USD 334.31 EUR 355.17 RUB 5.31
استانا:

قازاقستاننىڭ توراعالىعىمەن ماسكەۋدە ەەك كەڭەسىنىڭ وتىرىسى ٴوتتى

فوتو: primeminister.kz

ماسكەۋدە قر پرەمەر-مينيسترىنىڭ ٴبىرىنشى ورىنباسارى اسقار ٴماميننىڭ توراعالىعىمەن ەۋرازيالىق ەكونوميكالىق كوميسسيا (ەەك) كەڭەسىنىڭ كەزەكتى وتىرىسى ٴوتتى، دەپ حابارلايدى primeminister.kz.

وتىرىسقا قاتىسۋشىلار كۇن ٴتارتىبىنىڭ 52 ماسەلەسىن قارادى، سولارعا قاتىستى ەۋرازيالىق ەكونوميكالىق ىقپالداستىقتى دامىتۋ بويىنشا ٴوزارا ٴتيىمدى كەلىسىمدەرگە قول جەتكىزىلدى.

وتىرىستا سونداي-اق ونەركاسىپتىك كووپەراسيانىڭ حالىقارالىق قىزمەتى، ەۋرازيالىق ەكونوميكالىق وداقتاعى (ەاەو) تەحنيكالىق رەتتەۋدى جەتىلدىرۋ، ولشەم بىرلىگىن قامتاماسىز ەتۋ سالاسىنداعى مۇشە مەملەكەتتەردىڭ زاڭنامالارىن ۇيلەستىرۋ ماسەلەلەرى تالقىلاندى. ستاندارتتىق ۇلگى ٴتۇرىن جانە ولشەم قۇرالدارىنىڭ ۇلگىسىن بەكىتۋ تارتىپتەرى قابىلداندى، بۇل بيزنەس پەن ساۋداعا قوسىمشا جاعداي جاساۋعا، ونىمدەردى سىناۋ ناتيجەلەرىن ٴوزارا قۇپتاۋعا مۇمكىندىك بەرەدى.

ەاەو اۋماعىندا ادام ٴومىرى مەن دەنساۋلىعىن، قورشاعان ورتانى ساقتاۋدى قامتاماسىز ەتۋ ماقساتىندا «بالىق جانە بالىق ونىمدەرىنىڭ قاۋىپسىزدىگى تۋرالى»، «ەلەكتروتەحنيكا جانە راديوەلەكترونيكا بۇيىمدارىندا ٴقاۋىپتى زاتتاردى قولدانۋدى شەكتەۋ تۋرالى» تەحنيكالىق رەگلامەنتتەر قابىلداندى.

ەەك كەڭەسى اياسىندا بيومەديسينا، عارىش جانە گەواقپاراتتىق تەحنولوگيالار، فوتونيكا سالالارىنداعى باسىم تەحنولوگيالىق تۇعىرنامالار انىقتالدى.

ەۋرازيالىق تەحنولوگيالىق تۇعىرنامالار ەاەو-قا مۇشە مەملەكەتتەردىڭ 400-دەن استام جەتەكشى عىلىمي جانە ونەركاسىپتىك ۇيىمدارىن بىرىكتىرۋگە مۇمكىندىك بەرەدى. ۇيىمدار پەرسپەكتيۆالى سالالارداعى 130-دان استام ورتاق يننوۆاسيالىق كووپەراسيالىق جوبالاردى قاراستىرۋدى ۇسىندى.

ەسكە سالا كەتەيىك، قر پرەمەر-مينيسترىنىڭ ٴبىرىنشى ورىنباسارى اسقار مامين ماسكەۋگە جۇمىس ساپارى اياسىندا رف ۇكىمەتى ٴتوراعاسىنىڭ ورىنباسارى دميتريي روگوزينمەن كەزدەسۋ وتكىزدى. كەزدەسۋ بارىسىندا ەكى ەل اراسىنداعى عارىشتىق جانە اسكەري-تەحنيكالىق سالالارداعى ىنتىماقتاستىقتىڭ دامۋ كەلەشەگى مەن قازىرگى جاعدايى قاراستىرىلدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي