BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

«نۇرلى جەر» ارقىلى 77 مىڭ وتباسى باسپانالى بولدى – مينيستر

فوتو: ашық дереккөзден

استانا، baq.kz ٴتىلشىسى. ۇكىمەت وتىرىسىندا ينۆەستيسيالار جانە دامۋ ٴمينيسترى جەڭىس قاسىمبەك «نۇرلى جەر» مەملەكەتتىك باعدارلاماسى ارقىلى 77 مىڭنان استام وتباسى باسپانالى بولعانىن مالىمدەدى.

بۇگىن جەڭىس قاسىمبەك ۇكىمەت باسشىسى باقىتجان ساعىنتايەۆقا «نۇرلى جەر» مەملەكەتتىك باعدارلاماسى قالاي جۇزەگە اسىپ جاتقانى تۋرالى ەسەپ بەردى.

«نۇرلى جەر» مەملەكەتتىك باعدارلاماسى ارقىلى 8 ملن 800 مىڭ شارشى مەتر تۇرعىن ٴۇي پايدالانۋعا بەرىلدى. ول 2017 جىلدى سايكەس كەزەڭىمەن سالىستىرعاندا 10،6%-كە جوعارى. 77 مىڭنان استام وتباسى تۇرعىن ٴۇي جاعدايىن جاقسارتتى. ونىڭ ىشىندە 9،5 مىڭعا جۋىق وتباسى مەملەكەت قارجىسى ەسەبىنەن سالىنعان باسپاناعا قول جەتكىزدى. تۇرعىن ٴۇي قۇرىلىسىنا سالىنعان ينۆەستيسيا وتكەن جىلدىڭ سايكەس كەزەڭىمەن سالىستىرعاندا 31،5%-كە ارتىپ، 818 ملرد 900 ملن تەڭگەنى قۇرادى»، - دەدى مينيستر.

سونىمەن ول بيىل اتالعان باعدارلاما اياسىندا 12،1 ملن شارشى مەتر تۇرعىن ٴۇي پايدالانۋعا بەرۋ جوسپاردا بار ەكەنىن اتاپ ٴوتتى.

«ونىڭ ىشىندە 1 ملن 300 مىڭ شارشى مەتر نەمەسە 22 مىڭ پاتەر مەملەكەتتىك ينۆەستيسيا ەسەبىنەن تاپسىرىلادى»، - دەدى جەڭىس قاسىمبەك.

سونداي-اق ول 9 ايدىڭ قورىتىندىسى بويىنشا تۇرعىن ٴۇيدى پايدالانۋ كولەمى جاعىنان استانا، الماتى قالالارى جانە ماڭعىستاۋ وبلىسى الدا ەكەنىن حابارلادى.

ايتا كەتەيىك، بيىل «نۇرلى جەر» مەملەكەتتىك باعدارلاماسىن ىسكە اسىرۋعا رەسپۋبليكالىق بيۋدجەتتەن 148،6 ملد تەڭگە بولىنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي