BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

قازاقستاندىقتار اقش-تا قاماۋعا الىندى: ٴسىم تۇسىنىكتەمە بەردى

فوتو: интернеттен

بۇگىنگى ۇكىمەت وتىرىسىنان كەيىن جۋرناليستەردىڭ سۇراقتارىنا جاۋاپ بەرگەن قر سىرتقى ىستەر ٴمينيسترى قايرات ٴابدىراحمانوۆ اقش-تا الاياقتىق فاكتىسى بويىنشا ۇستالعان قازاقستاندىقتارعا قاتىستى تۇسىنىكتەمە بەردى، دەپ حابارلايدى baq.kz ٴتىلشىسى.

«امەريكا قۇراما شتاتتارىنىڭ نيۋ-يورك قالاسىنداعى ٴبىزدىڭ باس كونسۋلدىعىمىز امەريكا تاراپىمەن تىعىز قارىم-قاتىناستا، قاجەتتى كونسۋلدىق جانە قۇقىقتىق قورعاۋعا بايلانىستى ٴبىز ٴوز ازاماتتارىمىزعا ٴتيىستى كومەك كورسەتىپ جاتىرمىز. ٴبىزدىڭ ازاماتتارىمىز دۇنيەجۇزىنىڭ قاي جەرىندە بولسا دا ٴبىزدىڭ قورعاۋىمىزعا جاتادى»، - دەدى مينيستر.

ۆەدومستۆو باسشىسى، بۇل، اسىرەسە، كونسۋلدىق سالادا مينيسترلىك باسىمدىلىعىنا جاتاتىنىن ايتتى.

«بىزگە وسى نيۋ-يورك شتاتىنىڭ وڭتۇستىك وكرۋگىنان كەلىپ تۇسكەن مالىمەتكە سايكەس، قاماۋعا الىنعان ازاماتتاردىڭ اراسىندا قازاقستاننىڭ ٴۇش ازاماتى بار. ولار - ازيزا دجاۆاۆادزە نەمەسە دجالولوۆا (1994 ج.ت.)، ديەرا اشيروۆا (1991 ج.ت.) جانە قۇدايبەرگەنوۆا ەلەنا (1970 ج.ت.). اتالعان تۇلعالاردىڭ قازاقستان ازاماتتارى ەكەنىن سىرتقى ىستەر مينيسترلىگىنىڭ ارنالارى ارقىلى ٴبىز راستادىق. امەريكا تاراپىنان تۇسكەن قوسىمشا مالىمەت بولسا، قوسىمشا حابارلايتىن بولامىز»، - دەدى ٴابدىراحمانوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي