتىپ، ساۋدا قاتىناستارىندا قاتەلىكتەرگە جول بەرمەۋگە مۇمكىندىك بەرەر ەدى. وعان قوسا ۆاليۋتا ٴوزىنىڭ تۇتىنۋشىلارىنا باعىنىڭقى ەميسسيانىڭ قاراپايىم، ايقىن تەتىگىنە يە بولۋى كەرەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي