BAQ.kz - Қазақстан жаңалықтары USD 325.79 BAQ.kz - Қазақстан жаңалықтары EUR 402.94 BAQ.kz - Қазақстан жаңалықтары RUB 5.33
استانا:

قازاقستاندا ٴوزىن-وزى جۇمىسپەن قامتىعاندارعا جاڭا سالىق رەجيمى ەنگىزىلمەك

ۇكىمەتتە ەلىمىزدە ٴوزىن-وزى جۇمىسپەن قامتىعان ازاماتاتتارعا جاڭا سالىق رەجيمىن ەنگىزۋ ۇسىنىلدى. بۇل تۋرالى ۇلتتىق ەكونوميكا ٴمينيسترى تيمۋر سۇلەيمەنوۆ مالىمدەدى، دەپ حابارلايدى baq.kz ٴتىلشىسى.

«جول كارتاسىنىڭ 6-تارماعىن ىسكە اسىرۋ ماقساتىندا جاڭا «ٴبىرىڭعاي جيىنتىق تولەم» رەجيمى ۇسىنىلادى. تولەم مولشەرى قالاداعى تولەۋشىلەرگە ايىنا 1 اەك 2405 تەڭگە جانە اۋىلداعىلارعا 0،3 اەك 722 تەڭگە قۇرايدى. تولەم قۇرامىنا سالىق جانە بارلىق الەۋمەتتىك تولەم كىرەدى»، - دەدى سۇلەيمەنوۆ.

ول جاڭا رەجيمنىڭ ٴمانى ازعانتاي سالىق سوماسىندا، سالىق جانە الەۋمەتتىك تولەمدەردەن قۇرالاتىن ٴبىرىڭعاي تولەمدە، سالىق ەسەپتىلىگىنىڭ، تەكسەرۋلەرىنىڭ جانە اكىمشىلىك جازالاردىڭ بولماۋىندا ەكەنىن اتاپ ٴوتتى. رەجيم جەكە تۇلعالارعا قىزمەت كورسەتەتىن جەكە تۇلعالارعا ارنالعان.

«ٴبىرىڭعاي جيىنتىق تولەم سوماسىنا: جەكە تابىس سالىعى 10%، مىندەتتى زەينەتاقى جارناسى 40%، مەملەكەتتىك الەۋمەتتىك ساقتاندىرۋ قورىنا الەۋمەتتىك تولەم 10%، الەۋمەتتىك ساقتاندىرۋ قورىنا الەۋمەتتىك اۋدارىمدار 40% كىرەدى. شەكتى تابىس مولشەرى جىلىنا 100 ەسەلەنگەن جالاقىنىڭ ەڭ تومەنگى مولشەرى جىلىنا 2 828 400 تەڭگە، ايىنا 235 700 تەڭگە»، - دەدى ۆەدومستۆو باسشىسى.

ونىڭ ايتۋىنشا، جيىنتىق تولەمدى تولەۋ تولەۋشى رەتىندە تىركەۋدى باستاۋ مەن تولەمدى توقتاتا تۇرۋ قىزمەتتىڭ توقتاتىلۋىن بىلدىرەدى. ەشقانداي قوسىمشا تىركەلۋ جانە حابارلامالار تالاپ ەتىلمەيدى. تولەم بانكتەر مەن تەرمينالدار ارقىلى «ازاماتتارعا ارنالعان ۇكىمەت» مەملەكەتتىك كورپوراسياسىنىڭ شوتىنا اۋدارىلىپ، ٴارى قاراي تولەم قورلارعا بولىنەدى.

ٴبىرىڭعاي جيىنتىق تولەم جەكە تۇلعانى تىركەۋ ورنى بويىنشا تولەنەدى. سالىق كەزەڭى 1 اي بولادى. سۇلەيمەنوۆتىڭ ايتۋىنشا، ٴبىرىڭعاي جيىنتىق تولەمدى تولەۋشىلەرگە ٴبىرقاتار شارت قولدانىلاتىن بولادى:

1) جالدامالى قىزمەتكەرلەردىڭ ەڭبەگىن پايدالانبايدى;
2) تەك جەكە تۇلعالارعا قىزمەت كورسەتەدى;
3) ساۋدا نىساندارى مەن بازارلار اۋماعىندا كوممەرسيالىق تۇراقتى ورنى جوق;
4) جىلىنا 100 جالاقىنىڭ ەڭ تومەنگى مولشەرىنەن ارتىق ەمەس تابىس الادى;
5) قر اۋماعىندا تۇراقتى تۇراتىن ادامدار مەن ورالمانداردى قوسپاعاندا، شەتەلدىكتەر مەن ازاماتتىعى جوق ادامدار بولىپ تابىلمايدى.
6) مەنشىكتى وندىرىستەگى جەكە قوسالقى شارۋاشىلىق اۋىلشارۋاشىلىعى ونىمدەرىن جەكە تۇلعالارعا وتكىزەتىن جەكە تۇلعالار.

مينيستر ٴبىرىڭعاي جيىنتىق تولەم قولداۋ تاپقان جاعدايدا سالىق كودەكسىنە ٴتيىستى نورمالار ەنگىزىلەتىنىن، تولەم ٴتارتىبى مەن ٴبولۋ تەتىگى ۇكىمەت قاۋلىسىمەن انىقتالاتىنىن ايتتى. مىندەتتى مەديسينالىق ساقتاندىرۋ، الەۋمەتتىك ساقتاندىرۋ جانە زەينەتاقىمەن قامتاماسىز ەتۋ تۋرالى زاڭدار سالىق كودەكسىنە سايكەس كەلتىرىلەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي