BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

مينيستر ەكونوميكالىق كورسەتكىشى تومەن ٴۇش وبلىستى اتادى

قر ۇكىمەت وتىرىسىندا ەلىمىزدەگى ۇلتتىق ەكونوميكا ٴمينيسترى تيمۋر سۇيلەمەنوۆ قاي وبلىستاردا ەكونوميكالىق دامۋ كورسەتكىش تومەن ەكەنىن اتادى، دەپ حابارلايدى baq.kz ٴتىلشىسى.

«قۇرىلىس سالاسى ەسەپتى كەزەڭ بويى بىركەلكى ەمەس سەرپىندى كورسەتىپ وتىر. ياعني، اتاپ وتسەك، اعىمداعى جىلعى قاڭتاردا 14،9%، قاڭتار-ناۋرىزدا 5،9%، قاڭتار-ساۋىردە 2،1%، ال قاڭتار-مامىردا 0،3% دەيىن جەتكەن. وسىلايشا، 2018 جىلدىڭ قاڭتار-مامىر ايلارىندا قۇرىلىس سالاسىنىڭ ٴوسۋ ٴۇردىسى نولدىك مانگە، ياعني، 0،3% دەيىن جاقىنداپ، اعىمداعى جىلعى 6 ايدىڭ قورىتىندىسى بويىنشا 3،8% دەيىن كۇرت ارتقان. ٴوسۋ تۇرعىن ٴۇي عيماراتتارىنىڭ، ونەركاسىپتىك جانە الەۋمەتتىك نىساناردىڭ، ماگيسترالدىق گاز قۇبىرلارى مەن قۇبىر جولدارىنىڭ، گاز كومپرەسسورلىق ستانسياسىنىڭ قۇرىلىسى، سەمەي قالاسىنداعى اۆتوكولىك جولدارىن، ۇشۋ-قونۋ جولاعىن رەكونسترۋكسيالاۋ، شىمكەنتتەگى مۇناي-حيميا زاۋىتىن جاڭعىرتۋ جۇمىستارىنىڭ ارتۋىنا بايلانىستى بولعان»، - دەدى مينيستر.

سونىمەن قاتار، ەلدەگى اۋىل شارۋاشىلىعى ٴونىمى 4،0% ارتىپ، بىرتىندەپ كۇشەيۋدە. ٴوسۋدىڭ نىعايۋى مال شارۋاشىلىعىنىڭ وزىق قارقىنىمەن بايلانىستى بولىپ وتىر.

«تۇتىنۋشىلىق سۇرانىستىڭ كۇشەيۋى مەن ەكونوميكانىڭ ناقتى سەكتورىنداعى تۇراقتى ىسكەرلىك بەلسەندىلىك كورسەتىلەتىن قىزمەتتەر سالاسىنىڭ ٴوسۋ درايۆەرلەرى بولدى. ونىڭ ٴوسۋى 3،8% قۇرادى. ساۋدا مەن كولىك سالاسىندا دامۋدىڭ قولايلى سەرپىنىنىڭ 5،9% جانە 4،9% جەدەلدەۋى تىركەلدى. بايلانىستىڭ ٴوسۋ قارقىنى 5،9% قۇرادى. وڭىرلىك بولىنىستە ەكونوميكانىڭ بارلىق دەرلىك سالالارىندا وڭ ٴوسۋ قارقىنى بايقالادى. ونەركاسىپتە 3 وڭىردەن، ياعني، باتىس قازاقستان (-1،4%)، تۇركىستان (-3،9%) جانە قىزىلوردا (-4،7%) وبلىستارىنان باسقا بارلىق وڭىرلەر ٴوسۋدى كورسەتىپ وتىر»، - دەگەن مينيستر ەندى وڭىرلەردىڭ دامۋ سەرپىنى بويىنشا 16 ايماقتىڭ ورنىنا 17 وڭىردە باقىلاۋ جۇرگىزىلەتىنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي