BAQ.kz - Қазақстан жаңалықтары USD 336.39 BAQ.kz - Қазақстан жаңалықтары EUR 390.28 BAQ.kz - Қазақстан жаңалықтары RUB 5.36
استانا:

قازاقستان حالقىن سۋمەن قامتاماسىز ەتۋدە 1684 جوبا ىسكە اسىرىلدى – يدم

فوتو: ашық дереккөзден

وڭىرلەردى دامىتۋدىڭ 2020 جىلعا دەيىنگى باعدارلاماسى اياسىندا سۋمەن جابدىقتاۋ جانە سۋ تارتۋدا 1684 جوبا ىسكە اسىرىلدى. بۇل تۋرالى بۇگىن ۇكىمەت وتىرىسىندا ينۆەستيسيالار جانە دامۋ ٴمينيسترى جەڭىس قاسىمبەك ايتتى، دەپ حابارلايدى ۆaq.kz ٴتىلشىسى.

ٴمينيستردىڭ مالىمەتىنە سۇيەنسەك، وڭىرلەردى دامىتۋ باعدارلاماسى اياسىندا 2011-2017 جىلدارى رەسپۋبليكالىق بيۋدجەتتەن 494 ملرد. تەڭگە بولىنگەن. سونىمەن قاتار، قالا مەن اۋىل تۇرعىندارىن سۋمەن قامتاماسىز ەتۋ ٴۇشىن 1684 جوبا ىسكە اسىرىلعان.

«وڭىرلەردى دامىتۋدىڭ 2020 جىلعا دەيىنگى باعدارلاماسى اياسىندا سۋمەن جابدىقتاۋدى قالالاردا 97 %-كە، اۋىلداردا 62 %-كە، سۋ تارتۋدى قالالاردا 97 %-كە، اۋىلداردا – 13%-عا جەتكىزۋ كوزدەلگەن. وڭىرلەردى دامىتۋ باعدارلاماسى اياسىندا 2011-2017 جىلدارى رەسپۋبليكالىق بيۋدجەتتەن 494 ملرد. تەڭگە ٴبولىندى. قالالارداعى جانە اۋىلدارداعى سۋمەن جابدىقتاۋ جانە سۋ تارتۋ سالاسىندا 1684 جوبا ىسكە اسىرىلدى»، - دەدى مينيستر.

ۆەدومستۆو باسشىسىنىڭ ايتۋىنشا، 2011-2017 جىلدارى حالىقتى سۋمەن جابدىقتاۋ قولجەتىمدىلىگى جوسپاردان اسىرا ورىندالدى.

«2011-2017 جىلدارى حالىقتى سۋمەن جابدىقتاۋ قولجەتىمدىلىگى: قالالاردا 82 %-دان 93،8 %-كە دەيىن (جوسپاردا 90 %)(11،8%-كە); اۋىلداردا 42،5%-تەن 57،4 %-كە دەيىن (جوسپاردا 55 %)(14،9 %-كە) ٴوستى. ورتالىق سۋ تارتۋ جۇيەسىنە قولجەتىمدىلىك: قالالاردا 73%-تەن 88%-كە دەيىن (15%-كە); اۋىلداردا 8،8%-تەن 11،5%-كە دەيىن (2،7%-كە) ٴوستى»، - دەدى ول.

مينيستر 2025 جىلعا دەيىن قالالاردى ورتالىق سۋمەن جابدىقتاۋ 100% بولاتىن جوسپار بەكىتىلگەنىن اتاپ ٴوتتى.

«بيىل قازاقستاننىڭ 2025 جىلعا دەيىنگى ستراتەگيالىق دامۋ جوسپارى بەكىتىلدى. وسىعان بايلانىستى حالىقتى ورتالىق سۋمەن جابدىقتاۋ ٴۇشىن قالالاردى 100%، اۋىلداردى 80% قامتاماسىز ەتۋ قاجەت. سونداي-اق، مەملەكەت باسشىسى ٴوز جولداۋىندا ۇكىمەتكە اۋىلدىق ەلدى مەكەندەردى ساپالى اۋىزسۋمەن قامتاماسىز ەتۋ ماسەلەسىن شەشۋگە جانە اتالعان جۇمىستارعا جىل سايىن بارلىق قارجى كوزدەرىنەن 100 ملرد. تەڭگەگە دەيىن قاراجات قاراستىرۋدى تاپسىردى»، - دەدى قاسىمبەك.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي