BAQ.kz - Қазақстан жаңалықтары USD 325.79 BAQ.kz - Қазақстан жаңалықтары EUR 402.94 BAQ.kz - Қазақстан жаңалықтары RUB 5.33
استانا:

رەسەيدەگى وقيعالارعا رەاكسيانى قىسقا مەرزىمدى دەپ باعالايمىز – ۇلتتىق بانك  

2018 جىلدىڭ ٴى توقسانىندا قازاقستاننىڭ ۆاليۋتا نارىعىنداعى احۋال تۇراقتى بولدى. بۇل تۋرالى ۇكىمەت وتىرىسىندا ۇلتتىق بانك ٴتوراعاسى دانيار اقىشەۆ مالىمدەدى، دەپ حابارلايدى baq.kz ٴتىلشىسى.

«ٴى توقساندا ۆاليۋتا نارىعىنداعى احۋال تۇراقتى بولدى. ۆاليۋتا باعامىن ايقىندايتىن ىرگەلى فاكتورلار وڭتايلى قالىپتاستى. قاڭتار-ناۋرىزدا تەڭگە جىل باسىنىن بەرى ٴبىر اقش دوللارى ٴۇشىن 318 تەڭگە 31 تيىن بولىپ، 4،2%-كە نىعايدى. ٴساۋىر باسىندا رەسەي قور نارىعىنىڭ قۇلدىراۋى ناتيجەسىندە رەسەي ٴرۋبلىنىڭ السىرەۋى اياسىندا تەڭگە باعامى قۇبىلدى. بۇل ماكروەكونوميكالىق كورسەتكىشتەردى ەسكەرىپ، قازىرگى كەزدە ۆاليۋتا نارىعىنداعى احۋال تۇراقتاندى. ٴبىز رەسەيدەگى وقيعالارعا رەاكسيانى قىسقا مەرزىمدى جانە قالىپتى دەپ باعالايمىز»، - دەدى اقىشەۆ.

الدىن الا دەرەكتەر بويىنشا، ۇلتتىق بانكتىڭ التىن ۆاليۋتا رەزەرۆتەرى ناۋرىز سوڭىندا 31،1 ملرد اقش دوللارىن قۇرادى. جىل باسىنان بەرى ٴوسىم - 1،1%.

«ۇلتتىق قوردىڭ شەتەل ۆاليۋتاسىنداعى اكتيۆتەرى ناۋرىز سوڭىندا 59،3 ملرد اقش دوللارىنا باعالاندى. حالىقارالىق رەزەرۆتەر جىل باسىنان 1،5%-كە نەمەسە 1،3 ملرد اقش دوللارىنا ۇلعايىپ، جالپى 90،4 ملرد دوللار بولدى. قازىرگى كەزدە اقشا اگرەگاتتارى، دەپوزيتتەر، كرەديتتەر بويىنشا 1-توقسانعا اقپارات جوق. اعىمداعى جىلى ەكى ايدا اقشا ماسساسى 3،9%-كە قىسقاردى. ونىڭ قۇرىلىمىنداعى دەپوزيتتەر كولەمى 16،9 تريلليون تەڭگەگە دەيىن 3،5%-كە ازايدى. شەتەل ۆاليۋتاسىنداعى سالىمدار 8،6%-كە قىسقاردى، تەڭگەمەن سالىمدار 1،1%-كە ٴوستى. ناتيجەسىندە شەتەل ۆاليۋتاسىنداعى سالىمدار ۇلەسى 45،2%-كە ازايدى. كرەديتتەر كولەمى 2018 جىل اقپان سوڭىندا 12،5 تريلليون تەڭگەنى قۇرادى. جىل باسىنان ونىڭ 1،2%-كە تومەندەۋى بانكتەردىڭ كرەديتتىك پورتفەلدەرى قالىپقا كەلتىرۋ بويىنشا شارالارىن كورسەتەدى. اعىمداعى جىلى قاڭتار-اقپاندا جاڭا كرەديتتەر بەرۋ 33%-كە نەمەسە 2017 جىلدىڭ ۇقساس كەزەڭىمەن سالىستىرعاندا 424 ملرد تەڭگەگە ۇلعايىپ 1،7 تريلليون تەڭگە بولدى»، - دەدى ول.

دانيار اقىشەۆ بانك سەكتورىندا 32 بانك جۇمىس ىستەيتىنىن جانە اقپان سوڭىنداعى جيىنتىق اكتيۆتەرى 23،6 تريلليون تەڭگەنى قۇراعانىن اتاپ ٴوتتى. ال ساقتاندىرۋ سەكتورىندا جۇمىس ىستەيتىن 32 ۇيىمنىڭ اكتيۆتەرىنىڭ جيىنتىق كولەمى 1 ناۋرىزدا 935،8 ملن تەڭگەنى قۇراعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي