BAQ.kz - Қазақстан жаңалықтары USD 326.17 BAQ.kz - Қазақстан жаңалықтары EUR 401.25 BAQ.kz - Қазақстан жаңалықтары RUB 5.31
استانا:

ٴمادينا ٴابىلقاسىموۆا ٴبىرىڭعاي جيىنتىق تولەم رەجيمىن ەنگىزۋدى ۇسىندى

فوتو: ашық дереккөзден

بۇگىنگى ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا بەيرەسمي جۇمىسپەن قامتىلعان ادامداردى رەسميلەندىرۋ جانە ەل ەكونوميكاسىنا تارتۋ ماقساتىندا 2019 جىلدان باستاپ ٴتورت تولەمدى قۇرايتىن ٴبىرىڭعاي جيىنتىق تولەم رەجيمىن ەنگىزۋدى ۇسىندى، دەپ حابارلايدى baq.kz ٴتىلشىسى.

مينيستر جول كارتاسىنىڭ ەكىنشى باعىتى جۇمىسپەن قامتۋدى رەسميلەندىرۋ جونىندەگى جۇيەلى شارالاردى ىسكە اسىرۋ بارىسىن باياندادى.

«بۇگىندە رەسميلەندىرۋدەگى ماڭىزدى ماسەلەلەر قاتارىندا ستاتيستيكالىق ەسەپكە الۋ، جوعارى سالىق جانە ۇيىمداستىرۋشىلىق قۇقىقتىق رەجيمى سەكىلدى ماسەلەلەر بار. قازىرگى ۋاقىتتا بەيرەسمي جۇمىسپەن قامتىلعانداردىڭ قىزمەتىن زاڭداستىرۋ ماسەلەسى بويىنشا «قر كەيبىر زاڭنامالىق اكتىلەرگە وزگەرىستەر ەنگىزۋ تۋرالى» ٴتيىستى زاڭ جوباسى ازىرلەنۋدە. بۇل زاڭ جوباسىندا جۇمىسپەن قامتىلعانداردىڭ جانە ٴوزىن-وزى جۇمىسپەن قامتىعان حالىقتىڭ ٴبىرىڭعاي تۇسىنىگى مەن ولاردىڭ ساناتى انىقتالادى»، - دەدى ٴابىلقاسىموۆا.

ول حالىقارالىق ەڭبەك ۇيىمى جۇمىسپەن قامتىلعان حالىقتى ستاتيستيكالىق ەسەپكە الۋدىڭ جاڭا كلاسسيفيكاتور جوباسىن ازىرلەگەنىن اتاپ ٴوتتى. ۇيىم جۇمىسپەن قامتىلعان حالىقتى جىكتەۋدىڭ ەكى جاڭا ٴتاسىلىن ۇسىنادى: ٴبىرىنشى، وكىلەتتىك ٴتۇرى بويىنشا تاۋەلسىز جۇمىسكەرلەر جانە تاۋەلدى جۇمىسكەرلەر، ەكىنشى، ەكونوميكالىق قاۋىپ-قاتەر ٴتۇرى بويىنشا پايدا مەن جالاقىعا باعدارلانعان جۇمىسكەرلەر.

«2019 جىلدان باستاپ جاڭا ستاتيستيكالىق ەسەپكە كوشۋ ماقساتىندا ارنايى جول كارتاسى ازىرلەنەدى. تىركەۋدى جەڭىلدەتۋ جانە بەيرەسمي جۇمىسپەن قامتىلعان حالىقتىڭ قىزمەتىن زاڭداستىرۋ ٴۇشىن جاڭا ارنايى سالىق رەجيمى ٴبىرىڭعاي جيىنتىق تولەمىن ەنگىزۋ ۇسىنىلادى. ول ٴتورت تولەمدى بىرىكتىرەدى: جەكە تابىس سالىعى، مىندەتتى زەينەتاقى جارناسى، مىندەتتى مەديسينالىق جانە الەۋمەتتىك ساقتاندىرۋ جارنالارى. ٴبىرىڭعاي جيىنتىق تولەمى اۆتوماتتى تۇردە قىزمەتتى تىركەۋدى، مەديسينالىق جانە الەۋمەتتىك ساقتاندىرۋدىڭ زەينەتاقى جۇيەسىنە قاتىسۋدى بىلدىرەدى. ٴبىرىڭعاي جيىنتىق تولەمى ەڭ بىرىنشىدەن جەكە تۇلعالارعا قىزمەت كورسەتەتىن باسقا جەكە تۇلعالارعا، قوسالقى شارۋاشىلىققا، ٴۇي جۇمىسكەرلەرىنە، ساۋدا نىساندارىندا ارنايى ورىندارى جوق جەكە تۇلعالارعا ارنالعان. سونداي-اق بۇل تولەم جالدامالى جۇمىس ەڭبەگىن قولدانبايتىندارعا باعىتتالعان. جاڭا سالىق رەجيمى جەڭىلدەتىلگەن سالىق جانە پاتەنت رەجيمدەرىمەن قاتار جۇمىس جاسايدى»، - دەدى مينيستر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي