BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

قازاقستاندا جىلدىق ينفلياسيا 6،2% بولدى – سۇلەيمەنوۆ

فوتو: ашық дереккөзден

بۇل تۋرالى بۇگىن ۇكىمەتتىڭ كەزەكتى وتىرىسىندا ۇلتتىق ەكونوميكا ٴمينيسترى تيمۋر سۇلەيمەنوۆ مالىمدەدى، دەپ حابارلايدى ۆaq.kz ٴتىلشىسى.

وسى جىلدىڭ 5 ايىنىڭ قورىتىندىسى بويىنشا ەكونوميكالىق پروسەستەر جانە ەكونوميكالىق قىزمەت سالاسى جاقساردى.

«ەكونوميكالىق پروسەستەر جانە ەكونوميكالىق قىزمەت سالاسى جاقساردى. ەل بويىنشا ٴجىو ٴوسۋى 3،9 پروسەنتتى قۇرادى. جالپى ەكونوميكانىڭ ٴوسۋى ينفلياسيالىق پروسەستىڭ باسەڭدەۋى مەن جوعارى ينۆەستيسيالىق بەلسەندىلىك اياسىندا بولىپ وتىر. جىل باسىنان بەرى ينفلياسيا 2،4 پروسەنت بولدى. 2017 جىلدىڭ سايكەس كەزەڭىمەن سالىستىرعاندا 0،9 پروسەنتتىك تارماققا تومەن»، - دەدى ۆەدومستۆو باسشىسى.

ٴمينيستردىڭ ايتۋىنشا، 2018 جىلدىڭ 5 ايىنىڭ قورىتىندىسى بويىنشا جىلدىق ينفلياسيا سوڭعى ٴۇش جىلداعى ەڭ تومەن كورسەتكىشتى قۇرادى.

«جىلدىق ينفلياسيا 6،2 پروسەنت دەڭگەيىندە تىركەلدى. بۇل – سوڭعى ٴۇش جىلداعى ەڭ تومەن كورسەتكىش. ونەركاسىپ ٴوندىرىسى تۇراقتى ٴوسۋىن ساقتاي وتىرىپ، ٴوسىم 5،4 پروسەنتتى قۇرادى. ٴوندىرۋ ونەركاسىبىنە نەگىزگى قولداۋدى مۇناي-گاز سالاسى قامتاماسىز ەتتى. مۇناي ٴوندىرۋ 6،4، ال تابيعي گاز ٴوندىرۋ 6،5 پروسەنتكە ۇلعايدى»، - دەدى سۇلەيمەنوۆ.

ايتا كەتسەك، بۇگىن ۇكىمەت ۇيىندە 2018 جىلدىڭ 5 ايىنداعى الەۋمەتتىك-ەكونوميكالىق دامۋ مەن رەسپۋبليكالىق بيۋدجەتتىڭ اتقارىلۋ قورىتىندىسى، ەلدى مەكەندەردى سۋمەن جابدىقتاۋ جانە سۋ بۇرۋ جۇيەلەرىن دامىتۋ، شاعىن جانە ورتا بيزنەستى سيفرلاندىرۋ ماسەلەلەرى قارالادى.

وتىرىس قورىتىندىسى بويىنشا قر ۇكىمەتىنىڭ ٴباسپاسوز ورتالىعىندا قر ۇلتتىق ەكونوميكا مينيسترلىگىنىڭ باسشىلىعى وكىلدەرىنىڭ قاتىسۋىمەن ٴباسپاسوز كونفەرەنسياسى وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي