BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ساعاديەۆ قازاقستاندا ٴۇش اۋىسىمدى مەكتەپتەر ماسەلەسى شەشىلمەي تۇرعانىن ايتتى 

رەسپۋبليكالىق بيۋدجەت ەسەبىنەن جىل سايىن 170-كە دەيىن مەكتەپ سالىنعانىنا قاراماستان، ەلدە ٴۇش اۋىسىمدى جانە اپاتتى مەكتەپتەر پروبلەماسى ساقتالۋدا. بۇل جونىندە بۇگىنگى ۇكىمەت وتىرىسىندا ٴبىلىم بەرۋ مەن عىلىمدى دامىتۋ بويىنشا مەملەكەتتىك باعدارلامانىڭ 2018 جىلدىڭ ٴبىرىنشى جارتىجىلدىعىندا ىسكە اسىرۋ ماسەلەسى جونىندە بايانداعان قر ٴبىلىم جانە عىلىم ٴمينيسترى ەرلان ساعاديەۆ مالىمدەدى، دەپ حابارلايدى baq.kz ٴتىلشىسى.

«قالا مەن اۋىل مەكتەپتەرىنىڭ ٴبىلىم ساپاسى اراسىنداعى ايىرماشىلىق ساقتالىپ وتىر. 9 جانە 4 سىنىپ وقۋشىلارىنىڭ اراسىندا سىرتتاي باعالاۋ ناتيجەسى بويىنشا مەملەكەتتىك باعدارلامانىڭ جوسپارلانعان كورسەكىشىنە قول جەتكىزىلگەن جوق. وسى ايىرماشىلىقتى جويۋ ٴۇشىن دۇنيەجۇزىلىك بانكتىڭ ارنايى كرەديت قارجىسىن جۇمساپ، اۋىل مەكتەپتەرىنىڭ ماتەريالدىق-تەحنيكالىق بازاسىن كۇشەيتۋ، اۋىل مۇعالىمدەرىنىڭ ٴبىلىم ساپاسىن كوتەرۋ جۇمىستارى باستالدى»، - دەدى مينيستر.

ساعاديەۆتىڭ ايتۋىنشا، ەلدەگى ٴۇش اۋىسىمدى مەكتەپ ماسەلەسى ٴالى دە تولىق شەشىمىن تاپپاي وتىر.

«رەسپۋبليكالىق بيۋدجەت ەسەبىنەن جىل سايىن 110-نان 170-كە دەيىن مەكتەپ سالىنادى. الايدا، ٴۇش اۋىسىمدى جانە اپاتتى مەكتەپتەر پروبلەماسى ساقتالۋدا. ونى ۇلكەن قالالاردا جان باسىنا قارجىلاندىرۋ مەحانيزمى ارقىلى شەشەتىن بولامىز. بۇگىنگى كۇنى ەلدە ٴۇش اۋىسىمداعى 120-عا جۋىق مەكتەپ بار. ونىڭ ىشىندە، الماتى وبلىسىندا 27، اقتوبە وبلىسىندا 24، تۇركىستان وبلىسىندا 12، اقمولا وبلىسىندا 12، اتىراۋ وبلىسىندا 11 مەكتەپ»، - دەدى ۆەدومستۆو باسشىسى.

ٴمينيستردىڭ بەرگەن مالىمەتىنە سايكەس، ەلدە 44 مەكتەپ اپاتتى جاعدايدا تۇر. ونىڭ كوبى تۇركىستان وبلىسىندا تىركەلگەن. مۇندا توزىعى جەتكەن 12 مەكتەپ بولسا، ٴدال وسىنداي ٴبىلىم وشاعى جامبىلدا – 7، اتىراۋ – 6، بقو – 6.

«ٴۇش اۋىسىمدا وقيتىن مەكتەپتەردىڭ بولۋىنىڭ باستى سەبەبى دەموگرافيالىق جانە ميگراسيا پروسەستەرى. مىسالى، 2017 جىلى استاناعا ەلىمىزدىڭ باسقا ايماعىنان 80 مىڭعا جۋىق ادام كوشىپ كەلسە، ولاردىڭ 17 مىڭعا جۋىعى - بالالار. بۇل جىل سايىن شامامەن 15 جاڭا ۇلكەن مەكتەپ سالۋ قاجەتتىلىگىن تۋىنداتادى. قازىرگى ۋاقىتتا مەملەكەت مەكتەپتى جاپپاي سالۋعا بۇرىن بولماعان قاراجات بولسە دە، وسى ماسەلەنى تولىعىمەن شەشۋ ٴۇشىن جان باسىنا قارجىلاندىرۋ، ياعني، جەكە مەنشىك كومپانيالاردى مەكتەپتەر سالۋعا تارتۋ جۇمىسىن بارلىق قالادا قازىردەن باستاپ قولعا الۋ قاجەت بولىپ تۇر»، - دەدى ساعاديەۆ.

بۇعان دەيىن حابارلاعانىمىزداي، ٴبىلىم جانە عىلىم ٴمينيسترى ەلدەگى كەيبىر وڭىرلەر جاڭا وقۋ جىلىندا وقۋلىقسىز قالۋ قاۋپىندە تۇرعانىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي