BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

ساعىنتايەۆ بيۋدجەت قارجىسىن يگەرمەگەن باسشىلارعا «شىرىلداۋىق شەگىرتكە» بولماۋدى ايتتى

قر پرەمەر-مينيسترى باقىتجان ساعىنتايەۆ جىل باسىنان بەرگى 8 ايدىڭ الەۋمەتتىك-ەكونوميكالىق دامۋ قورىتىندىسى مەن بيۋدجەت قاراجاتىنىڭ يگەرىلۋى تۇرعىسىندا كەمشىلىك جىبەرگەن مينيسترلەر مەن ٴوڭىر باسشىلارىنا ەسكەرتۋ جاسادى، دەپ حابارلايدى baq.kz ٴتىلشىسى.

«ٴبىرقاتار وڭىرلەردىڭ بايانداماسىن، ەسەبىن تىڭدادىق. تاعى دا قوسىمشا ۋادەلەرىن الدىق. دەگەنمەن، ەلباسىنىڭ تاپسىرماسى بويىنشا ٴوسىم 4 پايىزدان (ٴجىو كورسەتكىشى – اۆت.) تومەن بولماۋى كەرەك. 8 ايدىڭ قورىتىندىسى 3،8 پايىزدى كورسەتىپ وتىر. تيمۋر مۇرات ۇلىنىڭ بايانداماسىندا كورسەتىلگەندەي، جىلدىڭ سوڭىنا دەيىن 4 پايىزبەن اياقتاۋ ٴۇشىن ٴبىز 4 ايدىڭ كولەمىندە 4،2 پايىزبەن ٴوسۋىمىز كەرەك. جۇمىس كۇردەلەندى. بەلگىلى مىسالداعىداي جازداي ٴان سالىپ، شىرىلداعان شەگىرتكەدەي كۇز تۇسكەندە دىرىلدەپ، جۇمىسىمىز جۇرمەي قالىپ جۇرمەسىن. نەگىزگى ماسەلە – تامىز ايىنداعى جۇمىستىڭ جۇرمەۋىندە. ورىسشا ايتقاندا «راسسلابيليس». سول سەبەپتەن، ەلباسىنىڭ تاپسىرماسىن ورىنداپ، جىلدى جاقسى كورسەتكىشپەن اياقتاۋ كەرەك»، - دەدى ۇكىمەت باسشىسى.

ساعىنتايەۆ وسىعان بايلانىستى ٴوڭىر باسشىلارىنا اتقارىلماۋ سەبەبىن انىقتاپ، جۇمىسىن ٴتيىستى دارەجەدە اتقارماعان باسشىلاردىڭ جاۋاپكەرشىلىگىن قاراۋدى تاپسىردى.

«قابىلدانعان شارالار مەن تارتىپتىك جازالار تۋرالى اقپارات ٴبىر اپتانىڭ ىشىندە پرەمەر-مينيستر كەڭسەسىنە تاپسىرىلاتىن بولسىن. ۇلتتىق ەكونوميكا مينيسترلىگى، مۇددەلى مەملەكەتتىك ورگاندارمەن پرەمەر-مينيستردىڭ كەڭسەسىمەن بىرىگە وتىرىپ، مەملەكەتتىك ورگاندار، كۆازيمەملەكەتتىك سەكتور، «اتامەكەنمەن» بىرلەسە وتىرىپ، سەلەكتورلىق كەڭەس وتكىزۋدى تاپسىرامىن»، - دەدى پرەمەر-مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي