BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

بيىل 30،6 ملن توننا مۇناي ەكسپورتتالدى – ەنەرگەتيكا مينيسترلىگى

بۇل تۋرالى قر پرەمەر-مينيسترى باقىتجان ساعىنتايەۆتىڭ توراعالىعىمەن وتكەن ۇكىمەت وتىرىسىندا ۆەدومستۆونىڭ 2018 جىلدىڭ 5 ايىنداعى جۇمىسىنىڭ قورىتىندىسى تۋرالى بايانداي وتىرىپ، ەنەرگەتيكا ٴبىرىنشى ۆيسە-مينيسترى ماحامبەت دوسمۇحامبەتوۆ مالىمدەدى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

ۆيسە-مينيستردىڭ ايتۋىنشا، مۇناي جانە كوندەنسات ٴوندىرۋ كولەمى 37،7 ملن توننانى قۇرادى، بۇل 2017 جىلدىڭ وسىنداي كەزەڭىمەن سالىستىرعاندا 6،4% ٴوسىم كورسەتەدى. سونىمەن قاتار، ٴۇش ٴىرى جوبا بويىنشا مۇناي ٴوندىرۋ كولەمى 22،7 ملن توننانى قۇرادى: قاشاعاندا ٴوندىرۋ كولەمى 5 ملن توننانى، تەڭىزدە — 12،5 ملن توننانى جانە قاراشىعاناقتا — 5،2 ملن توننانى قۇرادى.

ەكسپورتقا 30،6 ملن توننا نەمەسە 2017 جىلدىڭ وسىنداي كەزەڭىمەن سالىستىرعاندا 105،7% باعىتتالدى. 6،3 ملن توننا مۇناي وڭدەلدى، بۇل بىلتىرعى جىلدىڭ وسىنداي كەزەڭىمەن سالىستىرعاندا 6،2% پايىز ٴوسىم كورسەتتى.

«ٴۇش ٴموز مۇناي ونىمدەرىن ٴوندىرۋ كولەمى 4،4 ملن توننانى نەمەسە 2017 جىلعى وسى كەزەڭگە شاققاندا 1،5% ٴوسىمدى قۇرادى. جالپى، مۇناي ونىمدەرى نارىعىنداعى جاعداي تۇراقتى جانە ججم تاپشىلىعى ورىن الۋى بايقالمايدى»، — دەپ ناقتىلادى م. دوسمۇحامبەتوۆ.

كوكتەمگى ەگىس جۇمىستارى ٴۇشىن ديزەل وتىنىن جەتكىزۋدىڭ بەكىتىلگەن كەستەسى اياسىندا اۋىل شارۋاشىلىعى مينيسترلىگىنىڭ تاپسىرىسىنا سايكەس سۇرانىس تولىق قاناعاتتاندىرىلدى.

بيىلعى 5 اي ىشىندە 23،4 ملرد م3 گاز ٴوندىرىلدى، 2017 جىلدىڭ وسى كەزەڭىمەن سالىستىرعاندا ٴوسىم 6،4% قۇرادى. گاز ەكسپورتى 8،6 ملرد م3 قۇرادى، بۇل 2017 جىلدىڭ وسى كەزەڭىمەن سالىستىرعاندا 28،4% ارتىق. 1،3 ملن توننا سۇيىتىلعان مۇناي گازى ٴوندىرىلدى، بۇل وتكەن جىلعى دەڭگەيدەن 4،7% ارتىق.

ەنەرگەتيكا مينيسترلىگىنىڭ مالىمەتتەرى بويىنشا، 46،4 ملرد كۆت⋅س ەلەكتر ەنەرگياسى ٴوندىرىلدى، بۇل 2017 جىلدىڭ وسى كەزەڭىمەن سالىستىرعاندا 7،7% ارتىق. كومىر ٴوندىرۋ كولەمى (كومىر كونسەنتراتىن ەسكەرۋسىز) 44،5 ملن توننانى قۇرادى نەمەسە وتكەن جىلعى دەڭگەيدەن 4،5% ارتىق بولدى.

«وتىن-ەنەرگەتيكا سالاسى ديناميكالىق دامۋ ۇستىندە. نەگىزگى كورسەتكىشتەرگە جەتۋ مينيسترلىكتىڭ تۇراقتى باقىلاۋىنا جانە مونيتورينگىنە الىنعان»، — دەپ تۇيىندەدى م. دوسمۇحامبەتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي