BAQ.kz - Қазақстан жаңалықтары USD 343.45 BAQ.kz - Қазақстан жаңалықтары EUR 399.57 BAQ.kz - Қазақстан жаңалықтары RUB 5.52
استانا:

ساعىنتايەۆ اقتوبە وبلىسىنداعى مەملەكەتتىك باعدارلامالارمەن تانىستى

ەلباسى تاپسىرماسىمەن پرەمەر-مينيستر باقىتجان ساعىنتايەۆ جۇمىس ساپارىمەن اقتوبە وبلىسىندا ٴجۇر. ماقساتى — پرەزيدەنتتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك»، «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋلارىنىڭ، بەس الەۋمەتتىك باستاماسىنىڭ، سونداي-اق مەملەكەتتىك جانە سالالىق باعدارلامالاردىڭ وڭىردە ىسكە اسىرىلۋ بارىسىمەن تانىسۋ، دەپ حابارالادى primeminister.kz.

جۇمىس ساپارى مۇعالجار اۋدانىنىنىڭ ونەركاسىپتىك كاسىپورىندارىن ارالاۋدان، اتاپ ايتقاندا، جاڭاجول ۆاحتالىق كەنتىنىڭ دامۋىمەن تانىسۋدان باستالدى. پرەمەر-مينيسترگە گاز وڭدەۋ زاۋىتىندا تابيعي ىلەسپە گازدى وڭدەۋدىڭ اۆتوماتتاندىرىلعان پروسەسى كورسەتىلدى، وسى جەردە التىندى اۋىلىنداعى «altyn ex» جشس تاۋ-كەن بايىتۋ كومبيناتىنىڭ جانە جاڭا تاڭ اۋىلىنداعى «گاز پروسەسسينگ كومپاني» جشس گاز وڭدەۋ زاۋىتى قۇرىلىسىنىڭ ماكەتتىك نۇسقالارى تانىستىرىلدى.

ب. ساعىنتايەۆ وبلىس ەكونوميكانىڭ ماڭىزدى نىساندارىنىڭ ٴبىرى جانە وڭىرلىك يندۋستريالاندىرۋ كارتاسىنا كىرەتىن «سنپس–اقتوبەمۇنايگاز» اق گاز وڭدەۋ زاۋىتىنىڭ جۇمىسىمەن تانىستى. جوبا «جاڭاجول» كەن ورنىندا ىسكە اسىرىلعان جانە مۇناي دايىنداۋعا، ىلەسپە مۇناي گازىن كۇكىرتتى سۋتەگىنەن جانە مەركاپتانداردان تازارتۋعا، ال الىنعان كۇكىرتتى سۋتەگىنەن كۇكىرت شىعارۋعا، سونداي-اق سۇيىتىلعان گاز الۋعا مامانداندىرىلعان.

كەشەننىڭ باسشىسى ب. تاسماعامبەتوۆ زاۋىت تولىقتاي اۆتوماتتاندىرىلعانىن ايتتى. گاز وڭدەۋ زاۋىتىندا وندىرىلەتىن تاۋارلىق گاز «بەينەۋ – بوزوي – شىمكەنت» ماگيسترالدى گاز قۇبىرى ارقىلى وڭتۇستىك وڭىرلەرگە جەتكىزىلەدى، وسىلايشا ەلباسىنىڭ «بەس الەۋمەتتىك باستاماسى» اياسىندا ەلىمىزدى گازبەن جابدىقتاۋعا ەرەكشە ۇلەس قوسادى.

بۇگىندە ٴونىم تۇرلەرى بويىنشا ٴوندىرىس كولەمى: گاز دايىنداۋ — 6،5 ملرد م3; مۇناي دايىنداۋ — 3،84 ملن ت; سۇيىتىلعان گاز ٴوندىرۋ — 550 مىڭ ت قۇرايدى.

سونىمەن قاتار وبلىس اكىمىنىڭ ورىنباسارى ق. بەكەنوۆ پرەمەر-مينيسترگە قولدا بار الەۋەتتى ەسكەرە وتىرىپ، مۇناي-حيميا زاۋىتىن سالۋ مىندەتى تۇرعانىن جەتكىزدى، ول اقتوبە وبلىسىنىڭ جانە جالپى قازاقستاننىڭ مۇناي-حيميا سالاسىن دامىتۋعا قوسىمشا سەرپىن بەرەدى.

اقتوبە وبلىسى — ٴىرى ونەركاسىپتىك ٴوڭىر. حروم قورلارى بويىنشا الەمدىك كوشباسشى، ونىڭ كولەمى 400 ملن ت اسادى. وبلىس اۋماعىندا كومىرسۋتەگى شيكىزاتىنىڭ بولجامدى قورلارىنىڭ 30% شوعىرلانعان، مۇنايدىڭ ونەركاسىپتىك قورى ەلىمىزدە ٴۇشىنشى ورىندا. سونداي-اق، مۇندا التىن، كۇمىس، مىس، مىرىش، كوبالت، كاولين، فوسفوريت، مۇناي بيتۋمدى جىنىستار، قۇرىلىس ماتەريالدارىن شىعاراتىن شيكىزاتتار الىناتىن ٴىرى كەن ورىندارى بار.

سونىمەن قاتار، ب. ساعىنتايەۆقا التىندى اۋىلىنداعى «altyn ex» تاۋ-كەن مەتاللۋرگيا كومبيناتىن سالۋ جوباسى تانىستىرىلدى. بۇگىنگى تاڭدا كومپانيا قازاقستانداعى قۇرامىندا التىنى بار ەڭ ٴىرى كەندەردىڭ ٴبىرى — «يۋبيلەينوە» كەن ورنىن ازىرلەۋمەن اينالىسادى. بۇعان قوسا، كاسىپورىننىڭ قۇرىلتايشىسى ە. دوستىبايەۆتىڭ ايتۋىنشا، كومبينات قۇرىلىسى ونىمدىلىكتى ارتتىرىپ، سونداي-اق دورە (قورىتپانى التىن كەن ورىندارىنان الىپ، ودان ٴارى تازارتۋ ٴۇشىن مۇناي اففيناج زاۋىتتارىنا جىبەرەدى) التىن-كۇمىس قورىتپاسىن شىعارۋمەن سەلدىر كەندەردى قايتا وڭدەۋگە جول اشاتىنىن ايتتى.

جاڭا ٴوندىرىس ورنىندا زاماناۋي تەحنولوگيالار جانە الدىڭعى قاتارلى جوعارى وندىرىستىك جابدىقتار قولدانىلاتىن بولادى. ٴوندىرىستىڭ جىلدىق قۋاتتىلىعى جىلىنا 5 ملن تونناعا دەيىن قۇرامىندا التىنى بار كەندەردى قۇرايدى. بۇل كومبيناتتىڭ قازاقستانداعى قۇرامىندا التىنى بار كەندەردى وڭدەۋدە ەكىنشى ورىندا بولۋىنا جانە ەلىمىزدىڭ الەمدىك التىن وندىرىسىندەگى پايىزدىق ۇلەسىن ارتتىرۋعا مۇمكىندىك بەرەدى. قۇرىلىستى 2020 جىلعا قاراي اياقتاۋ جوسپارلانعان. ٴوندىرىس ىسكە قوسىلعاننان كەيىن 800 جاڭا جۇمىس ورنى قۇرىلاتىن بولادى.

سونىمەن قاتار، پرەمەر-مينيسترگە «gas proسessing company» جشس ىسكە اسىراتىن بايعانين اۋدانىنداعى قوجاساي كەن ورنىنداعى گازدى كەشەندى ازىرلەۋ قوندىرعىسىن سالۋ جوباسى تانىستىرىلدى. جوبا جەتەكشىسى ب. ساقتاعانوۆ جاڭا قوندىرعى ىلەسپە گازدى وڭدەۋ كولەمىن ارتتىرۋعا جانە جاڭا ٴونىم تۇرلەرىن وندىرۋگە مۇمكىندىك بەرەتىنىن مالىمدەدى. جىلدىق قۋاتى 300 ملن تەكشە قۇرعاق بەنزينى الىنعان گازدى، 37 000 توننا پروپان-بۋتان تەحنيكالىق قوسپاسىن، 5 400 توننا گاز كوندەنساتى جانە 10 500 توننا كۇكىرتتى قۇرايدى.

«قوندىرعى وڭىردەگى ەكولوگيانى جاقسارتادى. سەبەبى ىلەسپە گاز الاۋ ارقىلى جانبايدى. گازدى كەشەندى ازىرلەۋ قوندىرعىسىنىڭ قۇرىلىسىن بيىل اياقتاۋ جوسپارلانعان. پايدالانۋ كەزەڭىندە 258 جۇمىس ورنى اشىلادى»، — دەپ حابارلادى جوبا جەتەكشىسى ب. ساقتاعانوۆ.

ٴجوو قۇرىلىمىندا ونەركاسىپ ۇلەسى — 36،5%، اۋىل شارۋاشىلىعى — 4،8%، قۇرىلىس — 5،8%، ساۋدا — 16،8%، كولىك جانە قاتتاۋ — 9،1%، اقپارات جانە بايلانىس — 0،7% ، جىلجىمايتىن مۇلىك وپەراسيالارى — 7،1%، تاعى باسقالارى —19،2% قۇرايدى.

اقتوبە قالاسىندا باقىتجان ساعىنتايەۆ «نۇر اقتوبە» شاعىن اۋدانىنىڭ مىسالىندا «نۇرلى جەر» جانە پرەزيدەنتتىڭ بەس الەۋمەتتىك باستاماسى اياسىنداعى جاڭا يپوتەكالىق باعدارلاما — «7–20–25» باعدارلامالارى بويىنشا تۇرعىن ٴۇي قۇرىلىسىنىڭ دامۋ بارىسىمەن تانىستى.

نىسانداردى تەكسەرۋ بارىسىندا اقتوبە وبلىسىنىڭ اكىمى ب. ساپاربايەۆ ٴوڭىردىڭ قۇرىلىس يندۋسترياسىنىڭ جوعارى الەۋەتىنە يە ەكەنىن ايتتى.

«بۇگىنگى تاڭدا 130-دان استام قۇرىلىس كاسىپورىندارى جۇمىس ىستەيدى، ولار جەرگىلىكتى جۇمىس كۇشىمەن مەن قۇرىلىس سالاسىنىڭ ماماندارىمەن تولىعىمەن قامتاماسىز ەتىلگەن، قۇرىلىس سالاسىندا پايدالانىلاتىن 39 قازبا كەن ورنى بار. وسىنىڭ ارقاسىندا ٴبىز نارىق سۇرانىستارىن ٴوزىمىزدىڭ قۇرىلىس ماتەريالدارىمىزبەن 85%-عا قامتاماسىز ەتتىك. بيىل 15 مىڭ جەر تەلىمىن ٴبولۋدى جوسپارلاپ وتىرمىز، ونىڭ 11 مىڭى – اقتوبە قالاسىنا جاقىن ماڭدا بولادى»، — دەدى ب. ساپاربايەۆ.

اكىم ورىنباسارىنىڭ ايتۋىنشا، ۇكىمەتتىڭ قولداۋىمەن، وبلىستا وسىمەن ەكىنشى جىل قاتارىنان تەز سالىناتىن نەسيەلىك تۇرعىن ۇيلەر قۇرىلىسى بويىنشا «نۇرلى جەر» تۇرعىن ٴۇي باعدارلاماسى تابىستى ىسكە اسىرىلىپ جاتىر. 2017 جىلدىڭ قورىتىندىسى بويىنشا 2300-دەن استام پاتەر پايدالانۋعا بەرىلدى. بيىل شامامەن 36 از قاباتتى جانە 6 توعىز قاباتتى نەسيەلىك تۇرعىن ۇيلەر نەمەسە جالپى اۋدانى 158،0 مىڭ م2 قۇرايتىن 2500-دەن استام پاتەردى پايدالانۋعا بەرۋ جوسپارلانىپ وتىر. بۇدان وزگە، «7–20–25» جاڭا يپوتەكالىق باعدارلاماسىن قابىلداۋدىڭ ارقاسىندا حالىقتىڭ بارلىق ساناتتارى جاڭا تۇرعىن ٴۇيدى وتە يكەمدى شارتتارمەن ساتىپ الۋعا مۇمكىندىك الادى.

ستاتيستيكا كوميتەتىنىڭ الدىن-الا دەرەكتەرى بويىنشا، قازاقستاندا 2018 جىلدىڭ قاڭتار–ماۋسىم ايلارىندا قارجىلاندىرۋدىڭ بارلىق كوزدەرىنەن تۇرعىن ٴۇي قۇرىلىسىنا 513،3 ملرد تەڭگە ينۆەستيسيا نەمەسە 2017 جىلدىڭ وسىنداي كەزەڭىمەن سالىستىرعاندا 128،4% باعىتتالدى. 5،8 ملن م2 تۇرعىن ٴۇي پايدالانۋعا بەرىلدى، بۇل 2017 جىلدىڭ سايكەس كەزەڭىمەن سالىستىرعاندا 104،8% قۇرايدى. رەسپۋبليكا بويىنشا بارلىعى 49 667 تۇرعىن ٴۇي پايدالانۋعا بەرىلدى، ونىڭ ىشىندە 20 ٴ532-سى جەكە ۇيلەر.

كەلەسى نىسان ەنەرگيا تيىمدىلىگى ورتالىعى بولدى، وندا پرەمەر-مينيستر وڭىردە «سيفرلىق قازاقستان» مەملەكەتتىك باعدارلاماسىنىڭ جانە مەملەكەت باسشىسىنىڭ «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىنىڭ ونىنشى مىندەتىنىڭ ىسكە اسىرىلۋ بارىسىمەن تانىستى.

ايتا كەتۋ كەرەك، مەملەكەت باسشىسى جولداۋىندا «اقىلدى ۇلت» ٴۇشىن «اقىلدى قالالار» قۇرۋدى تاپسىرعان بولاتىن. پرەزيدەنت ايقىنداپ بەرگەندەي، «اقىلدى قالالار» وڭىرلىك دامۋدىڭ، يننوۆاسيالاردى تاراتۋدىڭ جانە بۇكىل ەل اۋماعىندا ٴومىر ٴسۇرۋ ساپاسىن ارتتىرۋدىڭ لوكوموتيۆىنە اينالادى. اقتوبە smart city جوباسى ىسكە اسىرىلىپ جاتقان ەلىمىزدەگى بەس قالانىڭ ٴبىرى. جاڭا تەحنولوگيالاردىڭ ەنگىزىلۋى ٴوسىپ كەلە جاتقان قالالار پروبلەماسىن ٴتيىمدى شەشىپ، ينۆەستورلار ٴۇشىن ولاردىڭ تارتىمدىلىعىن ارتتىرۋعا مۇمكىندىك بەرەدى.

قۇرىلىسى اياقتالىپ قالعان ورتالىق عيماراتىن ارالاۋ كەزىندە باقىتجان ساعىنتايەۆقا قالانىڭ ورتالىق ديسپەتچەرلىك قىزمەتىنىڭ، ٴىىد وپەراتيۆتى باسقارۋ ورتالىعىنىڭ، سمارت-تكش، گەوپورتال مەن حالىق كانسەليارياسىنىڭ جۇمىس جۇيەلەرى تانىستىرىلدى. اتالعان قىزمەتتەردىڭ بارلىعى smart city جوباسىنىڭ قۇراۋىشتارى بولىپ تابىلادى جانە ەنەرگيا تيىمدىلىگى ورتالىعىندا ورنالاستىرىلاتىن بولادى. ماقساتى — تۇرعىندارعا كورسەتىلەتىن بارلىق كوممۋنالدىق قىزمەتتەردى ۇنەمدەۋدى قامتاماسىز ەتۋ. العاشقى بولىپ سىناق مەرزىمىنە ورتالىققا «نۇر اقتوبە» شاعىن اۋدانىنداعى «قارعالى» تۇرعىن ٴۇي الابىنىڭ №4 ٴۇيى قوسىلدى. بىرتىندەپ ورتالىقپەن باسقا دا شاعىن اۋداندار بايلانىستىرىلاتىن بولادى.

نىساندى ارالاپ كورگەن سوڭ اقتوبە قالاسىنىڭ اكىمى ٴى. يسپانوۆ پرەمەر-مينيسترگە smart city جوباسىن ىلگەرىلەتۋ تۋرالى ايتىپ بەردى، جوبانى 2020 ج. دەيىن «سيفرلىق قازاقستان» مەملەكەتتىك باعدارلاماسى اياسىندا التى باعىت بويىنشا ىسكە اسىرۋ كوزدەلىپ وتىر: ٴقاۋىپسىز قالا، «اقىلدى» تۇرعىن ٴۇي كوممۋنالدىق شارۋاشىلىعى، ٴبىلىم، مەديسينا، ينتەللەكتۋالدى كولىك جۇيەسى، ەلەكتروندى اكىمدىك. سونىمەن قاتار، قازىرگى تاڭدا «ٴقاۋىپسىز قالا» اپپاراتتىق-باعدارلامالىق كەشەنىن قۇرۋ بويىنشا جۇمىستار اتقارىلىپ جاتىر.

«بيىل 140 قوعامدىق قاۋىپسىزدىك كامەراسىن، 15 جەلىلىك ۋچاسكەلەردى فوتوعا ٴتۇسىرۋ جۇيەلەرىن، 14 ينتەللەكتۋالدى قيىلىستى ورناتۋ جوسپارلانعان. بولاشاقتا «ٴقاۋىپسىز قالا» بارلىق كامەرالاردى بىرىكتىرۋگە، سونىمەن قاتار باسقا ۇيىمدار مەن جەكە بيزنەستىڭ كامەرالارىن بىرىكتىرۋدى قامتاماسىز ەتەدى»، —دەدى ٴى. يسپانوۆ.

ٴوز كەزەگىندە، وبلىس اكىمىنىڭ ورىنباسارى ق. بەكەنوۆ ونەركاسىپ، اۋىل شارۋاشىلىعى، ٴبىلىم جانە دەنساۋلىق سالالارىندا «سيفرلىق قازاقستان» باعدارلاماسىنىڭ ىسكە اسىرىلۋ بارىسى تۋرالى باياندادى.

پرەمەر-مينيستر وبلىس ورتالىعىن ارالاۋدى جالعاستىرادى. اقتوبە وبلىسىنداعى ٴبىرقاتار الەۋمەتتىك نىسانداردى ارالاۋ جانە وبلىس اكتيۆىمەن ٴوڭىر ەكونوميكاسىن جاڭعىرتۋدىڭ وزەكتى ماسەلەلەرى بويىنشا كەزدەسۋ وتكىزۋ جوسپارلانعان.


بارلىق قۇقىعى قورعالعان.

primeminister.kz ماتەريالدارىن جەكە ماقساتتان باسقا، كەز كەلگەن جاعدايدا پايدالانۋ كەزىندە primeminister.kz ۆەب-سايتىنا گيپەرسىلتەمە جاساۋ مىندەتتى.

primeminister.kz ماتەريالدارىن پايدالانۋ كەزىندە:

– باسىلىم بەتتەرىندە نەمەسە قاعاز، تاسپا جانە ت.ب. سەكىلدى ماتەريال تاسىعىشتاردىڭ وزگە دە تۇرلەرىندە پايدالانۋشى ٴار كەز ماتەريالداردىڭ www.primeminister.kz ۆەب-سايتىنان الىنعانىن كورسەتىپ وتىرۋى مىندەتتى.

– ينتەرنەتتە نەمەسە ەلەكتروندى تۇردە پايدالانۋدىڭ وزگە دە تۇرلەرىندە پايدالانۋشى ٴار كەز «www.primeminister.kz» ۆەب-سايتىنىڭ باستى بەتىنە گيپەرسىلتەمە بەرۋگە مىندەتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي