BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

قازاقستان پرەمەر-مينيسترى ساعىنتايەۆ جۇمىس ساپارىمەن سينگاپۋرگە باردى

استانا، baq.kz. جۇمىس ساپارى بارىسىندا قر پرەمەر-مينيسترى باقىتجان ساعىنتايەۆ قازاقستان – سينگاپۋر بيزنەس-فورۋمىنا قاتىسىپ، سينگاپۋردىڭ پرەمەر-مينيسترى لي سيان لۋنمەن كەزدەسۋ وتكىزدى، سونىمەن قاتار جەتەكشى يننوۆاسيالىق كومپانيالارمەن قازاقستان ەكونوميكاسىن ٴۇشىنشى جاڭعىرتۋ اياسىنداعى ىنتىماقتاستىق مۇمكىندىكتەرىن تالقىلادى.

بۇدان وزگە، ٴبىرقاتار نىساندى ارالادى، ولاردىڭ قاتارىندا hdb تۇرعىن ٴۇي قۇرىلىسى كەڭسەسى، ا*star عىلىم، تەحنولوگيالار جانە زەرتتەۋلەر اگەنتتىگى، biopolis عىلىمي-زەرتتەۋ ورتالىعى، fusionopolis ستارتاپ-حابى، سونداي-اق، modelfactory@simtech زاۋىتى بار.

قازاقستان – سينگاپۋر بيزنەس-فورۋمىنا ەكى ەلدىڭ ىسكەرلىك ورتالارىنىڭ 500-گە جۋىق وكىلى، مەملەكەتتىك ورگاندار مەن ۇلتتىق كومپانيالاردىڭ باسشىلارى قاتىستى. ٴىس-شارا اياسىندا ساۋدا-ەكونوميكالىق ىنتىماقتاستىقتى نىعايتۋ، قازاقستان مەن سينگاپۋردىڭ بيزنەس قۇرىلىمدارىنىڭ ٴوزارا ٴىس-قيمىلىنىڭ باسىم باعىتتارىن دامىتۋ جانە پەرسپەكتيۆالىق ينۆەستيسيالىق جوبالاردى ىسكە اسىرۋعا قاتىستى اۋقىمدى ماسەلەلەر بويىنشا پىكىر الماستىرىلدى.

پرەمەر-مينيستر باقىتجان ساعىنتايەۆ «قۇبىلمالى ەۋرازياداعى قازاقستاننىڭ ٴرولى» پلەنارلىق سەسسياسىندا ٴسوز سويلەۋ بارىسىندا، سينگاپۋردىڭ قازاقستاننىڭ وڭتۇستىك-شىعىس ازياداعى اسا ماڭىزدى ساۋدا-ەكونوميكالىق سەرىكتەستەرىنىڭ بىرىنە اينالعانىن اتاپ ٴوتتى. بۇگىنگى تاڭدا وڭدەۋ ونەركاسىبى، ساۋدا، اقپاراتتىق-كوممۋنيكاسيالىق تەحنولوگيالار، قۇرىلىس جانە قارجى سالالارىندا بىرلەسكەن كاسىپورىندار جۇمىس ىستەيدى. سونىمەن قاتار، بيزنەس-فورۋمنىڭ قاتىسۋشىلارىنا قازاقستانعا ينۆەستيسيا سالۋدىڭ جاڭا مۇمكىندىكتەرى تۋرالى مالىمەت بەرىلدى. يننوۆاسيالار، كولىك جانە لوگيستيكا، تۇرعىن ٴۇي قۇرىلىسى، سونداي-اق وڭدەۋ ونەركاسىبىن جانە شيكىزاتتىق ەمەس ەكسپورتتى دامىتۋ باعىتتارى بويىنشا ىنتىماقتاستىقتى دامىتۋدىڭ الەۋەتتەرى اتالىپ ٴوتتى.

قازاقستان ۇكىمەتى سينگاپۋرلىق كومپانيالاردى بەلسەندى ىنتىماقتاستىق ورناتۋعا جانە جاڭا بىرلەسكەن جوبالاردى ىسكە اسىرۋعا، وعان قوسا، «استانا» حالىقارالىق قارجى ورتالىعىنىڭ جۇمىسىنا جانە جەكەشەلەندىرۋ باعدارلاماسىنا قاتىسۋعا شاقىرادى.

بۇدان وزگە، فورۋم بارىسىندا احقو اكىمشىلىگىنىڭ باسقارما ٴتوراعاسى ن. قۇسايىنوۆ، «زەردە» ۇيح» اق باسقارما ٴتوراعاسى ە. دۇرماعامبەتوۆ، «kazakhstan asia pacific trade and investment chamber (kaptic)» پرەزيدەنتى و. جيەنقۇلوۆ، «kazakh ٴىnvest» ۇك باسقارما ٴتوراعاسى س. تۇياقبايەۆ، احقو حالىقارالىق سوت جانە حالىقارالىق اربيتراج ورتالىعىنىڭ باس ديرەكتورى كريستوفەر كەمپبەل-حولت، احقو اكىمشىلىگىنىڭ بانكينگ بويىنشا باسشىسى حاينەر ر.ت. حارتۆيچ، paladigm capital pte ltd باسقارما ٴتوراعاسى د. قاراسايەۆ، kusto group ديرەكتورلار كەڭەسىنىڭ ٴتوراعاسى ە. تاتىشەۆ ٴسوز سويلەدى.

ٴوز كەزەگىندە، سينگاپۋر تاراپىنان سپيكەر رەتىندە سينگاپۋردىڭ قۇرمەتتى ٴمينيسترى، بۇرىنعى پرەمەر-مينيسترى گو چوك تونگ، سينگاپۋر رەسپۋبليكاسىنىڭ ساۋدا جانە يندۋستريا جونىندەگى اعا مەملەكەتتىك ٴمينيسترى كو پو كۋن، singapore cooperation enterprise باسقارما ٴتوراعاسى كونگ ۆي مۋن، وڭتۇستىك-ازيا زەرتتەۋلەرى ينستيتۋتىنىڭ (isas) باس عىلىمي قىزمەتكەرى، سينگاپۋر ۇلتتىق ۋنيۆەرسيتەتى، بانگلادەشتىڭ بۇرعىنعى سىرتقى ىستەر ٴمينيسترى د-ر يفتەحار احمەد چوۋدحۋري، meinhardt group باسقارما ٴتوراعاسى شاحزاد ناسيم، food empire باسقارما ٴتوراعاسى تان ۆانگ چۋ، cg corp global اتقارۋشى ديرەكتورى ۆارۋن چاۋدحۋري ٴسوز سويلەدى.

ٴوزارا ٴىس-قيمىلدى تەرەڭدەتۋ پەرسپەكتيۆالارى «قازاقستان – سينگاپۋر ىسكەرلىك ىنتىماقتاستىعىنىڭ الەۋەتىن زەردەلەۋ»، «قازاقستانداعى ينۆەستيسيالار: تەتىكتەر جانە تاجىريبە» اتتى تاقىرىپتىق سەسسيالارىنىڭ اياسىندا تالقىلاندى. بۇدان وزگە، فورۋم الاڭدارىندا road show جانە ٴبىرقاتار ىسكەرلىك ەكىجاقتى كەزدەسۋلەر وتكىزىلدى.

بيزنەس-فورۋمنىڭ ماڭىزدى ناتيجەسى ينۆەستيسيالاردى كوتەرمەلەۋ جانە ٴوزارا قورعاۋ تۋرالى ۇكىمەتارالىق كەلىسىمگە، سونداي-اق اكت جانە قارجى تەحنولوگيالارى، قۇرىلىس، ٴبىلىم، مۇناي-گاز حيمياسى جانە تاماق ونەركاسىبى سالالارىنداعى قازاقستان مەن سينگاپۋر اراسىنداعى ىنتىماقتاستىقتى جانداندىرۋعا باعىتتالعان باسقا دا قۇجاتتارعا قول قويۋ بولدى.

قورىتىندى قۇجاتتار:

  • قازاقستان رەسپۋبليكاسىنىڭ جانە سينگاپۋر رەسپۋبليكاسىنىڭ ۇكىمەتتەرى اراسىنداعى ديپلوماتيالىق جانە قىزمەتتىك/رەسمي پاسپورتتاردىڭ يەلەرىنە ۆيزالىق تالاپتاردان ٴوزارا بوساتۋ شارتتارى تۋرالى كەلىسىم;

  • قر اقپارات جانە كوممۋنيكاسيالار مينيسترلىگى مەن سينگاپۋردىڭ اقپاراتتىق جانە كوممۋنيكاسيالىق تەحنولوگيالار سالاسىنداعى ىنتىماقتاستىق جونىندەگى اگەنتتىگى اراسىنداعى ٴوزارا تۇسىنىستىك تۋرالى مەموراندۋم;

  • «استانا» حالىقارالىق قارجى ورتالىعى مەن crimsonlogic pte ltd اراسىنداعى open trade blockchain ٴونىمىن ەنگىزۋ بويىنشا ٴوزارا تۇسىنىستىك تۋرالى مەموراندۋم;

  • «بايتەرەك» ۇبح» اق مەن enterprise singapore board اراسىنداعى ۆەنچۋرلىق قارجىلاندىرۋ سالاسىنداعى ٴوزارا تۇسىنىستىك تۋرالى مەموراندۋم;

  • «بايتەرەك» ۇبح» اق، abc-i2bf seed fund جشس جانە paladigm capital pte. ltd اراسىنداعى ۆەنچۋرلىق قور قۇرۋ نيەتى تۋرالى مەموراندۋم;

  • «كرەديت24» جشس جانە pocket money pte. ltd اراسىنداعى قارجىلىق قىزمەتتەر ٴۇشىن تەحنولوگيالاردى جانە باعدارلامالىق شەشىمدەردى بىرلەسىپ دامىتۋ بويىنشا ٴوزارا تۇسىنىستىك تۋرالى مەموراندۋم;

  • «بايتەرەك» ۇبح» اق جانە singapore cooperation enterprise اراسىنداعى تۇرعىن ٴۇي قۇرىلىسى جانە قولجەتىمدى باسپانا سالاسىنداعى ٴوزارا تۇسىنىستىك تۋرالى مەموراندۋم;

  • «kazakh invest» اق جانە international cement ltd، alacem llp اراسىنداعى الماتى وبلىسىندا سەمەنت زاۋىتىن قۇراستىرۋ جوباسىن ىسكە اسىرۋ بويىنشا ٴوزارا تۇسىنىستىك تۋرالى مەموراندۋم;

  • «kazakh invest» اق جانە kinderworld international group ltd. اراسىندا قر-دا 12 جىلدىق باعدارلاما بويىنشا مەكتەپكە دەيىنگىدەن باستاپ ورتا مەكتەپتە ٴبىلىم بەرۋگە دەيىن سينگاپۋر ٴبىلىم بەرۋ ورتالىعىن اشۋ بويىنشا ٴوزارا تۇسىنىستىك تۋرالى مەموراندۋم;

  • «kazakh invest» اق جانە pegasus education group pte. ltd اراسىنداعى قر-دا ورتا كاسىپتىك بىلىمنەن جوعارى بىلىمگە دەيىن سينگاپۋر ٴبىلىم بەرۋ مەتروپوليسىن اشۋ بويىنشا ٴوزارا تۇسىنىستىك تۋرالى مەموراندۋم;

  • «kazakh invest» اق جانە westgasoil pte. ltd اراسىنداعى مەتانول جانە ولەفيندەر شىعارۋ زاۋىتىنىڭ قۇرىلىسى جوبالارىن سۇيەمەلدەۋ بويىنشا ٴوزارا تۇسىنىستىك تۋرالى مەموراندۋم;

  • «kazakh invest» جانە cg foods global pte. ltd، lotus food llp اراسىنداعى جىلدام دايىندالاتىن كەسپە شىعارۋ جوباسىن ىسكە اسىرۋ بويىنشا ٴوزارا تۇسىنىستىك تۋرالى مەموراندۋم.

جۇمىس ساپارى اياسىندا باقىتجان ساعىنتايەۆ سينگاپۋر پرەمەر-مينيسترى ليا سيان لۋنمەن كەزدەسۋ وتكىزدى. اڭگىمە بارىسىندا سىرتقى ساۋدا اينالىمىنىڭ وڭ ديناميكاسى اتاپ ٴوتىلدى: وتكەن جىلدىڭ قورىتىندىلارى ەكىجاقتى تاۋار اينالىمىنىڭ 35%-عا ارتۋىن كورسەتىپ وتىر. سونىمەن قاتار، ىنتىماقتاستىقتىڭ بارلىق باعىتتارى بويىنشا ٴوزارا ٴىس-قيمىلدى ودان ٴارى ۇلعايتۋ ٴۇشىن زور الەۋەتتىڭ بارى اتاپ ٴوتىلدى. اتاپ ايتقاندا، يننوۆاسيالار جانە ات، كولىك جانە لوگيستيكا، يندۋستريالاندىرۋ، قۇرىلىس، ٴبىلىم جانە عىلىم، دەنساۋلىق ساقتاۋ سالالارىندا ىنتىماقتاستىق ورناتۋعا بولادى.

تاراپتار ەلدەر اراسىندا سيفرلاندىرۋ، «اقىلدى قالالاردى» ىلگەرىلەتۋ، يننوۆاسيالىق جەلى قۇرۋ مەن كيبەرقاۋىپسىزدىكتى دامىتۋ بويىنشا ىنتىماقتاستىق ورناتۋ ٴۇشىن اشىلىپ وتىرعانى كەڭ مۇمكىندىكتەردىڭ مىندەتتەرىن ايقىندادى. ب. ساعىنتايەۆ ىنتىماقتاستىقتى ودان ٴارى دامىتۋعا تاريحي تۇرعىدان قازاقستان پرەزيدەنتى ن. نازاربايەۆ پەن سينگاپۋردىڭ نەگىزىن قالاعان تۇلعا لي كۋان ٴيۋدىڭ جەكە دوستىعىنا نەگىزدەلگەن ەكى ەل اراسىندا ورناعان جىلى قارىم-قاتىناس تا، حالىقارالىق ماسەلەلەر مەن الەمدىك دامۋعا قاتىستى تاسىلدەرىنىڭ ۇقساستىعى دا ىقپالىن تيگىزەتىنىن اتاپ ٴوتتى. قازاقستان مەملەكەتتى سينگاپۋر مەن باسقا دا دامىعان وزىق ەلدەردىڭ كوپتەگەن ادىستەمەلەرى مەن تاجىريبەلەرىن الۋ ارقىلى جاڭعىرتۋ جولىمەن كەلە جاتىر.

سينگاپۋردە سونىمەن قاتار ىنتىماقتاستىقتى دامىتۋدىڭ كوپتەگەن ماسەلەلەرى مەن بىرلەسكەن جوبالاردى ىسكە اسىرۋ بويىنشا ٴىرى يننوۆاسيالىق كومپانيالاردىڭ وكىلدەرىمەن ٴبىرقاتار ەكىجاقتى كەزدەسۋلەر ٴوتتى.

«meinhardt group» باسقارما ٴتوراعاسى شاحزاد ناسيممەن كەزدەسۋدە قالانى جوسپارلاۋدا وزىق تەحنولوگيالاردى ەنگىزۋ سالاسىنداعى بىرلەسكەن ينفراقۇرىلىمدىق جوبالاردى ىسكە اسىرۋ مۇمكىندىكتەرى تالقىلاندى.

kinderworld international group باسقارما ٴتوراعاسى تان تەك يونگپەن كەزدەسۋ بارىسىندا ۇزدىكسىز ٴبىلىم بەرۋدى دامىتۋدا جوعارى ستاندارتتار مەن جاڭا تاسىلدەردى ەنگىزۋ سالاسىنداعى ٴوزارا ٴىس-قيمىل ماسەلەلەرى قارالدى.

barrington capital partners كومپانياسىنىڭ قۇرىلتايشىسى، westgasoil كومپانياسىنىڭ باس ديرەكتورى ليم رەن سزە مەن اڭگىمە قازاقستاندا مۇناي-گاز حيمياسى جوبالارىن ىسكە اسىرۋ ماسەلەلەرىنە ارنالدى.

شتاب-پاتەرى سينگاپۋردە ورنالاسقان meinhardt كومپانياسىنىڭ بۇكىل الەم بويىنشا ەنەرگەتيكا، مۇناي-گاز سالاسى، سۋمەن جابدىقتاۋ، كولىك، تۇرعىن ٴۇي قۇرىلىسى، دەنساۋلىق ساقتاۋ، ٴبىلىم، سپورت ت.ب. ٴتارىزدى ەكونوميكا سەگمەنتتەرىندە نىسانداردى جوبالاۋ جانە سالۋ سالاسىندا 60 جىلدىق تاجىريبەسى بار.

kinderworld مەكتەبىن حالىقارالىق ۇيىمدار: سينگاپۋر ەمتيحانداۋ جانە باعالاۋ كەڭەسى، (seab)، كەمبريدج ۋنيۆەرسيتەتى، act ٴبىلىم بەرۋ شەشىمدەرى اككرەديتتەگەن. kinderworld بەدەلدى باعدارلامالار سەرتيفيكاتىن تابىستاۋعا، ونىڭ ىشىندە ipsle (حالىقارالىق باستاپقى ٴبىلىم ەمتيحانى)، igcse (حالىقارالىق ورتا ٴبىلىم جالپى سەرتيفيكاتى) جانە gac (جاھاندىق باعالاۋ سەرتيفيكاتى) بويىنشا ەمتيحاندار وتكىزەدى. بۇل مەكتەپتەردىڭ تۇلەكتەرىنە الەمنىڭ 100 ۇزدىك ۋنيۆەرسيتەتىنە تۇسۋگە قاجەتتى ٴبىلىمدى الۋعا مۇمكىندىك بەرەدى.

barrington capital partners — ازياداعى كەلىسىمدەر بويىنشا جەتەكشى سينگاپۋرلىق ينۆەستيسيالىق كومپانيا. بۇل كومپانيا جوبالىق كاپيتال قۇرۋ ٴۇشىن قارجىلاندىرۋ كوزدەرىن ىزدەۋمەن اينالىسادى. كومپانيا كەلەسى سالالاردا ۇسىنىلعان، $2 ملرد دەيىنگى جوبالاردى قۇرىلىمداستىرادى — جىلجىمايتىن مۇلىك، قارجىلىق قىزمەتتەر، قوناق ۇيلەر، مۇناي، گاز، ٴبىلىم بەرۋ، تەحنولوگيا، ازىق-تۇلىك ونىمدەرى ت.ب. «westgasoil» كومپانياسى اتىراۋدا «ۇيمت» اەا اۋماعىندا ەكى گاز حيمياسى جوباسىن ىسكە اسىرۋدا.

قازاقستان پرەمەر-مينيسترى سينگاپۋرعا جۇمىس ساپارى اياسىندا ٴبىرقاتار نىساندارعا بارىپ، زاماناۋي تەحنولوگيالارمەن جانە يننوۆاسيالارمەن تانىستى. ولاردىڭ ىشىندە hdb سينگاپۋردى دامىتۋ جانە تۇرعىن ٴۇي قۇرىلىسى كەڭەسىنىڭ كەڭسەسى، «fusionopolis» ستارتاپ-حاب، «biopolis» بيومەديسينالىق عىلىمدار ورتالىعى، سينگاپۋردىڭ ساۋدا جانە ونەركاسىپ مينيسترلىگىنىڭ عىلىم، تەحنولوگيالار جانە زەرتتەۋلەر اگەنتتىگى («ا*star»)، سونىمەن قاتار modelfactory@simtech «ۇلگى زاۋىتى» بار.

hdb كەڭسەسىنە بارعان ب. ساعىنتايەۆقا سينگاپۋردىڭ تۇرعىن ٴۇي قۇرىلىسى سالاسىنداعى تاجىريبەسى مەن حالىقتى ساپالى جانە قولجەتىمدى تۇرعىن ۇيمەن قامتاماسىز ەتۋ، مەملەكەت تۇرعىندارىنىڭ بارىنشا ىڭعايلى ٴومىر ٴسۇرۋى ٴۇشىن قاجەتتى ينفراقۇرىلىمدى قۇرۋداعى نەگىزگى جۇمىس قاعيداسى تانىستىرىلدى.

سينگاپۋردىڭ ساۋدا جانە ٴوندىرىس مينيسترلىگىنىڭ «a*star» عىلىمي، تەحنولوگيا جانە زەرتتەۋ اگەنتتىگىنە ساپارى بارىسىندا قر پرەمەر-مينيسترى ب. ساعىنتايەۆ جاساندى زەردە، تەحنولوگيالار جانە ينجينيرينگ، بيومەديسينا، ەكونوميكا جانە قىزمەتتەردى سيفرلاندىرۋ سالاسىنداعى عىلىمي-زەرتتەۋ جانە يننوۆاسيالىق جوبالاردى جۇزەگە اسىرۋعا باعىتتالعان تەحنولوگيالىق مۇمكىندىكتەرمەن تانىستى. اگەنتتىك biopolis جانە fusionopolis اتتى ەكى ۇلكەن حالىقارالىق زەرتتەۋ جانە وڭدەۋ ورتالىقتارىن دامىتۋمەن اينالىسادى.

مولەكۋليارلىق بيولوگيا، قاتەرلى ىسىك اۋرۋى، دنق-نىڭ دىڭگەك جاسۋشالارى مەن جاڭا دارى-دارمەكتى زەرتتەيتىن ٴارى بۋىندارعا ارنالعان تيتان يمپلانتتارىن جاسايتىن «biopolis» بيومەديسينا ورتالىعىنىڭ تەحنيكالىق جابدىقتالۋىنا ەرەكشە نازار اۋدارىلدى.

fusionopolis ستارتاپ-حابىنا بارعان ب. ساعىنتايەۆ قازىرگى زامانعى عىلىمي ىس-شارالارمەن، جاھاندىق پروبلەمالاردى شەشۋدەگى جاڭاشىلدىق پەن زاماناۋي تەحنولوگيالار سالاسىنداعى اتقارىلىپ جاتقان عىلىمي شارالارمەن تانىستى. ينۆەستيسيالىق پلاتفورما اt سالاسىندا ماڭىزدى ىنتىماقتاستىق پەن حالىقارالىق سەرىكتەستىكتىڭ قولايلى ورتاسىن قالىپتاستىرادى.

modelfactory@simtech زاۋىتىندا پرەمەر-مينيستر شىنايى وندىرىستىك ورتاعا ەلىكتەۋ ارقىلى سيفرلاندىرۋ تەحنولوگيالارىن زەرتتەپ، تاجىريبە جۇرگىزۋگە مۇمكىندىك بەرەتىن زاماناۋي قۇرىلعىلارمەن تانىستى. اتاپ ايتقاندا، وندىرىستەگى ماسەلەلەردى تۋىنداعانعا دەيىن بولجاۋ. ب. ساعىنتايەۆقا وندىرىستىك تىزبەك كەزىندە بارلىق شەشىم قابىلداۋ ٴۇشىن اقپاراتتى جيناپ ٴارى ونى وڭدەۋگە مۇمكىندىك بەرەتىن ٴوندىرىستى باقىلاۋ ديسپەتچەرلىك مۇناراسى دا تانىستىرىلدى.

تۇرعىن ٴۇي قۇرىلىسى جانە دامۋ كەڭەسى (housing and development board، بۇدان ٴارى — hdb) 1960 جىلى مەملەكەتتىك تۇرعىن ٴۇي ساياساتىندا ٴبىرىڭعاي وپەراتور رەتىندە قۇرىلدى. hdb تۇرعىن ٴۇي ماسەلەسىن شەشۋدە حالىقتىڭ از قامتىلعان سەگمەنتتەرىنە كومەك كورسەتۋ باعدارلامالارىن ىسكە اسىرۋدى كوزدەيدى (تابىسى تومەن ازاماتتار، جالعىزباستى انالار، زەينەتكەرلەر مەن مۇگەدەكتەر توبى)، سونداي-اق مەملەكەتتىك تۇرعىن ٴۇي سەكتورىنداعى ەرەجەلەر مەن نورمالاردىڭ ساقتالۋىن باقىلايدى. hdb قۇرىلعان ساتتەن باستاپ، 23 اۋداندا 1 ميلليوننان استام پاتەر سالىندى، وندا سينگاپۋر حالقىنىڭ 80%-ى تۇرادى.

عىلىم، تەحنولوگيالار جانە زەرتتەۋلەر اگەنتتىگى (a*star) عىلىمي زەرتتەۋ جانە يننوۆاسيانى قولداۋدا سينگاپۋردىڭ جەتەكشى اگەنتتىگى بولىپ سانالادى. a*star مەملەكەتتىڭ عىلىم مەن تەحنولوگيا سالاسىنا جەتەكشىلىك ەتەدى. اگەنتتىك قۇرامىندا بيومەديسينالىق، فيزيكالىق جانە تەحنيكالىق عىلىمدار سالاسىندا 18 عىلىمي-زەرتتەۋ ينستيتۋتى مەن biopolis ي fusionopolis تەحنولوگيالىق پاركتەرىندە ورنالاسقان التى كونسورسيۋم بار.

biopolis بيومەديسينا عىلىمى سالاسىنداعى زەرتتەۋلەر مەن ازىرلەمەلەردىڭ حالىقارالىق ورتالىعى رەتىندە ٴوز ينستيتۋتتارىنا اقش، ەۋروپا، جاپونيا، رەسەي مەن باسقا ەلدەردىڭ جەتەكشى عالىمدارىن تارتادى. ورتالىقتا مەملەكەتتىك عىلىمي-زەرتتەۋ ينستيتۋتتارىمەن قاتار، novartis، danone، abbott جانە procter & gamble سەكىلدى كومپانيالاردىڭ كورپوراتيۆتى زەرتحانالارى ورنالاسقان. وندا دەنساۋلىققا پايدالى ٴارى ٴقاۋىپسىز ونىمدەردى ازىرلەۋ بويىنشا زەرتتەۋلەر جۇرگىزىلەدى.

fusionopolis — سينگاپۋردىڭ جاڭا عىلىمي مەگاجوباسى. تەحنوپارك — اقپاراتتىق-كوممۋنيكاسيالىق تەحنولوگيالار، بۇقارالىق اقپارات قۇرالدارى، فيزيكالىق عىلىمدار مەن ماشينا جاساۋ سالاسىندا عىلىمي-زەرتتەۋ جانە وندىرىستىك قىزمەت بىرىكتىرىلگەن عىلىمي-زەرتتەۋ كەشەنى.

modelfactory@simtech زاۋىتى ٴونىمدى ٴوندىرۋ كەزىندە تۋىنداعان ماسەلەلەردى يميتاسيالاۋ ارقىلى جۇمىس ىستەيتىن ونىمدىلىك كولەمى شاعىن، الايدا تەحنولوگيالىق جاراقتانۋى جوعارى تولىق فۋنكسيونالدى وندىرىستىك جەلى. زەرتتەۋ تۇرعىسىنان، «ۇلگى زاۋىت» كيبەر-فيزيكالىق ٴوندىرىس جۇيەلەرى جانە ٴوندىرىستىڭ ٴۇش دەڭگەيىندە، اتاپ ايتقاندا، سەحتا، كاسىپورىن مەن جەتكىزۋ تىزبەگىندە يكەمدى اۆتوماتتاندىرۋ سياقتى ماڭىزدى تەحنولوگيالاردى ازىرلەۋ ٴۇشىن ٴمىنسىز الاڭ بولىپ سانالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي