BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

"وتىرىكتى دە دۇرىستاپ ايتۋ كەرەك". ساعىنتايەۆ بيۋدجەت قارجىسىن تولىق يگەرمەگەن مينيسترلىكتەردى سىنادى

فوتو: ашық дереккөзден

بۇگىنگى ۇكىمەت وتىرىسىندا قارجى ٴمينيسترى باقىت سۇلتانوۆ سەگىز ايدىڭ قورىتىندىسى بويىنشا بيۋدجەت قارجىسىن تولىق يگەرمەگەن مينيسترلىكتەردى اتادى. سودان كەيىن پرەمەر-مينيستر اتى اتالعان مينيسترلىكتەردەن يگەرىلمەگەن قاجىنىڭ ەسەبىن سۇرادى. تومەندە ۇكىمەت باسشىسى باقىتجان ساعىنتايەۆ پەن بىرنەشە مينيسترلىكتىڭ اراسىندا بولعان ديالوگتى ۇسىنامىز.

- قورعانىس مينيسترلىگى، 15،4 ملرد تەڭگە يگەرىلمەي جاتىر. نە ايتاسىز؟ - دەپ سۇرادى ول. ال جاقىندا عانا مەكەمە باسشىلىعىنا كەلگەن نۇرلان ەرمەكبايەۆ مىندەتتى تۇردە ناقتى شارالار قولداناتىنىن ايتتى.

سودان كەيىن ۇكىمەت باسشىسى مادەنيەت جانە سپورت مينيسترلىگىنەن 11 ملرد تەڭگە قارجىنى نەگە يگەرمەي وتىرعانىن سۇرادى.

- باقىتجان ٴابدىر ۇلى، بارلىعى جوساارلى تۇردە ٴجۇرىپ جاتىر، - دەدى مۇحامەدي ۇلى.

- قالاي جوسپارلى تۇردە جۇرەدى، سەگىز ايدىڭ قورىتىندىسىمەن يەگىرلمەگەن اقشا. جوسپارلى تۇردە يگەرمەي وتىرامىز با سوندا؟
- تەحنيكالىق سۇراقتار…

- قالاي تەحنيكالىق سۇراقتار؟ سەگىز ايدىڭ ىشىندە 11 ميللياردقا قانشا مەكتەپ سالۋعا، قانشا شاقىرىم جول جوندەۋگە، قانشا بالاباقشا اشۋعا، قانشا اۋرۋحانا سوعۋعا بولادى.
- جىلدىڭ اياعىنا دەيىن يگەرەمىز.

- سۇلتانوۆ ايتىپ ٴوتتى عوي، كىم يگەرمەي جاتىر، قايتا قاراۋ كەزىندە بيۋدجەتتەن ٴبارىن الىپ قويامىز. وكپەلەمەڭىزدەر. اۋىل شارۋاشىلىعى مينيسترلىگى 10،9 ملرد تەڭگە.
- بيۋدجەت – 355 ملرد تەڭگە، 10،9-ى سەگىز ايدا يگەرىلمەگەن. مۇنىڭ ىشىندە 5 ملرد تەڭگەدەن استامى سۋ شارۋاشىلىعىنا اتقارىلۋعا قويىلسا، سودان كەيىن عىلىم جاعىنا. ٴبىلىم مينيسترلىگىنە ماۋسىم ايىندا، سودان كەيىن شىلدە ايىندا ەكىنشى رەت ٴوتىنىم بەرىلدى. ول جەردە 90 كۇن قارالادى. قالاي ٴبىز قىسقارتامىز؟ قايتا-قايتا حابارلاسامىن، ولارمەن سويلەسەمىن. مۇمكىن ٴتارتىبىن وزگەرتۋ كەرەك شىعار، قالاي 90 كۇن؟، - دەپ جاۋاپ بەردى اۋىل شارۋاشىلىعى ٴمينيسترى ٴومىرزاق شۇكەەۆ.

- ٴسىز ۇكىمەت باسشىسىنىڭ ورىنباسارىسىز، مينيسترگە قاراعاندا ٴسىزدىڭ لاۋازىمىڭىز جوعارى. شاقىرىپ الىڭىز، قاراپ شىعىڭىز. بەرىلگەن اقشا يگەرىلۋى كەرەك. عىلىمعا دەپ اقشا الاسىزدار، يگەرىلمەي جاتادى. سوندا نە ٴۇشىن اقشا بەرىلەدى؟ – دەدى پرەمەر-مينيستر.

وسىدان كەيىن ەسەپ بەرۋ كەزەگى ىشكى ىستەر مينيستر قالمۇحانبەت قاسىموۆقا كەلدى. ول 4،5 ملرد تەڭگەنى قىركۇيەككە دەيىن ورىندايتىنىن ايتتى.
- قىركۇيەكتىڭ ىشىندە وتىرمىز عوي، قالاي قىركۇيەككە دەيىن، بۇگىن 11 قىركۇيەك؟
- قورعوس… ورنىنا كەلتىرەمىز، ەكونوميا 2،9 …

- وتىرىك ايتقاندا دا دۇرىستاپ ايتۋ كەرەك قوي. (...) اقپارات جانە كوممۋنيكاسيالار مينيسترلىگىنەن كىم بار، ميكروفونعا كەلىڭىز.
- جىل سوڭىنا دەيىن يگەرەمىز، - ۆيسە-مينيستر.
- بىزگە كەرەگى جوق جىل سوڭىنا دەيىن دەگەن، ٴقازىر يگەرىڭىزدەر.
- قىركۇيەكتە باستايمىز.
- قىركۇيەكتە باستايمىز دەگەن نە؟ سوندا سەگىز ايدا نە ىستەدىڭدەر؟ 1 قىركۇيەكتەن يگەرىلۋى قاجەت. (...) قۇرمەتتى ارىپتەستەر، تاعى دا قايتالاپ ايتامىن. يگەرىلمەگەن قارجىنىڭ ٴبارى باسقا يگەرۋگە شۇعىل قاجەتتى بولىپ وتىرعان سالالارعا كەتەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي