BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

پرەمەر-مينيستر شقو اكتيۆىمەن بىرگە جولداۋداعى نەگىزگى مىندەتتەردى تالقىلادى

شىعىس قازاقستان وبلىسىنا جۇمىس ساپارى اياسىندا قازاقستان پرەمەر-مينيسترى باقىتجان ساعىنتايەۆ پرەزيدەنت جولداۋىنداعى نەگىزگى مىندەتتەردى تالقىلاۋ بويىنشا وبلىس اكتيۆىمەن جانە ٴوڭىر تۇرعىندارىمەن كەزدەسۋ وتكىزدى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

كەزدەسۋ بارىسىندا حالىق تابىسىنىڭ دەڭگەيىن كوتەرۋ، ٴبىلىم بەرۋ مەن دەنساۋلىق ساقتاۋداعى ساپانىڭ جاڭا دەڭگەيى، ينفراقۇرىلىمدى جانە يندۋستريالاندىرۋدى ودان ٴارى دامىتۋ تاسىلدەرى، بيزنەس احۋالدى جاقسارتۋ، اوك دامىتۋ جانە تۇرعىن ۇيگە قولجەتىمدىلىكتى ارتتىرۋ ماسەلەلەرى قوزعالدى.

شىعىس قازاقستان وبلىسىنىڭ اكىمى دانيال احمەتوۆ مەملەكەت باسشىسىنىڭ تاپسىرمالارىن ىسكە اسىرۋ تۇرعىسىنان ٴوڭىردى الەۋمەتتىك-ەكونوميكالىق دامىتۋ، ەكونوميكانى ودان ٴارى ٴارتاراپتاندىرۋ، كادرلاردى دايىنداۋ جانە قايتا دايارلاۋ، ەڭبەك رەسۋرستارىن باسقارۋ، سونداي-اق، وڭىردە باسەكەگە قابىلەتتى بيزنەستى دامىتۋ تۋرالى باياندادى.

«ٴبىز مونيتورينگ جۇرگىزەمىز. ٴاربىر ادامدى انىقتاپ، وسى باعدارلامانى ىسكە اسىرامىز. قوعام تابىسىن ارتتىرۋدا پرەزيدەنت 2025 جىلعا دەيىن ارەكەت ەتەتىنىن انىقتاعان "بيزنەستىڭ جول كارتاسى–2020" باعدارلاماسى ۇلكەن ٴرول اتقاراتىنى ٴسوزسىز»، — دەدى وبلىس باسشىسى دانيال احمەتوۆ.

ٴوڭىر اكىمىنىڭ ايتۋىنشا، جىل باسىنان بەرى ەكونوميكانىڭ ٴتۇرلى سالالارىندا ۇكىمەت قابىلداعان شارالاردىڭ ارقاسىندا 14 مىڭ جاڭا جۇمىس ورنى قۇرىلعان، ونىڭ ىشىندە 11 مىڭى تۇراقتى.

بۇدان وزگە، پرەزيدەنتتىڭ ەكسپورتقا باعىتتالعان يندۋستريالاندىرۋدى دامىتۋ تاپسىرماسىن ىسكە اسىرۋ ماقساتىندا شقو-دا اگرارلىق سەكتورعا باسا كوڭىل بولىنگەن. بۇل ٴۇشىن بيىل 2018–2022 جىلدارعا ارنالعان اۋىل شارۋاشىلىعى سالاسىن دامىتۋ باعدارلاماسى ازىرلەنگەن. بىرتىندەپ قايتا وڭدەۋ كاسىپورىندارىنىڭ ورتاشا جىلدىق قۋاتتىلىعى ارتتىرىلۋدا. كەلەر جىلدان باستاپ 2021 جىلعا قاراي كولەمدى 51 مىڭ تونناعا دەيىن جەتكىزۋمەن ەت وڭدەۋ جوبالارى ىسكە اسىرىلا باستايدى. كولىك-لوگيستيكا كەشەنىن دامىتۋ بويىنشا سەمەي اۋەجايىن رەكونسترۋكسيالاۋ جۇمىستارى باستالدى، 2019 جىلى وسكەمەن مەن ٴۇرجار اۋەجايلارى قايتا جاڭارتىلادى.

بۇدان ٴارى پرەزيدەنت جولداۋىنىڭ جەكەلەگەن باعىتتارىن ٴتۇسىندىرۋ تۋرالى ۇكىمەت مۇشەلەرى بايانداما جاسادى.

كەڭەستى قورىتىندىلاعان باقىتجان ساعىنتايەۆ مەملەكەت باسشىسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» جولداۋىن ىسكە اسىرۋ ماسەلەلەرى بارلىق وڭىرلەردىڭ اكىمدەرىمەن بىرلەسىپ ۇكىمەتتە ەكى رەت تالقىلانعانىن ايتتى.

«جۇكتەلگەن مىندەتتەرى جۇزەگە اسىرۋ بويىنشا شارالار ٴۇش بولىككە بولىنگەن: ۇزاق مەرزىمدىك، ورتاشا مەرزىمدىك جانە جەدەل شارالار. جەدەل شارالار زاڭنامادا ەشقانداي وزگەرىستەردى جانە بيۋدجەتتەن قوسىمشا قاراجاتتى قاجەت ەتپەيدى، سوندىقتان ولار 2019 جىلدىڭ 1 قاڭتارىنا دەيىن ورىندالۋى كەرەك. وعان تكش ساپاسىن جاقسارتۋ، پيك جۇمىسىن سيفرلاندىرۋ، تاريف بەلگىلەۋدى رەتتەۋ جانە كومىرمەن ۋاقىتىلى قامتۋ جاتادى. جەدەل شارالار 2019 جىلدىڭ باسىنا دەيىن جۇزەگە اسىرىلادى. قالعان شارالار بويىنشا مەملەكەت باسشىسىنىڭ تاپسىرماسىنا سايكەس رەسپۋبليكالىق بيۋدجەتتە قاراجات قاراستىرىلعان. بيىل 1 جەلتوقسانعا دەيىن كەلەسى جىلعا ارنالعان بيۋدجەت قابىلداناتىن بولادى. 2019 جىلدىڭ 1 قاڭتارىنان باستاپ بۇل شارالار كۇشىنە ەنەدى»، - دەدى پرەمەر-مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي