BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

ساعىنتايەۆ ەىدۇ-مەن ٴوزارا ٴىس-قيمىل جونىندەگى كەڭەس وتىرىسىن وتكىزدى

فوتو: ашық дереккөзден

بۇگىن ۇكىمەت ۇيىندە قر پرەمەر-مينيسترى باقىتجان ساعىنتايەۆ ەكونوميكالىق ىنتىماقتاستىق جانە دامۋ ۇيىمىمەن (ەىدۇ) ٴوزارا ٴىس-قيمىل جونىندەگى كەڭەس وتىرىسىن وتكىزدى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

وتىرىس بارىسىندا 2019–2020 جىلدارعا ارنالعان جاڭا بىرلەسكەن جوبالاردى جۇزەگە اسىرۋ پەرسپەكتيۆالارى، سونداي-اق، سىبايلاس جەمقورلىققا قارسى كۇرەس جونىندەگى ٴىس-قيمىلدىڭ ىستامبۇل جوسپارى اياسىندا ىنتىماقتاستىق جانە ٴوزارا ٴىس-قيمىل تۋرالى مەموراندۋمعا قول قويۋ ماسەلەلەرى تالقىلاندى. بۇعان قوسا، بيىل قاراشا ايىندا پاريجدە وتەتىن ەۋرازيا اپتالىعى – 2018 شاراسىنا قازاقستاننىڭ قاتىسۋ ماسەلەسى قارالدى.

بۇگىندە ەىدۇ-مەن ىنتىماقتاستىق بويىنشا 8 پىسىقتالعان جوبا بار جانە 2 جوبا دايىندالۋ ساتىسىندا تۇر. ولاردىڭ اراسىندا باسەكەگە قابىلەتتىلىكتى ارتتىرۋ جانە جەر قويناۋىن پايدالانۋ، سيفرلاندىرۋ، تۋريزم جانە ت.ب. سالالارعا تىكەلەي شەتەلدىك ينۆەستيسيالاردى تارتۋعا باعىتتالعان جوبالار بار.

قازاقستان سىبايلاس جەمقورلىققا قارسى زاڭنامانى جەتىلدىرۋ جانە قابىلدانىپ جاتقان شارالار اياسىندا 2004 جىلدان باستاپ ەىدۇ-نىڭ سۋبايماقتىق باعدارلاماسى — سىبايلاس جەمقورلىققا قارسى كۇرەس جونىندەگى ٴىس-قيمىلدىڭ ىستامبۇل جوسپارىنا قاتىسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي