BAQ.kz - Қазақстан жаңалықтары USD 327.42 BAQ.kz - Қазақстан жаңалықтары EUR 383.51 BAQ.kz - Қазақстан жаңалықтары RUB 5.29
استانا:

مەكتەپتەردە جاسىل تەحنولوگيالار جوباسى جۇزەگە اسىرىلادى

فوتو: 7kun.kz

قازاقستان مەكتەپتەرىندە «مەكتەپتەرگە كۇن ەنەرگياسى» اتتى پيلوتتىق جوباسى جۇزەگە اسىرىلادى. بۇل تۋرالى ٴحى استانا ەكونوميكالىق فورۋمى اياسىندا بەلگىلى بولدى، دەپ حابارلايدى baq.kz ٴتىلشىسى.

قر ەنەرگەتيكا مينيسترلىگى، استانا قالاسىنىڭ اكىمدىگى، «نازاربايەۆ زياتكەرلىك مەكتەپتەرى» دەربەس ٴبىلىم بەرۋ ۇيىمى جانە «شەلل» كومپانياسى ٴوزارا مەموراندۋمعا قول قويدى.

اتالعان راسىمگە قر ەنەرگەتيكا ٴمينيسترى قانات بوزىمبايەۆ، استانا قالاسىنىڭ اكىمى اسەت يسەكەشەۆ پەن «نازاربايەۆ زياتكەرلىك مەكتەپتەرى» دببۇ باسقارما ٴتوراعاسى كۇلاش ٴشامشيدينوۆا جانە قازاقستانداعى «شەلل» كونسەرنىنىڭ ۆيسە-پرەزيدەنتى جانە ٴتوراعاسى وليۆە لازار قاتىستى.

مەموراندۋم «مەكتەپتەرگە كۇن ەنەرگياسى» پيلوتتىق جوباسىن ىسكە اسىرۋعا مۇمكىندىك بەرەدى. جوبا اياسىندا استانا، الماتى، اقتاۋ، اتىراۋ جانە ورال قالالارىنداعى نازاربايەۆ زياتكەرلىك مەكتەپتەرىندە كۇن فوتوەلەكتر جۇيەلەرى ورناتىلادى.

«مەكتەپتەرگە كۇن ەنەرگياسى» باستاماسى قازاقستاندا جاڭارتىلاتىن ەنەرگيا كوزدەرىن دامىتۋعا باعىتتالعان قر ەنەرگەتيكا مينيسترلىگى مەن «شەلل» كومپانياسى اراسىنداعى تابىستى ىنتىماقتاستىق ناتيجەسىندە تۋىندادى. وسى جوبانى ىسكە اسىرۋ وڭىرلەردە قۋاتى از بالامالى ەنەرگيا كوزدەرىن پايدالاناتىن قوندىرعىلاردى ودان ٴارى كەڭىنەن پايدالانۋعا مۇمكىندىك بەرەدى. وسىلايشا قازاقستاندا پارنيكتىك گازداردىڭ شىعارىندىلارىن ازايتۋ مەن بالامالى ەنەرگيا كوزدەرى سالاسىندا ينديكاتورلارعا قول جەتكىزۋگە جول اشىلادى»، - دەدى قر ەنەرگەتيكا ٴمينيسترى قانات بوزىمبايەۆ.

وسى ورايدا استانا قالاسىنىڭ اكىمى اسەت يسەكەشەۆ بۇل جوبانى وزگە دە وڭىرلەرگە دە ەنگىزىلۋى مۇمكىن ايتتى.

«وسى مەموراندۋم اياسىندا ٴبىز كۇن فوتوەلەكتر جۇيەلەرىن مەكتەپ شاتىرلارىنا ورناتۋ بويىنشا ىنتىماقتاستىق جۇمىستارىن جۇرگىزەمىز. اتالعان جوبا – بالامالى ەنەرگيا كوزدەرىن ٴتيىمدى پايدالانۋدىڭ ۇلگىسى. بۇل بولاشاقتا ەلىمىزدىڭ وزگە ايماقتارىندا دا كەڭىنەن تاراۋى مۇمكىن»، - دەدى قالا اكىم.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي