BAQ.kz - Қазақстан жаңалықтары USD 344.58 BAQ.kz - Қазақстан жаңалықтары EUR 400.51 BAQ.kz - Қазақстан жаңалықтары RUB 5.47
استانا:

قازاقستاندا ونەركاسىپ ٴوندىرىسى 5،2% ٴوستى 

ەلىمىزدە ونەركاسىپ ٴوندىرىسى 5،2% ارتتى. بۇل جونىندە ۇكىمەت وتىرىسىندا قر ۇلتتىق ەكونوميكا ٴمينيسترى تيمۋر سۇلەيمەنوۆ مالىمدەدى، دەپ حابارلايدى baq.kz ٴتىلشىسى.

«ەكونوميكالىق پروسەستەردىڭ دامۋى تەڭگەرىمدى ٴوسۋىنىڭ ارقاسىندا تۇراقتى ساقتالۋدا. ەكونوميكالىق قىزمەتتىڭ بارلىق سەگمەنتتەرىندە وڭ سەرپىن بايقالىپ وتىر. اعىمداعى جىلدىڭ ٴبىرىنشى جارتىجىلدىعىنىڭ قورىتىندىسى بويىنشا ٴجىو ٴوسۋى 4،1% قۇرادى. جالپى ەكونوميكانىڭ كوتەرىلۋىنىڭ ينفلياسيالىق پروسەستەرىنىڭ جالعاسىپ كەلە جاتقانىنىڭ باسەڭدەۋى جانە جوعارى ينۆەستيسيالىق بەلسەندىلىگى اياسىندا بولىپ وتىر»، - دەدى مينيستر.

سۇلەيمەنوۆ ەلدەگى ينفلياسيا كولەمى ايتارلىقتاي تومەندەگەنىن جانە جىلداعى ەڭ تومەن مانگە، ياعني، 2،6% جەتكەنىن ايتتى.

«نەگىزگى كاپيتالعا سالىناتىن ينۆەستيسيالار بويىنشا جوعارى ٴوسۋ ٴۇردىسى ساقتالۋدا. ونىڭ ٴوسۋى 25،8% قۇرادى. اعىمداعى جىلعى 1 ماۋسىمداعى جاعداي بويىنشا ەلدىڭ حالىقارالىق رەزەرۆتەرى 0،9% ارتىپ، 89،9 ملن اقش دوللارىنا دەيىن جەتتى. ونەركاسىپ ٴوندىرىسى 5،2% ارتىپ، وسى قارقىندار ساقتالۋدا. تاۋ-كەن ٴوندىرۋ ونەركاسىبى 5،5% ٴوستى. بۇل ٴوسۋ نەگىزىنەن قاشاعاندا مۇناي ٴوندىرۋ جۇمىستارىنىڭ اسىرا ورىندالۋىنا بايلانىستى بولىپ وتىر. جوسپارلانعان 4،9 ملن توننانىڭ ورنىنا 6،2 ملن توننا ٴوندىرىلدى»، - دەدى سۇلەيمەنوۆ.

ۆەدومستۆو باسشىسى اتاپ وتكەندەي، وڭدەۋ ونەركاسىبى سەرپىنىنىڭ تۇراقتى ٴوسۋى بايقالادى جانە العاشقى جارتىجىلدىق قورىتىندىسى بويىنشا مۇنداعى ٴوسۋ قارقىنى 5،2% قۇراعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي